Guinuwa 9:31 - Loina Tabu Auwauna NT

³¹ Gote 'ena toekalesiyao me Yudia be me Galili be me Samelia senadiyao 'ediya simiya gwausowala, ta sipa'ala, ta ma idi 'amayaba 'Inapwana 'ena, ta Yaluyaluwa Tabuna 'ina 'ita'i'ita 'enega 'adi boda 'isinabwa.

Guinuwa 9:31 ပူးပေါင်းရင်းမြစ်များ

Guinuwa 12:24

Ta 'enega Yaubada 'ina ona 'iewaiwai tomota yauyaudi ta sena maibo'adi 'ediya.

Guinuwa 16:5

'Enega toekalesiyao 'idi emisa 'iewaiwai, ga 'asiyata 'ebweuna 'ebweuna 'ediya 'adi boda 'isinasinabwa.

Guinuwa 2:47

ta Yaubada situputupu. Ta wate pwalu maibo'ana toemisao nidi si'awa bobo'anedi. Ga 'asiyata 'ebweuna 'ebweuna 'ediya Yaubada 'aina tomota wate 'i'eto'etoseyedi, ga toekalesiyao 'adi yau 'isinasinabwa.

Guinuwa 20:32

“Wate yaemataluwemi tuta simeemai manudi, 'aene Yaubada tauna 'ida 'ita'i'isimi, ta wate tauna 'ina oboboma tetelina sawesawenaya be 'igiepa'alimi, be 'enega 'ina bodao, taudi 'igie'esasediya 'ediya, 'omi wate walulugu.

Guinuwa 5:11

'Enega toekalesiyao maibo'adi simatauta sinabwana, ta yaisigedi ale nina sinonona simatauta wate.

Guinuwa 6:7

'Enega Yaubada 'ina ona 'iewaiwai tomota 'ediya, ga tomuliyao 'adi boda 'isinabwa wawasae sena Yelusalema 'enaya, ta totaliyao yaudi wate ona nina sinonona, ga Yesu siemisena.

Guinuwa 8:1

Ta Saulo boda nidi 'i'awa bobo'anedi, Sitibeni 'ana loemwawasa manuna. 'Asiyata gote 'ena toekalesiyao sena Yelusalema 'ena 'adi talauwalao sie'ale be silosaiyedi, 'enega si'elelewana Yudia be Samelia senanao 'ediya, ta Yesu 'ana tosimanao site tuwelo dimo Yelusalema 'ena simiyami.

Loma 14:17

Ta esi wada nuwa'i'isi 'aene Yaubada 'ina 'ebeloina nigeya masula be bwasi manudi, ta esi bubuna bobo'ana be nuwasiwalowa be gwausowala, Yaluyaluwa Tabuna 'enega, manudi.

Loma 14:19

'Enega 'ilobweneda be 'ida 'ebe masi nuwasiwalowa, be 'enega 'ebweuna 'ebweuna 'enaya tada elemalema.

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Loma 5:5

Nuwayaina nina gete nigeya 'ebweu wate nuwamwau 'ena 'imiyami, manuna Yaubada Yaluyaluwana 'itagwalena 'edaya, be 'enega 'ina oboboma sinabwa wawasae 'enega 'ateda 'iloemaedi.

1 Kolinita 14:12

Kagutoki gosegwao, ni'atu nuwanuwami be Yaubada Yaluyaluwana 'ina egueguyai 'emiya wada 'ewadi, 'enega 'ilobwenemi be wada too be 'ami egueguyai nidi 'ediyega toekalesiya wada giewaiwaiyedi.

1 Kolinita 14:26

Gosegwao, 'abo tapwalolo manuna walulugu, 'ebweu tai wali 'ida alalagasi, 'ebweuna 'ida e'ita, 'ebweuna lotoona auwauna 'ida simana apwese, be 'ebweuna mali 'enana 'enega 'ida ona, be 'ebweuna ona nina 'ida gibuni, be 'enega guinuwa nidi 'ediyega boda sida lemedi.

