Ibeliu 9:14 - Loina Tabu Auwauna NT

¹⁴ Ta esi Keliso lalana 'ebe gie'esasa bobo'ana wawasae, manuna 'ateda 'igie'esasedi be 'aene guinuwa besobeso taguitoyasedi, ta Yaubada nina mayawasina 'ina guinuwao taguinuwedi. Manuna Yaluyaluwa Tabuna miyamiya atayana Keliso 'igiewaiwaiyena, ga tauna ma ina bubuna maibo'ana palupaluna ta nigeya 'ebweu wate to'umalina 'enaya, 'enega tauna 'italiyaena Yaubada 'enaya, nate 'imwawasa 'abo'ada 'ida 'esasa manuna.

Ibeliu 9:14 ပူးပေါင်းရင်းမြစ်များ

Madiu 12:28

“Ta 'abo'agu esi Yaubada Yaluyaluwana 'ina waiwaiyega yaluyaluwa bi'i yaulaula apwesedi, 'enega wada mwalatoni 'aene Yaubada 'ina loina ni'atu 'iapwesama 'emiya.

Madiu 16:16

'Enega Saimoni Pita 'ilolagata ga 'igwae, “'Oyo To'etoseyana Yaubada mayawasina natuna.”

Madiu 20:28

Wate nadigega 'abo'agu Tomota Natuna yamai bale'uya nigeya 'aene tomota manugu siguinuwa, ta esi sabi guinuwa tomota manudi, ta wate yatagwalegu be yamwamwawasa tomota maibo'ami 'ami etoli'ama manuna.”

Madiu 7:11

Ona'ai'aila 'omi toto'umalimi, ta 'imi 'ebwaya natumiyao 'ediya ni'atu wamwalamwalatoni, 'aene yage bobo'adimo wa'ebwa'ebwa'edi. Nadigega wate Tamami galewaya, 'abo wasisida 'enaya, 'imwalatonina to'ase bobo'ana 'ilobwenemi be 'ida 'ebwa'emi.

Luke 1:74

be 'aene 'ida li'amida 'ada saiyao 'ediyega ta ma ida 'atepatu 'enaya tada guinuwa,

Luke 12:24

“Gete 'ebweu 'ebe'ita ya'ebwa'emi kaokao manuna, tuta yauna nigeya sida dauna, nai sida sesoi, ta wate nigeya 'idi anuwa masulamo. Kaokao nidi yage gidalidi ta tuwa tuga Yaubada tuta yauna 'adi masula 'i'ebwa'ebwa'edi; ta esi wada nuwa'i'isi 'aene 'omi sinabwami Yaubada 'enaya, 'enega sawesawenaya be 'ie'enimi.

Luke 12:28

'Enega wanuwanuwa Yaubada 'ina 'ita'i'ita 'emiya manuna. Tauna pwatula 'ieiyalidi senina bobo'adi 'ediyega; batuwa sisenina ta gibwa'i si'oapelu be sigabudi, ta 'omi pwatula wabobo'ana sinedi, 'enega ona'ai'aila 'ami 'oamao 'ida 'ebwa'emi. 'Enega geya'abo 'imi emisa Yaubada 'ena 'ineeneta.

Luke 4:18

“'Inapwana Yaluyaluwana 'eguya 'imiyami. Tauna 'iesinuwegu be togomabeso 'ediya tetela bobo'ana yaguguyae. Ta yoniyonidi wate 'ediya 'ietunegu be 'adi li'ama manuna yada simane. Ta tomatakebokebo wate 'idi 'esasa limana manuna yasimane. Ta wate 'ietunegu be tomiyamwau 'adi talauwalao nimadiyega ya'etoli'amidi.

Yoni 3:34

Tai nina tauna Yaubada 'ietunenama, tauna Yaubada 'ina ona 'isimasimane, manuna Yaubada Yaluyaluwanega 'iloemaa 'ai'ailina.

Guinuwa 1:2

tuta nina bale'uya 'imiyami 'ana laba Yaubada 'i'au'ewa tu'eyena galewaya. Yesu nina 'ina mwawasa mulinaya, mayawasina 'iapwesa 'ana tosimanao esiesinuwadi 'ediya, ga Yaluyaluwa Tabuna 'ina waiwaiyega 'adi loina 'i'ebwa'edi.

