Guinuwa 21:27 - Loina Tabu Auwauna NT

²⁷ Ta 'idi 'asiyatao esebeni 'iabe sigugumwala, 'enega me Yudia, taudi lowa sena Esia 'enega simai, Paulo si'itena Anuwa Tabu solanaya, ga bodao sienuwa sa'uyedi, ga Paulo sigamwasowalena, ga sigiyaina,

Guinuwa 21:27 ပူးပေါင်းရင်းမြစ်များ

Luke 21:12

“Ta muliyega be yage nidi getedi siapwesa, nugana 'ami talauwalao sida giyaimi be sigie 'elouyami, ta wate anuwa tapwalolo 'ediya sietalaemi be 'enega deliya sisa'umi. Ta wate kiniyao be toloinao matadiya si'au'ewami be sietalaemi manuna 'omi 'aene 'igu bodao.

Guinuwa 13:50

Ta sa'i me Yudia Paulo be Banaba sietalauwaledi, ga silomugiyedi iine 'alawatao taudi totapwalolo 'ediya, be wate 'asa 'ana 'inapwanao 'ediya, 'enega taudi wate sietalauwala Paulo be Banaba 'ediya, ga sipa'idi, ta sena nina sipilisinena.

Guinuwa 14:19

Ta sa'i me Yudia Anitioki be Ikoniami 'ediyega simai, ga silugu boda nidi Paulo ta Banaba 'adi toenonoyao soladiya, ga silo'ae etuetunedi ga Paulo gulewega siloibweibwena, ta 'asa solanega silisi apwesena, ta 'idi nuwanuwa ni'atu 'imwawasa.

Guinuwa 14:2

Ta sa'i 'aidi me Yudia e'ita nina nigeya siemisena, ta sisinalina ga si'awa to'umaliyena, ga sitauya taudi nigeya me Yudia 'ediya ga silomugi Paulo be Banaba manudi, 'enega taudi wate Paulo be Banaba sietalauwaledi.

Guinuwa 14:5

'Enega taudi nigeya me Yudia, be me Yudia wate, be 'idi 'inapwanao ma'ediyao siloina leleleya be Paulo ta Banaba sida gie'elouyaedi, nai gulewega sida loemwawasidi.

Guinuwa 16:6

'Enega Paulo magosenao sena Piligia be Galetia soladiyega sitautauya, ta Yaluyaluwa Tabuna ni'atu 'i'etobodedi be 'aene geya'abo Yaubada tetelina sena Esia 'enaya siloguloguguyae.

Guinuwa 17:13

Ta sa'i me Yudia Tesalonaika 'ana tomiyanao nidi sinonona 'aene Paulo Yaubada tetelina ni'atu 'iloguloguguya 'asa Belia 'ena, ga silomaninima ga pwaluyao sienuwa sa'uyedi be 'aene Paulo be Banaba sida losaiyadi.

Guinuwa 18:12

Tuta muliyega Galio 'ietoloina sinabwana sena nina Akaya 'enaya, 'enega me Yudia nidi siloina ga Paulo sitauyena sabi etala Galio nina matanaya,

Guinuwa 2:9

'enana nidi nate Palitia, be Midia, be Elama, be Mesopotemia 'ana tomiyanao, be Yudia, be Kapadosia, be Ponito, be Esia, be

Guinuwa 20:19

nate 'Inapwana manuna yaguiguinuwa maoonuwagu be ma igu dedoi be 'elouyao wate yalobediya me Yudia 'idi loinega,

Guinuwa 24:11

“'Eguma tomota 'uenaidedi, sisimana 'emuya 'aene 'asiyata tuwelo namo sigumwala 'ediya, tuta nina yatu'e Yelusalema 'ena sabi lotapwalolo,

Guinuwa 24:18

'Enega ni'atu yagie'esasegu, ga taliya nina yaguinuwena Anuwa Tabu solanaya, ta nigeya boda ma'egwao, ga nigeya galala,

Guinuwa 26:21

“'Igu guinuwa gete manuna me Yudia sigiyaigu Anuwa Tabu 'enaya, ta 'aene sida loemwawasigu.

Guinuwa 4:3

'Enega sigiyaidi ga deliya sisa'u luguyedi be 'aene tomwa 'iulisi be 'idi etala sida guinuwe, manuna ni'atu 'iboi.

Guinuwa 5:18

'enega sitoolo ga Yesu 'ana tosimanao nidi sigiyaidi, ga deliya sisa'udi.

Guinuwa 6:12

Ta wate tomota sienuwa sa'uyedi ga Sitibeni nina sietalauwalena, 'enega boda yaudi be 'inapwanao be wate loina 'ana toe'itao simai ga sigiyaina, ga si'au'ewena toloinao 'idi deliegogona 'enaya,

Guinuwa 6:9

Ta 'aina tomota simai ga Sitibeni ma'ediya siegewagewana, taudi 'aina me Yudia 'idi tapwalolo sieesena “Li'ali'amina,” ta 'aidi Sailini 'enega, ta 'aidi Alekisanidela 'enega, ta 'aidi Silisia be Esia 'ediyega,

2 Kolinita 11:26

Ta wate 'igu 'adau 'ediyega 'ebe esilae yalobedi bwasi sinabwadi 'ediyega, be to'ipwalao 'ediyega, be 'igu bodao taudi me Yudia 'ediyega be taudi nigeya me Yudia 'ediyega ta 'asa sinabwadi 'ediya, be mitawa 'ediya ta wate bwagabwagaya, be wate tasidao kabokabodi 'ediyega,

1 Tesalonaika 2:16

ta 'ima simana 'omi sena yauyauna tomoteninao 'emiya sitootoo be sida 'etobode, manuna geya nuwadi be Yaubada 'i'etoseyemi. 'Enega 'idi to'umalinao sisinabwa 'ai'aila, ta 'ana e'isa nate 'elouya sinabwana Yaubada 'i'ebwa'edi.