Yemesa 1:22 - Loina Tabu Auwauna NT

²² Ta geya'abo waenono namo, nate wakabokaboemi tuga, ta esi wada guinuwa wate.

Yemesa 1:22 ပူးပေါင်းရင်းမြစ်များ

Madiu 12:50

Manuna 'eguma yaisigedi Tamagu galewaya 'ina nuwanuwa simulimuliye, taudi tasigwao nai nuugwao nai sinagwao.”

Madiu 28:20

Ta loina maibo'ana ni'atu ya'ebwa'emi wae'itadi be taudi wate sida muliyedi. Ona'ai'aila, 'abo'agu ma'emiya yada miyami tuta yauyauna, batuwa ga 'ana laba bale'u 'ana 'ebe losalowa 'enaya.”

Luke 11:28

Ta Yesu wate 'igwae, “Taudi esi 'abo Yaubada 'ina ona sinonona ga 'enana siematamatanena, taudi togwausowala 'ai'aila.”

Yoni 13:17

Ta ni'atu e'ita nidi getedi wamwalamwalatonidi, ta 'abo waguinuwedi 'ebe gwausowala wada loba.

Loma 2:13

Ta nigeya 'aene loina 'ana nono namo 'enega Yaubada 'ida 'awa palupaluyeda, ta esi 'ina loina 'ana guinuwa 'enega.

1 Kolinita 15:33

Ta esi ona nidi nate kabo tuga, 'enega geya'abo 'ediyega sikabokaboemi, 'abona nai 'idi bubuna to'umalina waetotowanedi.

1 Kolinita 3:18

Geya'abo yaita 'oyo tauyo 'ukaboeyo 'aene 'oyo 'ebweu tosinasinapu, manuna 'abo bale'u gete 'ana sinasinapu namo 'umwalamwalatoni, 'ilobweneyo be mwalatoi nina 'uguitoyase, be 'enega mwalatoi 'ai'aila Yaubada 'enega 'uloba.

1 Kolinita 6:9

'Enega 'imi bubuna nadigega manuna geya'abo Yaubada 'ina 'ebeloina 'ena walugulugu, manuna toto'umalidi maibo'adi Yaubada 'i'etobodedi, nadigega tolonabwasuwao be toloyaweyao be loelata nina waine dimo ma'ediyao siguiguinuwe be tai dimo ma'ediyao siguiguinuwe,

Galetia 6:3

'Eguma yaita gomabeso, ta 'inuwena 'aene toesaesa, taunamo sa'i 'ikaboena.

Galetia 6:7

Geya'abo tauyo 'ukabokaboeyo, manuna nigeya sawesawedaya be Yaubada takaboe. To'ase tai 'iasona, muliyega 'ida sesoni.

Pilipai 4:8

Gosegwao, gete 'ebweu wate loguguya 'aene wada nuwanuwa yage 'ai'ailidi ma 'adi 'amayaba manudi, be yage palupaludi manudi, be yage 'esasedi manudi, be yage 'adi 'ita kausala nidi manudi, be yage oboobobomidi manudi, be 'eguma to'ase bobo'ana 'ediya nai 'ebe tupu 'ediya manudi.

Kolose 3:17

Ta 'imi guinuwa maibo'adi, nate 'imi onao nai 'imi paisewao, maibo'ana 'ida 'Inapwana Yesu 'ana esanega wada guinuwa, ma imi lokagutoki Yesu 'ana esanega, Tamada Yaubada 'enaya.

2 Timoti 3:13

Ta wate taudi toto'umalidi be tomota 'adi tokaboyao 'idi to'umalinao sida sinabwa 'ai'aila, manuna Seitani ni'atu 'ikaboedi.

Taito 3:3

Ona'ai'aila, 'abo'ada lowa uwauwada ta loguitoyasa 'aleda, ga yalakwaiya be gwausowala besobeso 'adi nuwa'ewa 'enega 'eda bobo'ana tapilisinena. Ta wate lowa etalauwala be e'ipi'ipi 'aleda, ta mali tomota 'edaya sinuwa to'umali, ga 'abo'ada wate 'ediya tanuwa to'umali.

Yemesa 1:26

Ta 'eguma 'ebweu tai 'inuwanuwa gesi be 'aene tauna totapwalolo 'ai'aila, ta nigeya 'ina ona 'i'ita'ita'i'isi, 'ina tapwalolo yage besobeso.

Yemesa 4:11

Tasigwao, geya'abo tasimiyao wa'awa'awa to'umaliyedi, manuna 'abo yaita tauna tasina 'i'awa to'umaliyei, nai 'iloinei, tauna nigeya Yaubada 'ina loina 'imulimuliyei, ta esi loina nina 'i'awa'awa to'umaliye.

Yemesa 4:17

'Enega 'abo yaita guinuwa bobo'adi 'imwalatonidiya, ta nigeya 'iguiguinuwedi, nate 'ina loegesi.

2 Pita 2:13

be 'adi e'isa 'idi to'umalina manuna 'ida to'umali 'ai'aila. Nuwanuwadi 'asiyata 'ebweuna 'ebweuna siegwausowala besobeso. Ta 'eguma ma'emiyao wa'e'ai, 'idi bubuna to'umalina 'ediyega sigiebailimi.

1 Yoni 1:8

Ona'ai'aila, maibo'ada toto'umalida tuga, ta geya'abo takabokaboeda, be tagwae, “'Abo'agu bobo'agu, ta nigeya 'igu to'umalinamo.”

1 Yoni 2:3

Yaubada nina tamwalatonina 'aene gosiya 'ai'ailida, 'eguma 'ina loinao taematamatanedi.

1 Yoni 3:7

Natugwao, geya'abo e'ita kabokabo wamulimuliye, ta esi nuwami sida sabwalena 'aene 'abo yaisigedi taudi 'idi bubuna bobo'ana, taudi nate tobobo'adi, nadigega Keliso.

3 Yoni 1:11

Gosegwao, geya'abo bubuna to'umalina wamulimuliye, ta bubuna bobo'ana esi. Ona'ai'aila, tobobo'adi taudi Yaubada 'ina bodao, ta toto'umalidi nigeya Yaubada sida mwalatonina.

E'ita'ita 12:9

Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.

E'ita'ita 22:7

Ta Yesu 'igwae, “Wa'ita! Ni'atu gete be yawawa, be taudi onaupaupao buki gete 'ena 'adi toematamatanao sida gwausowala.”