Guinuwa 10:38

Tetela nina 'aene Yaubada Yesu goma Nasaleta 'igiewaiwaiyena Yaluyaluwa Tabuna 'enega, ga 'isakosakowasi ga tomota 'ilemelemedi, ta 'abo yaisigedi Seitani be yaluyaluwa to'umalidi sigiele'oasidiya, Yesu 'igiebobo'anedi, manuna Yaubada 'ina waiwai 'enaya 'imiyami.

Guinuwa 14:15

“Gosemao, geya'abo 'abo'ama 'emaya watalitaliya. 'Abo'ama tomota tuga nadigega 'omi, ga tetela bobo'ana gete 'ame'ena 'emiya, be 'aene 'imi 'ebe emisa besobeso wada guitoyasedi be wada sanaila Yaubada mayawasina 'ena, tauna galewa be bale'u be bwagabwaga be wate yage maibo'adi soladiya 'adi tomweluluwa.

Guinuwa 15:9

ta nigeya 'ebweu wate weyala 'igieapwesena, be 'aene taudi dumadumadi be 'abo'ada dumadumada, ta taudi siemisena nadigega 'abo'ada taemisena, ga 'enega maibo'ada 'ateda 'igie'esasedi.

Loma 1:20

Ta Yaubada tauna nigeya tada 'itena, ta esi bale'u 'ana mweluluwa'unu 'enega ga batuwa 'ina waiwai miyamiya atayana tamwalamwalatoni, 'ina mweluluwao 'ediyega, ga tamwalatonina tauna Yaubada. 'Enega tuta nina 'ie'ewadi me bale'u nigeya 'ebweu wate 'idi 'ebe onamo.

Loma 1:4

ta muliyega Yaluyaluwa Tabuna 'ina waiwaiyega Yaubada 'ida 'Inapwana nina mwawasega 'igietoolo limena, ga 'ie'ita apwesena 'aene Yesu Yaubada Natuna.

Loma 11:12

Ta 'omi nigeya me Yudia 'etoseyana bobo'ana walobena manuna taudi me Yudia ni'atu sibe'u, ta esi 'eguma sitoolo limana nate 'ebe gwausowala sinabwana maibo'ada 'edaya.

Loma 11:24

Ta 'omi nigeya me Yudia wada nuwa'i'isi 'aene lowa 'omi mali kaiwe nalinao, ga nigeya Yaubada 'ina kaiwe nalinao 'ena wamiyami, ta esi 'ina guinuwa 'ebe nuwaowana sinabwana 'emiya 'iguinuwena, manuna 'ina kaiwe 'ena 'itubwemi, 'enega me Yudia nidi, taudi Yaubada 'ina kaiwe nali 'ai'ailinao, nadigega Yaubada sawesawenaya be 'itubwe limadi 'ina kaiwe nina 'enaya.

Loma 6:13

Ta wate geya'abo 'ebweu welawela'ami watagwatagwale guinuwa to'umalina manudi, ta esi Yaubada 'ena wada tagwalemi manuna mwawasega 'igietoolo limemi, ga batuwa mayawasimi, be 'enega welawela'ami maibo'adi watagwaledi Yaubada 'ina guinuwa palupaluna manuna.

Loma 6:22

Ta gete tuga to'umalina nina 'ina loina 'enega ni'atu wagumwala, ga 'omi batuwa Yaubada 'ina toguinuwao, be 'enega e'isa bobo'ana waloba, nate bubuna bobo'ana be wate yawasi ataya.

1 Kolinita 15:45

Buki Tabu 'ina simana wate nadigega 'igwae, “Tai nuganuganina, Adama, bwalana mayawasina,” ta tai 'eluwena yaluyaluwana 'enega tomota yawasida 'i'ebwa'eda.

2 Kolinita 5:21

Yaubada nina 'abo'ada manuda Keliso 'iloinena, tauna nigeya 'ebweu wate 'ina to'umalinamo, ta Yaubada 'itagwalena be Keliso nina 'atuwa tai to'umalina, be tauna 'enega 'abo'ada Yaubada 'ina bubuna palupaluna tada lowa'elu.