2 Kolinita 10:8

ga loina Yaubada 'i'ebwa'ema sabi lememi ta esi nigeya sabi gieto'umaliyemi, be 'abo yaonalaga wawasae 'igu loina nina manuna geya'abo wate 'ebe omayamaya yalobaloba.

2 Kolinita 12:19

Gosegwao geya'abo wanuwanuwa 'aene 'igu ona getedi 'ediyega ya'awa bobo'anegu matamiya. Nigeya, ta esi maibo'ana Yaubada matanaya Keliso 'ina ona yaonaonaenawa sabi giewaiwaiyemi.

2 Kolinita 13:10

'Imi leta gete 'edasolega ya'etoladinawa be 'abo tuta nina yawawai geya'abo yaloiloina pa'ala 'emiya, manuna loina nina 'Inapwana 'i'ebwa'eguya nigeya sabi gieto'umaliyemi, ta esi sabi giewaiwaiyemi.

2 Kolinita 7:1

Gosegwao, Yaubada 'ina onaoboboma getedi tada nonodi be ooda be yaluyaluwada tagie'esasedi yage baibailidi 'ediyega, be ta'esasa 'ai'aila ma ida 'amayaba Yaubada 'ena.

Epeso 4:12

Ta maibo'ada 'ida guinuwa 'ebweuna 'ebweuna nate toekalesiyao 'adi lema manuna be sida ewaiwai, nate Keliso oona 'ina tubutubuwa manuna,

Epeso 4:16

Manuna 'abo'ada Keliso oona welawela'anao, ta 'igiewaiwaiyeda 'atuwa oona nina 'ana walowaloyao, be 'ana tubweyao maibo'adi 'idi guinuwega sielemalema be obobomega sisinasinabwa ta siewaiwai.

Epeso 4:29

Geya'abo wate 'ebweu ona to'umalina wa'ina'inane, ta esi ona bobo'ana namo tomota 'adi lema manuna, to'ase tuta 'ebweuna 'ebweuna 'ana lobwene manuna wada onaona, be 'enega yaisigedi taudi sinonomi, lema sida loba.

Epeso 5:21

'Imi 'amayaba Keliso 'enaya nadigega wate taumimo wae'ama'amayabemi, be loina waematamatanedi.

Pilipai 2:1

Mwa'adega, Keliso sawesawenaya 'igie 'atepatuda, nai 'ina oboboma 'igie etapeweda? Mwa'adega, Yaluyaluwa Tabuna sawesawenaya 'iegosigosiyaneda, be 'enega taeoboobobomeda be ta'atenuwa 'ole'oleyeda?

Kolose 1:10

be 'imi guinuwa nidi 'ediyega 'ida 'Inapwana wada giegwausowali, be wate 'imi bubuna bobo'ana 'iuuwa, be Yaubada 'ana mwalatoi 'emiya 'ida sinabwa.

1 Tesalonaika 5:11

'Enega 'ilobwenemi be taumimo wada lo'aetuetunemi ta wate wada elemalema, nate paisewa nidi nadigega gete tuga waguiguinuwa 'esedi.

1 Timoti 1:4

ta wate geya'abo siemwaemwasala be si'ina'inana gimi 'epata tomota 'adi esanao, 'abona nai egewagewana 'emiya 'iapwesa, manuna memebala nidi tomota 'idi emisa Yaubada 'ena geya'abo silemelemedi.”

Ibeliu 4:9

'Enega Yaubada 'ina tomota 'abo'ada 'ida 'ebe eyawai'ata 'imiyami, ta 'ebe eyawai'ata nina Sabate 'ana eyawai'ata nadigega.

Yude 1:20

Gosegwao, 'ilobwenemi be tapwalolo 'esasena wagiyai'i'isi, be 'enega wada giepa'alimi, be wate Yaluyaluwa Tabuna 'ina waiwaiyega wada sidasida Yaubada 'enaya,