Guinuwa 24:25 - Loina Tabu Auwauna NT

²⁵ Ta Pilikesa 'atena 'isa'ala, tuta nina Paulo 'ina guguya 'inonona, bubuna palupaluna, be 'atepa'ala, be bwa'omatana 'imeemai manudi, ga Pilikesa 'igwae, “Tuwa! Ta 'uila, be 'abo to tuta kapekapeyana 'eguya 'enega yada bwauyeyo wate.”

Guinuwa 24:25 ပူးပေါင်းရင်းမြစ်များ

Madiu 22:5

Ta taudi nigeya simeema, 'enega 'aidi sipili kwaiya ga mali sena be mali sena 'ediya sitauya. 'Ebweu tai 'ina bagulaya 'itauya, 'ebweu tai 'ina paisewa 'ena 'itauya,

Yoni 16:8

Ga tuta nina 'abo 'imamai, 'omi me bale'u yage 'etoi 'ida e'itami be wada mwalatonidi. Yage nidi nate guinuwa to'umalina be guinuwa bobo'ana be wate bwa'omatana.

Guinuwa 10:42

“Ga 'iloinema be tomota 'ediya 'aloguguya 'aene Yaubada Yesu nina 'iesinuwena be 'aene tuta 'ana 'ebe losalowa 'ena tauna bwa'omatana 'ida guinuwa, tomota taudi ni'atu simwawasa manudi, be wate 'abo'ada mayawasida manuda.

Guinuwa 17:13

Ta sa'i me Yudia Tesalonaika 'ana tomiyanao nidi sinonona 'aene Paulo Yaubada tetelina ni'atu 'iloguloguguya 'asa Belia 'ena, ga silomaninima ga pwaluyao sienuwa sa'uyedi be 'aene Paulo be Banaba sida losaiyadi.

Guinuwa 17:2

'Enega Paulo 'idi lotapwalolo 'ena 'ilugu, nadigega sena yauyaudi 'ediya 'iguiguinuwa'esa, ga nada tapwalolo 'etoi 'ediya Buki Tabu 'enega 'ie'ie'ita be ma'ediya siegewagewana,

Guinuwa 17:32

Ta pwalu tomwawasa 'idi toloolimana tetelina sinononaya, ga 'aina siedagi, ta 'aidi sigwae, “Nuwanuwama be ma'etamo nuwanuwa gete manuna 'uemwasala limana be 'anono.”

Guinuwa 2:37

Tomota nidi Pita 'ina ona gete ni'atu sinonona, ga manuna sinuwanuwa sinabwana, ga Pita magosenao 'ediya sienaida, sigwae, “Tasimao, ni'atu 'aloegesi. Mwa'adega 'ada guinuwa'esa?”

Guinuwa 24:15

ta wate yaemisa 'aene Yaubada tokwaiyao 'igietoolo limedi, tobobo'adi be toto'umalidi, nadigega taudi wate 'idi emisa.

Guinuwa 24:26

Ta Pilikesa nuwanuwana mani 'ida loba Paulo 'enega 'ana li'ama manuna, ga gote 'alena 'ibwaubwau limalimanena ta ma'iyana si'awa'awagwae,

Guinuwa 26:28

Ga Agalipa Paulo 'ieonena, “'Unuwena 'aene tuta kukupana namo 'ena 'ugie toekalesiyaegu!”

Guinuwa 9:6

Ta esi 'utoolo be 'ululugu 'asaya be nada 'amu emataluwa 'uda nono, be 'uda guinuwa.”

Loma 12:1

Tasigwao, wada nuwa'i'isi 'aene Yaubada 'ina 'atenuwa'ole'ole 'edaya sinabwa wawasae, 'enega gete 'igu loguguya 'emiya be 'aene tuta mayawasimi wada taliyaemi Yaubada 'enaya, manuna Yaubada nuwanuwana be oomi maibo'ana wada tagwaledi 'ina guinuwa 'enaya. Gete tapwalolo 'ai'aila Yaubada matanaya 'abo nadigega waguinuwa'esa.

Loma 14:12

Manuna 'abo'ada 'ebweuna 'ebweuna tauda 'ida bubuna tada simanedi Yaubada 'enaya.

Loma 2:16

Nadigega tuga tetela bobo'ana yaguguyaena 'emiya, 'aene bwa'omatana 'ana tutaya Yaubada Yesu Keliso 'ida loine, be tauna tomota 'idi nuwanuwa kwaikwaiyidi manudi 'ida 'awato'umaliyedi nai 'ida 'awabobo'anedi.