2 Kolinita 6:16

Wate nigeya sawesawenaya mali 'ebe emisao wasa'u luguyedi Yaubada 'ina anuwa solanaya, ta Yaubada tauna mayawasina ga 'ina anuwa 'abo'ada, ta 'igwae, “ ‘'Abo'agu taudi 'ediya yada e'asa be soladiya yada adadana, be 'abo'agu 'idi Yaubada ta taudi 'igu tomotaiyao.’

Galetia 2:19

Manuna Mosese 'ina loina nina ni'atu 'iloemwawasigu, ga muliyega 'ina waiwai 'eguyega 'igumwala, be 'aene yawasi 'ai'aila yaloba Yaubada manuna.

Epeso 5:2

be wate wada eoboobobomemi nadigega Keliso 'ioboboma 'eseda, ga tauna 'itagwalena ga 'italiyaena Yaubada 'enaya manuda, ga 'imwawasa.

1 Tesalonaika 1:9

manuna taudi 'emaya siemwaemwasala 'imi tagwala lowa 'emaya manuna, 'aene 'imi 'ebe emisa kadekadelidi waguitoyasedi ga 'enega Yaubada 'ena watagwalemi, manuna taunamo Yaubada 'ai'aila ta mayawasina, 'enega tauna manuna waguiguinuwa,

1 Timoti 1:17

'Enega Yaubada tada 'amayabe be tada tupu atae, manuna taunamo Yaubada 'ai'aila, nigeya sawesawenaya be maninina ta'ita, nai 'imwamwawasa, ta 'ina loina 'edaya geya'abo 'igumwagumwala. Eimeni.

1 Timoti 3:15

be 'eguma yasoso'i, leta gete 'enega 'umwalatoni to bubuna 'abo'ada totapwalolo 'ilobweneda, tauna 'ida Yaubada mayawasina 'ina boda solanaya, manuna 'abo'ada toekalesiyao 'ina e'ita 'ai'aila 'ana to'ita'i'itao.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Ibeliu 1:3

Ta Yaubada natunana tamana 'ina maedana 'imaemaedanae ta tauna Yaubada 'ilowa'eluna. Ta 'ina ona waiwaina 'enega yage maibo'ana galewaya ta bale'uya 'igiyagiyaidi. Ta 'ida to'umalinao 'ediyega 'igie 'esaseda, ga muliyega Yaubada Toloetana sana 'atainaya 'imiyatowa.

Ibeliu 10:10

Ta Yaubada 'ina nuwanuwa be Yesu Keliso bwalana 'italiyae sabi gie'esaseda 'ina mwawasa ma'ebweuna namo 'enega.

Ibeliu 10:12

Ta Keliso esi ma'ebweuna 'italiya bubuna to'umalina manuna, ga 'ina taliya nina tuta maibo'ana 'ediya sawesawenaya, ga 'ina taliya mulinaya Yaubada 'atainaya 'imiyatowa,

Ibeliu 10:2

Manuna 'eguma guinuwa nina sawesawenaya be 'igie'esasedi, ma'ebweuna namo sida guinuwei be 'adi lotoona 'ida bobo'ana ataya, be 'enega geya'abo yakwala 'ebweuna 'ebweuna siguiguinuwa limalimana, aga?

Ibeliu 10:22

'Enega Yaubada tada loselabe ma ida 'atetagwala be ma ida emisa 'ai'aila be 'enega ooda tada gie'esasedi bwasi bobo'ana 'enega, ta wate 'ida nuwanuwa sida 'esasa, manuna Yesu 'ina loseuseula 'enega 'ida nuwanuwa to'umalidi 'igie'esasedi.

Ibeliu 11:21

Yekobe wate tuta nina 'iabe 'imwamwawasa 'ina guna 'ilemena ga 'itoolo ta 'ibwagobwago Yaubada 'enaya, ga 'ina emisega Yosepa natunao 'ebweuna 'ebweuna 'adi obobomao 'isimanena.

Ibeliu 13:12

'Enega Yesu wate 'asa 'ana 'awa 'etaulunaya 'elouya 'ilobena be 'aene lalanega 'igie'esaseda.

Ibeliu 3:12

Gosegwao, wa'ita'i'isimi be geya'abo wadebadeba pa'ala nai waneeneta 'abona nai Yaubada mayawasina wamiyasine.

