Yoni 12:35 - Loina Tabu Auwauna NT

³⁵ 'Enega Yesu 'ieonedi, “Tuta gidalinamo 'ena maedana 'emiya 'imiyami, 'enega gete tuga maedana nina 'ena watatauya, manuna 'abo guguyoi 'imamai geya'abo 'eda wa'ita'ita. Manuna 'abo yaita tauna guguyoi 'ena 'itautauya nigeya 'imwalamwalatoni mwa'o 'ena 'itautauya.

Yoni 12:35 ပူးပေါင်းရင်းမြစ်များ

Luke 18:37

'Enega sigwae, “Yesu goma Nasaleta 'itautauya.”

Yoni 11:10

ta esi 'eguma guguyoi 'ena 'itautauya ma'etamo 'iesetupei, manuna nigeya maedana 'ena 'imiyami.”

Yoni 11:9

Ta Yesu 'ediya 'igwae, “'Asiyata 'ana maibo'ana 'ena nate gonegonega be 'ana laba 'asuinuwanuwa. 'Enega 'eguma yaita 'asiyataya 'itatauya geya'abo 'ieseesetupe, manuna ni'atu bale'u 'ana maedana 'imiyami,

Yoni 12:36

Ta 'abo maedana 'emiya 'imiyami, maedana nina 'ena wada emisa, be 'enega 'omi maedana natunao ga maemaedanimi. Yesu 'ina ona gete 'i'inanedi ga 'ipilisinedi ta 'ediyega 'ikwaiya.

Yoni 12:46

Ta 'abo'agu maedana nina gete yamai bale'uya be 'enega yaisigedi 'omi waemisegu geya'abo wate guguyoi 'ena wamiyami.

Yoni 16:16

'Enega Yesu wate 'ediya 'iona, 'igwae, “Ni'atu tuta gidalina 'ena be geya'abo wate wa'ita'itagu, ta 'enega tuta gidalina ma'etamo 'ena wada 'italimagu.”

Yoni 7:33

'Enega to'ita'i'itao nidi simai ga 'ieonedi, 'igwae, “'Abo'agu tuga tuta kukupana namo 'ena ma'emiya, be 'enega wate yada ila tauna 'agu Toetune 'enaya,

Yoni 8:12

Ta Yesu 'ediya 'iona limana, 'igwae, “'Abo'agu me bale'u 'idi maedana, be 'enega yaita tauna 'imuliyegu maedana nina yawasina 'ena 'ida sae, ta geya'abo wate guguyoi 'ena 'itautauya.”

2 Kolinita 3:14

Ona'ai'aila me Isileli nidi debadi 'ipa'ala, lowaenei ga batuwa, manuna 'etamo tuga gete 'abo loina kadekadelina 'ana sawa sinono, nuwadi sitala bodebodedi 'idi debapa'alega, be geya'abo sinuwanuwa sabwalena, ta Keliso namo sawesawenaya talabodaboda nidi 'i'ewayauledi.

Galetia 6:10

'Enega 'ilobweneda be tuta maibo'ana 'ediya tomota yauyaudi tada lemedi, ta esi Yaubada 'ana toemisao talemedi sinabwana.

Epeso 5:8

manuna 'omi guguyoi lowa 'enega ni'atu waabalama Yaubada 'ina maedana 'enaya, 'enega ma imi bubuna maemaedanina waguiguinuwa,