Pilipai 1:25 - Loina Tabu Auwauna NT

²⁵ 'Enega yamwalatoi 'ai'ailina 'aene 'omi ma'egwao tada miyami be yada lememi be wada gwausowala 'imi emisa Keliso 'ena manuna,

Pilipai 1:25 ပူးပေါင်းရင်းမြစ်များ

Luke 22:32

ta geya'abo 'ebe toona nina 'ena 'uneeneta 'ai'aila, manuna ni'atu manuyo yasida waiwai 'imu toolopa'ala manuna. Be 'enega 'abo to tuta 'usanaila 'eda bobo'ana 'enaya, tasimwao wate 'ugie waiwaiyedi.”

Guinuwa 11:23

Ga tuta nina Banaba 'imai Anitioki 'enaya Yaubada 'ina oboboma toekalesiyao nidi 'ediya 'i'itena, ga 'igwausowala sinabwana, ga 'iguguyedi be geya'abo sienuenuwanaluwa, ta esi sida toolopa'ala ma idi emisa 'Inapwana 'enaya.

Guinuwa 14:22

Ta 'idi sakowasi nina 'ena Yesu 'ana toemisao sigiepa'alidi 'asa 'ebweuna 'ebweuna 'ediya, ta siloguguyedi be geya'abo 'idi emisa 'ida neeneta, ta sigwae, “Ona'ai'aila, ma'etamo 'ida 'elouyao yaudi 'ediyega talulugu Yaubada 'ina 'ebeloina 'ena.”

Guinuwa 20:25

“Wanuwa'i'isi lowa tuta yauna 'ediya yasakosakowasi 'emiya ta Yaubada 'ina etoloina tetelina manuna yaloguloguguya, ta gete wanono, ma'etamo geya'abo wate wa'ita'ita limagu.

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Loma 15:18

'Enega 'abo'agu namo 'igu paisewa manudi gete tuga yasimasimanedi 'emiya, ta nigeya wate mali tomota 'idi paisewa manudi. Ta yasimana palupalu 'emiya 'igu loguguyao sena apwesaya 'ediya sinonodi, ga simuliyedi, manuna Yesu Keliso 'ina waiwai 'eguya 'imiyami,

Loma 15:29

Ta yanuwayaina 'aene 'igu ayausa 'emiya bobo'ana, manuna Keliso 'ina oboboma sinabwana 'eguya 'imiyami, 'enega 'iabe taegwausowala leleleya.

Loma 5:2

Manuna Yesu 'ilemeda ga Yaubada 'ina oboboma 'iapwesa 'edaya ga 'ena tamiya bobo'ana. 'Enega tada nuwayai ma ida gwausowala Yaubada 'ina esaesa 'etamo 'i'ebwa'eda manuna.

2 Kolinita 1:24

Nigeya 'aene 'aetoloina pa'alina 'emiya 'imi emisa be 'imi tapwalolo manudi, manuna ni'atu 'imi emisega watoolopa'ala, ta esi sabi lememi 'imi gwausowala manuna.

Pilipai 1:24

Ta esi 'ilobwenegu be bale'uya yada miyami be 'enega yada lemelememi.

Pilipai 2:24

Ta wate yaemisa 'aene 'Inapwana 'ina lemega tuta gidalina be 'abo'agu wate yawawa 'emiya.

Pilimoni 1:22

'Ebweu yage wate nuwanuwagu, nate 'igu 'ebe'eno 'imu anuwaya 'ugibubu, manuna yanuwayaina 'aene 'imu sidasida Yaubada 'ena 'enega 'iabe tuta gidalina be deliyega sili'amigu be yawawa 'emuya.

1 Pita 1:8

Keliso nina tauna nigeya wa'ita'ita ta tuga waobobomena, ta gete tuga wate nigeya wada 'itena, ta tuwa tuga 'ena waemisa, ta 'imi gwausowala 'enaya geya'abo tagwaegwae.