Yemesa 4:17 - Loina Tabu Auwauna NT

¹⁷ 'Enega 'abo yaita guinuwa bobo'adi 'imwalatonidiya, ta nigeya 'iguiguinuwedi, nate 'ina loegesi.

Yemesa 4:17 ပူးပေါင်းရင်းမြစ်များ

Yoni 13:17

Ta ni'atu e'ita nidi getedi wamwalamwalatonidi, ta 'abo waguinuwedi 'ebe gwausowala wada loba.

Yoni 15:22

“'Abo lowa nigeya yameemai be 'ediya yasimasimana, geya'abo 'idi loegesi 'imiyami. Ta esi ni'atu yamai ga 'ediya yaona saba, 'enega nigeya 'ebweu wate 'idi onalimana 'idi loegesi manuna.

Yoni 9:41

Ga Yesu 'ieonedi, 'igwae, “'Eguma 'omi matami kebokebodi geya'abo sa'i bubuna to'umalidi 'emiya 'imiyami, ta esi manuna wagwae, ‘'Abo'ama matama 'esasedi’, 'enega 'imi bubuna to'umalina tuga 'imiya ataya.”

Loma 1:32

Ta tomota getedi nadigega, taudi ni'atu Yaubada 'ina loina simwalamwalatoni 'aene 'abo yaisigedi nadigega sibubuna'esa mwawasa namo tuga 'ilobwenedi, ta sa'i tuwa tuga to'umalina nina siguiguinuwe, ta 'abo gosediyao wate sietotowanedi, 'idi guinuwa nidi si'awa bobo'anedi.

Loma 7:13

Ta mwa'adega sana loina nina bobo'ana ta 'iloemwawasigu? Ona'ai'aila, nigeya sawesawenaya be yage bobo'ana 'iloemwawasida, ta esi to'umalina 'ateguya loina bobo'ana 'ieyowena ga 'enega 'iloemwawasigu, 'enega tamwalatonina 'aene bubuna to'umali 'ai'ailina 'atedaya 'imiyami, ta loina 'enega tamwalamwalatoni 'aene to'umali wawasaena.

2 Pita 2:21

Taudi nigeya bubuna palupaluna 'ana 'eda simwalamwalatoni, ta e'ita kabokabo simulimuliyedi, ta ma'etamo to'umalina siloba. Ta esi taudi ni'atu bubuna palupaluna 'ina 'eda be Yaubada 'ina loina 'esasena 'ana tomwalatoiyao, 'eguma sipilisinei sito'umali 'ai'aila.