Yemesa 3:17 - Loina Tabu Auwauna NT

¹⁷ Ta 'abo yaita 'ina sinasinapu galewega 'imai, tauna 'ina bubuna nugana 'esasena, ta wate nuwasiwalowa 'alena, bubuna nuwana 'alena, egosigosiyana 'alena, 'atenuwa'ole'ole 'alena, ta 'aina wate uwanao bobo'adi siapweapwesa, ta nigeya gosenao 'ida e'idi'idiyedi nai 'ida kaboedi.

Yemesa 3:17 ပူးပေါင်းရင်းမြစ်များ

Madiu 23:28

'Omi 'ami 'ita tomota matadiya 'aene toanuganao bobo'ami, ta solamiya kabo be to'umalina yauna simiyami.

Madiu 5:8

'Omi to'ate'esasa wada gwausowala, manuna ma'etamo Yaubada wa'ita.

Madiu 5:9

'Omi togienuwa siwalowao wada gwausowala, manuna Yaubada 'ida 'awanatunemi.

Luke 21:15

manuna 'abo'agu 'etamo ona palupaludi ta mwalatoi ya'ebwa'emi, be 'enega 'ami talauwalao geya'abo si'awa'awa kabokaboemi.

Luke 6:36

'Enega 'omi wate wada 'atenuwa'ole'ole tuga, nadigega Tamami 'i'atenuwa 'ole'ole'esemi.

Yoni 1:14

Ona nina ni'atu 'edaya 'ietomotai, ga 'ina esaesa 'ena 'a'itena, tosinabwa sana 'ituyayalina, manuna tauna Yaubada natu'ai'ailina, ta wate tauna tooboboma ta adelina palupaluna maibo'ana.

Yoni 1:47

Ga tuta nina Yesu Nataniela 'i'itena ga tomota 'ieonedi Nataniela manuna, 'igwae, “Tai gote tauna goma Isileli ta nigeya 'ebweu wate kabo 'enaya.”

Guinuwa 11:24

Manuna Banaba nina tai bobo'ana ga Yaluyaluwa Tabuna 'iloemaena ta ma ina emisa sinabwana 'Inapwana 'enaya. 'Enega 'ina loguguya 'enega tomota yaudi 'Inapwana siemisena, ga toekalesiyao 'idi boda 'isinabwa.

Guinuwa 9:36

Ta 'asa Yopa 'ena, Yesu 'ana tomuliya 'ebweu waine 'imiyami, 'ana esana Tabita, ta 'ana gibui Dokasa, ta Dokasa 'ana gibui yobai 'ana esana diya, ta waine nina lema be oboboma 'alena,

Loma 12:18

Ta wate wada toowaiwai be bubuna bobo'ana 'enega miya siwalowa manuna wada e'ita tomota maibo'adi 'ediya.

Loma 12:9

Wada oboboma 'ai'aila ta to'umalina wada guitoyase, ta esi bubuna bobo'ana wada giyai.

Loma 15:14

Gosegwao, ni'atu yamwalatoi 'ai'ailimi 'aene 'omi tomota bobo'ami ta sinasinapumi, 'enega sawesawemiya be 'ebweuna 'ebweuna 'enaya wada e'ita.

1 Kolinita 12:8

ta esi dumadumadi, manuna tomota 'ebweuna 'ana egueguyai mwalatoi, be 'ebweuna sinasinapu,

2 Kolinita 10:1

'Abo'agu Paulo taugu yasidasida 'emiya, 'atuwa Keliso 'ina bubuna nuwana 'enega, manuna 'omi wagwae, “Paulo 'ina bubuna nuwana 'eguma ma'edai tada onaona, ta esi 'edasolega 'i'ena pa'alida.”

2 Kolinita 6:6

bubuna 'esasena, mwalatoi, 'atenuwa'ole'ole, eobooboboma, Yaluyaluwa Tabuna 'atedaya, oboboma 'ai'aila,

2 Kolinita 7:11

Ona'ai'aila, 'imi nuwamwau gete 'enega Yaubada 'ilememi, ga waetaetapewa, ta waewaiwai be 'imi bubuna 'ida bobo'ana maibo'ana, 'enega to'umalina nina manuna wagamwasowala ta wamatauta, ta nuwanuwami be yawawai 'emiya, ta wate waewaiwai ga to'umalina nina wae'isena. Yage maibo'adi 'ediyega 'imi guinuwa bobo'ana wae'itaena.

2 Kolinita 9:10

Tauna ewana be masula 'adi To'ebwaya 'imi yageyao 'ida 'ebwa'emi be sida sinabwa 'ai'aila, be 'imi bubuna bobo'ana 'enega sesoi sinabwana wada loba,

Epeso 5:9

be bubuna nidi bobo'adi ta palupaludi ta 'ai'ailidi siapweapwesa maedana 'enega.

Pilipai 1:11

ta ma imi guinuwa bobo'adi Yesu Keliso 'ina waiwaiyega, manudi tomota Yaubada sida tupui be sida 'awa eseese.