1 Kolinita 4:5

'Enega gete tuga geya'abo 'ebweu yaita gosenao 'ediya 'iesiesinuwa 'aene bobo'adi nai to'umalidi, manuna ma'etamo 'ida 'Inapwana 'imama be taunamo 'iloineda. Ta 'ina loina nina palupaluna, manuna 'ida nuwanuwa to'umalidi 'atedega Yaubada 'ida gieapwesedi be 'ida loineda, ta 'ida nuwanuwa bobo'adi wate 'ida gieapwesedi, be manudi 'ida 'awabobo'aneda.

2 Kolinita 5:10

Manuna ma'etamo 'abo tuta nina Keliso 'ina 'ebemi esaesa 'ena 'imiyatowa sabi loineda, maibo'ada 'ada e'isa 'enega tada loba, nai bobo'ana nai to'umalina, nadigega 'ida guinuwao bada bale'uya.

2 Kolinita 6:2

manuna 'igwae, “Tuta bobo'ana 'enaya 'enayo yanonona, 'enega 'etoseyana 'ana 'asiyata 'enaya yalemeyo.” Ona'ai'aila, batuwa tuta bobo'ana be 'aene 'ami 'etoseyana wada loba.

Galetia 3:22

Ta esi Buki Tabu maibo'ada 'i'awa to'umaliyeda, 'enega Yesu Keliso 'ana toemisao dimo Yaubada 'ina onaupaupa siloba.

Galetia 5:23

bubuna nuwana, 'alama'i'ita. Ta nigeya 'ebweu wate loina 'imiyami be yage getedi 'ida 'etobodedi.

2 Timoti 4:1

Timoti, 'amu emataluwa ya'ebwa'eyo Yaubada matanaya, ta Yesu Keliso tauna mwawamwawasidi be mayawasida 'ada tobwa'omatana matanaya, tauna ma'etamo 'iapwesa limanama be 'ietoloina 'edaya.

Taito 1:8

Ta esi 'ilobwenedi be 'owagao si'ita'i'isidi, ta adelidi tobubuna bobo'ana, ta 'idi nuwanuwao 'ediya sida etai. Ta wate adelidi palupaludi be 'esasedi, ta 'alama'i'ita 'aledi.

Ibeliu 12:21

Ona'ai'aila, 'oya nina 'ebe matauta sinabwana, ga Mosese tauna wate 'imatauta, ga 'isimana, 'igwae, “'Igu matauta 'enega ni'atu yadededela.”

Ibeliu 3:13

Ta gete tuga taumimo waelemalema 'asiyata 'ebweuna 'ebweuna 'ediya, be 'enega geya'abo bubuna to'umalina 'ena wakwanikwani be Yaubada 'enana waloguitoyase.

Ibeliu 4:1

'Ina onaupaupa manuda 'etamo 'imiyami, 'aene 'ina eyawai'ata tauna 'enega tada loba, 'enega 'ilobweneda be tamatauta 'abona nai 'aimi wabebe'u be geya'abo walobaloba.

Ibeliu 6:2

bapitaiso 'ana e'ita, ta wate 'ada toanuganao nimadi 'adi sa'u debadaya, be tomwawasa 'idi toololimana, ta to'umalina 'ana e'isa esilae ataya. E'ita getedi ni'atu wamwalatonidi.

Ibeliu 9:27

Tomota 'abo'ada 'ada loina 'imiyami 'aene ma'ebweuna tamwamwawasa be muliyega bwa'omatana.

Yemesa 2:19

'Oyo 'uemisa 'aene Yaubada 'ebweuna namo tuga, aga? Ga nate bobo'ana. Ta 'unuwa'i'isi 'aene Taumudumudulele ma gosenao taudi wate 'idi emisa nadigega, ta wate ma idi matauta.

1 Pita 3:15

ta esi 'atemiyega 'ida 'Inapwana Keliso wada 'amayabe. Be 'enega 'abo yaita 'ienaidemi be 'ida gwae, “To'ase manuna 'uemiemisa?” ta 'omi ni'atu ma imi e'isa bobo'ana wada simana 'ediya, ta geya'abo ma imi oopa'ala, ta esi ma imi bubuna nuwana 'enega waeonadi.

2 Pita 1:6

'etonina 'alama'i'ita, eatana toolopa'ala, enimana bubuna 'esasena,

1 Yoni 3:10

'Enega taudi ta'inanedi 'aene yaisigedi Yaubada natunao, ta yaisigedi Seitani 'ina bodao, manuna taudi Seitani 'ina boda geya'abo sa'i siguiguinuwa palupalu, manuna nigeya situbutubuwama Yaubada 'enega, ta wate geya'abo sieobooboboma matasidiyao.

1 Yoni 3:7

Natugwao, geya'abo e'ita kabokabo wamulimuliye, ta esi nuwami sida sabwalena 'aene 'abo yaisigedi taudi 'idi bubuna bobo'ana, taudi nate tobobo'adi, nadigega Keliso.