Maki 14:62 - Loina Tabu Auwauna NT

⁶² Ga Yesu 'igwae, “'Abo'agu tauna, Tomota Natuna nigu, be ma'etamo wa'itagu Toewaiwai sana 'atainaya yamiyami be wate galewa pwananao debadiyega yamama.”

Maki 14:62 ပူးပေါင်းရင်းမြစ်များ

Madiu 24:30

'Abo'agu Tomota Natuna, be tuta gote 'ena 'igu we'iwe'iyaya galewaya 'iapwesama, ta boda maibo'adi bale'uya si'itagu pwana debanega ma igu waiwai ta ma igu esaesa sinabwana yameema, be sida doonaona.

Madiu 26:64

Ta Yesu 'igwae, “Ni'atu nate 'uona saba, ta wate yaeonami 'aene 'abo'agu Tomota Natuna be ma'etamo wa'itagu Toewaiwai sana 'atainaya yamiyami be wate galewa pwananao debadiyega yamama.”

Madiu 27:11

'Enega Yesu Pailato matanaya sietoolona, tauna toloina sinabwana, ga Pailato nina Yesu 'ienaidena, 'igwae, “'Uda simana, 'oyo me Yudia 'idi kini, aga?” Ta Yesu 'igwae, “Ni'atu nate 'uona saba.”

Maki 13:26

'Abo'agu Tomota Natuna, be tuta gote me bale'u maibo'adi si'itagu pwanega yamwa'umwa'utama ma igu waiwai ta ma igu esaesa sinabwana,

Maki 15:2

'Enega Pailato Yesu 'ienaidena, 'igwae, “'Uda simana, 'oyo me Yudia 'idi kini, aga?” Ta Yesu 'igwae, “Ni'atu nate 'uona saba.”

Maki 16:19

'Ida 'Inapwana Yesu 'ina emataluwa 'ediya ni'atu 'ilosalonina ga 'itu'e galewaya, ga Yaubada 'atainaya 'imiyatowa.

Luke 22:69

Ta wada mwalatoni 'aene tuta gete 'enega be muliyega 'abo'agu Tomota Natuna yada miyami Yaubada Toewaiwai sana 'atainaya.”

Luke 23:3

'Enega Pailato Yesu 'ienaidena, 'igwae, “'Uda simana, 'oyo me Yudia 'idi kini, aga?” Ga 'ieonena, 'igwae, “Ni'atu nate 'uona saba.”

Ibeliu 1:3

Ta Yaubada natunana tamana 'ina maedana 'imaemaedanae ta tauna Yaubada 'ilowa'eluna. Ta 'ina ona waiwaina 'enega yage maibo'ana galewaya ta bale'uya 'igiyagiyaidi. Ta 'ida to'umalinao 'ediyega 'igie 'esaseda, ga muliyega Yaubada Toloetana sana 'atainaya 'imiyatowa.

Ibeliu 12:2

Ta wate Yesu 'enaya tada sanalaga ataya, manuna Yesu nina 'ida emisa 'ana 'ebe e'ale ta 'ana 'ebe losalowa. Tuta nina Yesu bale'uya 'imiyami 'imwalatonina 'aene ma'etamo 'ebe gwausowala sinabwana 'ilobai, 'enega kelose 'ina 'elouya 'i'alama'i'itanena, omayamaya wate nigeya manuna 'inuwanuwa, ga 'ebe losalowa 'enaya 'itu'e galewaya ga Yaubada 'atainega 'imiyatowa.

Ibeliu 8:1

'Igu ona maibo'ana 'alena gete 'aene 'ida totaliya sinabwana, ta gete tuga Toloetana sana galewaya 'ina 'ebemi esaesa 'atainaya 'imiyami.

Ibeliu 8:10

'Inapwana wate 'iona, 'igwae, ‘Ma'etamo 'igu loina auwaudi me Isileli nuwadiya yasa'udi ta 'atediya ya'etoladidi, be 'enega 'abo'agu 'idi Yaubada ta taudi 'igu tomotaiyao.

2 Pita 1:16

Lowa 'ida 'Inapwana Yesu Keliso 'ina waiwai be 'ina mai 'asimanedi 'emiya, ta 'ima simana nina nigeya tosinasinapuyao 'idi emwasalao 'ediyega, ta matamega tauna 'ina esaesa 'a'itena.

E'ita'ita 1:7

Ta wa'ita tauna ma'etamo galewega 'imwa'utama pwana 'enega, be tomota yauyaudi be wate lowa 'ana tobadiyao maibo'adi sida 'ita, be 'enega tomiya bale'u sena maibo'adi 'ediya sida nuwamwau be matanaya sida dedoi. Nadigega. Eimeni.

E'ita'ita 20:11

'Enega 'ebweu 'ebemi esaesa wakewakekena ta sinabwana, be 'ana tomiya nina, ya'itena. Ga matanega galewa be bale'u sisawala, be nigeya sawesawenaya taloba limadi.