Ibeliu 6:1

Gimi e'ita Keliso manuna ni'atu wanonodi ga wamwalatonidi, 'enega nuwanuwagu mwalatoi auwaudi Keliso manuna yae'itami be 'imi nuwanuwa 'ediya waetai. E'ita nidi ni'atu tanonodi ta tamwalatonidiya geya'abo talolimalimadi. Yage nidi getedi: 'ida bubuna lowa to'umalidi 'adi guitoyasa, 'ida emisa Yaubada 'ena,

Ibeliu 7:16

Nigeya Mosese 'ina loina 'enega 'ietotaliya, ta esi yawasina miyamiya atayana ta waiwaina 'enega.

Ibeliu 7:27

Ta gimi totaliyao 'asiyata 'ebweuna 'ebweuna Yaubada 'ena sitalitaliya, taudi 'idi to'umalinao, ta tomota wate 'idi to'umalinao manudi. Ta Yesu ma'ebweuna namo oona 'itagwalena ga 'italiyaena Yaubada 'ena manuda.

Ibeliu 9:12

'Enega Yesu Sena Tabu Wawasae 'ena 'ilugu ma'ebweuna ga lala 'enega 'iguinuwa, ta lala nina nigeya yobai laladi, goti nai bulumakau gidalidi laladi, ta esi tauna lalana ga 'enega 'ada gie'esasa ataya talobena.

Ibeliu 9:26

Ona'ai'aila, 'eguma Keliso 'ina guinuwa taudi totaliyao sinabwadi nadigega, 'ida mwawasa limalimana bale'u 'ana mweluluwa 'enega ga batuwa. Ta esi ma'ebweuna namo tuga, tuta 'ana 'ebe losalowa gete 'enaya, bwalana tauna 'italiyaena, bubuna to'umalidi 'adi nuwatau manuna.

Ibeliu 9:7

ta esi Sena Tabu Wawasae nina totaliya sinabwana namo 'ena 'ida lugu, ta yakwala 'ebweu solanaya ma'ebweuna namo. Ta tuta nina 'ilugulugu lala 'i'ewa ta lala nina 'iloseuseuli, be 'enega 'italitaliya Yaubada 'enaya 'ina bubuna to'umalidi manudi, ta wate tomota maibo'adi 'idi to'umalinao manudi.

1 Pita 1:19

ta esi e'isa nina Yaubada 'ina lami lalana bobo'ana wawasae 'enega 'i'etoseyemi, tauna Keliso nina, bobo'ai'ailina ta 'esasena.

1 Pita 2:22

Manuna tauna nigeya 'ina to'umalinamo ta wate nigeya kabo 'awanega 'ida apwesa.

1 Pita 2:24

Ona'ai'aila, Keliso tauna oonega 'ida to'umalinao 'i'aalidi kelose 'enaya, be gote 'enega 'aene 'ida bubuna to'umalidi sigugumwala, ta bubuna palupaluna 'enega tatatauya. Tauna 'ana badi 'enega 'imi bobo'ana walobena.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

1 Pita 4:2

'Enega 'ida tuta maibo'ana bale'uya tamiyami, tada tagwaleda Yaubada 'enaya be tauna 'ida loineda, ta 'ida yalakwaiya geya'abo 'iloiloineda.

1 Yoni 1:7

Ta 'eguma sena maedana 'ena tamiyami, nadigega Yaubada nina sena maedana 'ena 'imiyami, nate taegosigosiyana 'ai'aila, manuna Natuna Yesu lalanega 'igie'esaseda 'ida to'umalinao maibo'adi 'ediyega.

1 Yoni 3:5

Ta wate tamwalamwalatoni 'aene Keliso nina 'imai 'ida bubuna to'umalidi sabi 'ewayauledi, ta tauna nigeya 'ebweu wate 'ina to'umalinamo.

E'ita'ita 1:5

Ta Yesu Keliso tauna Tosimana 'ai'aila, ta wate tauna mwawasega 'igimi toololimana, ta bale'u 'ana toloinao 'idi kini. Tauna Yesu nina 'iobobomeda ga 'ida loegesiyao lalanega 'i'utu yauledi.