Yemesa 3:15 - Loina Tabu Auwauna NT

¹⁵ sinasinapu nidi gete nadigega nigeya galewega, ta esi tuga bale'u bubuninao 'adi yalakwaiya be Seitani 'ediyega.

Yemesa 3:15 ပူးပေါင်းရင်းမြစ်များ

Luke 16:8

“'Enega 'ina 'inapwana nina 'ina guinuwa gete alena 'inonona, ga 'itupuna, 'ina sinasinapu manuna. Onasemalimali gete 'enega 'ie'ita 'ai'aila 'aene, me bale'u siewaiwai 'idi esaesa 'ana guinuwa manuna, ta Yaubada 'ina bodao 'idi paisewao maedana manuna nigeya siewaiwai.”

Yoni 3:17

Ta Yaubada Natuna bale'uya 'ietunenama, nigeya 'aene tomiya bale'u 'ida bwa'omatadi, ta esi sabi 'etoseyedi.

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

Guinuwa 13:10

ta 'igwae, “'Oyo Seitani 'ina boda ta kabo 'aleyo, 'enega guinuwa palupaluna 'uetalauwalena, ta 'Inapwana 'ina 'eda palupaluna tuta maibo'ana 'utootoo be 'aene 'ugiebokoboko.

Loma 1:22

Ga taudimo si'awa sinasinapuyedi, ta esi uwauwadi.

1 Kolinita 1:27

ta esiya yaudi uwauwadi 'iesinuwedi, ga uwauwadi nidi bale'u 'ana tosinasinapuyao sigie omayamayaedi, ta wate bale'u 'ana tonenetao Yaubada 'iesinuwediya, ga taudi wate toewaiwaiyao siewaiwai sinedi.

1 Kolinita 2:14

Ta esi 'abo nigeya, geya'abo sa'i simwalamwalatoni, manuna 'ediya 'aene yage kabakabaleya tuga. 'Enega nigeya sawesawediya be yage nidi simwalamwalatonidi, manuna Yaubada yaluyaluwana geya'abo 'igiegienuwa sabwalenidi.

1 Kolinita 3:19

Manuna sinasinapu gete bale'u 'enega 'atuwa euwauwa Yaubada matanaya. Manuna Buki Tabu 'ena 'ina simana gete nadigega 'igwae, “Yaubada tosinasinapuyao 'i'onedi, be siesilae taudi 'idi gomanega.”

1 Kolinita 3:3

Ona'ai'aila, 'imi bubuna ma'etamo tuga me bale'u nadigega, manuna 'etamo waegewagewana be wae'ipi'ipi tuga,

2 Kolinita 1:12

'Ebweu yage manuna yagwausowala sinabwana, ta yanuwena ona'ai'aila 'ima bubuna 'esasena ta palupaluna tomota 'ediya, nigeya sinasinapu bale'u 'ediyega, ta esi Yaubada 'ina oboboma 'emaya 'enega, ta wate nadigega 'aguinuwa sinabwana 'emiya.

2 Kolinita 11:3

Ta esi ya'atesa'ala manumi 'abona nai 'imi nuwanuwa sikwakwani be 'imi 'atetagwala Keliso 'ena wapilisine, nadigega lowa mwata Ibe 'ikaboena 'ina ona dibidibi 'enega, ga Ibe nina 'ineneta.

Pilipai 3:19

Taudi 'idi 'ebe losalowa sida esilae, manuna 'idi 'ebe emisa gamwapawa manuna, be yage 'ebe omayamayao situputupudi, manuna yage bale'u namo nuwanuwadi.

2 Tesalonaika 2:9

Ta tai nina to'umalina 'ida apwesa, be Seitani 'ina waiwaiyega edeedede ta yage 'ebe nuwaowana 'ediyega tomota 'ida kaboedi.

1 Timoti 4:1

Yaluyaluwa Tabuna ni'atu 'isimana apwesa 'aene ma'etamo tuta 'ana 'ebe losalowa 'enaya 'aina tomota tapwalolo sida guitoyase, be yaluyaluwa to'umalidi be Taumudumudulele 'idi e'ita kabokaboyao sinonodi.

Yemesa 1:17

Ta wada nuwa'i'isi 'aene 'ebwayadaita bobo'adi be wate oboboma bobo'adi maibo'adi galewega simai Yaubada 'enega, tauna tuga maedanao 'adi tomweluluwa, ta wate nigeya sa'i 'ida esa'ugelasa, nadigega yauyaukwa sisa'usa'u gelasa.

Yemesa 1:5

Ta 'abo yaisigedi 'omi Yaubada 'ana mwalatoi 'ai'aila nigeya 'emiya, Yaubada 'ena wada sidasida, be 'emiya 'ida 'ebwaya, manuna tauna Totagwala ta To'ebwaya 'ai'aila.

Yemesa 3:17

Ta 'abo yaita 'ina sinasinapu galewega 'imai, tauna 'ina bubuna nugana 'esasena, ta wate nuwasiwalowa 'alena, bubuna nuwana 'alena, egosigosiyana 'alena, 'atenuwa'ole'ole 'alena, ta 'aina wate uwanao bobo'adi siapweapwesa, ta nigeya gosenao 'ida e'idi'idiyedi nai 'ida kaboedi.

Yude 1:19

Toto'umalina nidi bubuna bale'u simulimuliye, 'enega toekalesiyao 'adi toweyala, manuna Yaluyaluwa Tabuna nigeya 'ediya 'imiyami.

E'ita'ita 12:9

Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.

E'ita'ita 2:24

“Ta 'omi Me Tayataila nimi, 'abo bubuna to'umalidi getedi nigeya wamulimuliyedi, nai Seitani 'ina e'itao ni'uni'udi nigeya wamwalamwalatonidi, geya'abo wate 'aa'aala mwauna ya'ebwa'ebwa'emi.

E'ita'ita 9:11

Ta wate ma idi toloina, tauna anilose nina gaula nina 'ana to'ita'i'ita, 'ana esana Ibeliu 'enadiyega sigwae, “Abadoni,” ta 'ena Gilisi sigwae “Apoloni,” ta 'adi gibui nate “Toepe'u.”