Pilipai 4:8

Gosegwao, gete 'ebweu wate loguguya 'aene wada nuwanuwa yage 'ai'ailidi ma 'adi 'amayaba manudi, be yage palupaludi manudi, be yage 'esasedi manudi, be yage 'adi 'ita kausala nidi manudi, be yage oboobobomidi manudi, be 'eguma to'ase bobo'ana 'ediya nai 'ebe tupu 'ediya manudi.

Kolose 1:10

be 'imi guinuwa nidi 'ediyega 'ida 'Inapwana wada giegwausowali, be wate 'imi bubuna bobo'ana 'iuuwa, be Yaubada 'ana mwalatoi 'emiya 'ida sinabwa.

1 Tesalonaika 2:7

'Ima bubuna 'emiya ma ima oonuwa, nadigega waine natunao 'ediya ma ina oonuwa.

1 Timoti 5:21

Gete 'amu emataluwa 'eguyega Yaubada be Yesu Keliso matadiya, be wate aniloseyao 'esasedi matadiya, 'aene loina getedi 'uda muliya 'ai'ailidi. Tomota maibo'adi 'uda loinedi loina 'ebweuna namo 'enega, ta geya'abo 'aidi namo 'ediya 'uloiloina pa'ala, ta 'aidi 'ediya nigeya.

2 Timoti 2:24

Ta egewagewana 'Inapwana 'ina toguinuwao nigeya 'ilobwelobweneda, ta 'atenuwa'ole'ole be e'ita bobo'ana be 'alama'i'ita esi.

Taito 1:15

Tomota 'esasedi 'ediya yage yauna 'esasedi, ta taudi tetela bobo'ana 'ana tologuitoyasao, ta 'idi bubuna to'umalidi, taudi 'ediya nigeya 'ebweu wate yage 'esasena, manuna 'idi nuwanuwao maibo'ana to'umalidi.

Taito 3:2

Ta geya'abo lo'aegila be egewagewana, ta esi tomota 'ediya sida bubuna oonuwega ma idi 'amayaba.

Ibeliu 12:11

Ona'ai'aila, tuta nina 'abo 'inapwana 'ebweu 'isapida ta'elouya sinabwana ta geya'abo tagwaugwausowala, ta esi 'abo 'igiepaepaluyeda 'etamo uwana bobo'ana taloba, nate bubuna palupaluna be miya siwalowa.

Ibeliu 12:14

Wada toowaiwai be wada miya siwalowa tomota ma'emiyao, ta wate wada toowaiwai be 'imi bubuna 'ida bobo'ana maibo'ana, manuna 'abo yaita nigeya 'ina bubuna bobo'ana geya'abo sa'i 'Inapwana 'i'ita'ita.

Yemesa 1:17

Ta wada nuwa'i'isi 'aene 'ebwayadaita bobo'adi be wate oboboma bobo'adi maibo'adi galewega simai Yaubada 'enega, tauna tuga maedanao 'adi tomweluluwa, ta wate nigeya sa'i 'ida esa'ugelasa, nadigega yauyaukwa sisa'usa'u gelasa.

Yemesa 1:5

Ta 'abo yaisigedi 'omi Yaubada 'ana mwalatoi 'ai'aila nigeya 'emiya, Yaubada 'ena wada sidasida, be 'emiya 'ida 'ebwaya, manuna tauna Totagwala ta To'ebwaya 'ai'aila.

Yemesa 2:13

Manuna 'abo yaita nigeya gosenao 'i'ate'atenuwa 'ole'oleyedi, Yaubada nadigega geya'abo tai nina 'i'ate'atenuwa 'ole'oleye. Ta 'abo yaita to'atenuwa 'ole'ole, geya'abo Yaubada 'ina bwa'omatana 'imatamataute.

Yemesa 2:4

Ta 'abo 'imi esinuwa gete nadigega, 'ana 'ita nigeya bobo'ana, manuna nuwanuwa nina nigeya palupaluna.

Yemesa 3:15

sinasinapu nidi gete nadigega nigeya galewega, ta esi tuga bale'u bubuninao 'adi yalakwaiya be Seitani 'ediyega.

Yemesa 4:8

Ta wada mai Yaubada selabenaya be 'enega tauna wate 'ida wai selabemiya. Ta 'omi to'umalimi ta kabokabomi nimami wada 'utudi be 'atemi wada gie'esasedi,

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

1 Pita 2:1

'Enega 'imi to'umalinao be 'imi kabokaboyao onega be guinuwega, be 'imi e'ipi'ipiyao, be 'imi 'awato'umaliyao wada guitoyasedi,

1 Pita 2:18

'Enega 'omi toguinuwao, 'imi 'ena'iyao wada 'amayabedi be 'ediya wada ematamatana, ta nigeya 'aene 'ena'iyao bobo'adi namo 'ediya, taudi 'idi loina pa'alidi 'ediya wate.

1 Yoni 3:18

Natugwao, geya'abo 'ida oboboma ona namo 'enega, ta esi 'ida guinuwega be tada oboboma 'ai'aila.

1 Yoni 3:3

'Ida emisa yage gete manuna 'enega 'ida bubuna tagie'esasedi, nadigega Keliso.