Guinuwa 21:24 - Loina Tabu Auwauna NT

²⁴ 'Enega 'oyo ma'ediya wagie'esasemi be watauya Anuwa Tabu 'ena, be 'aene 'uya'uyadi sida sui be sida taliya Yaubada 'ena, be 'imi guinuwa nina 'ana maisa maibo'ana 'oyo 'uemaisi, be gete 'enega tomota maibo'adi sida mwalatoniyo 'aene Mosese 'ina loina 'umulimuliye, ta 'awato'umalina nidi manuyo sinonodiya, maibo'adi ona besobeso.

Guinuwa 21:24 ပူးပေါင်းရင်းမြစ်များ

Yoni 11:55

Ta tuta nina 'ena me Yudia 'idi Ataona Sagalina 'ana tuta 'iloselabena, 'enega tomota yaudi 'idi 'asega situ'e Yelusalema 'ena sabi gie'esasadi be muliyega sagali nina sida guinuwe.

Yoni 3:25

Ta Yoni 'aina 'ana tomuliyao ta 'ebweuna Yudia taina ma'edi siegewagewana bapitaiso manuna, 'aene yaita 'ina bapitaiso bobo'ana be tomota 'ida gie'esasedi.

Guinuwa 18:18

Losaiya gete mulinaya Paulo nada 'imiyami 'aina 'asiyata 'ediya, 'enega muliyega toekalesiyao nidi 'ilokaiyoniyedi ga wagega 'igelu sabi 'adau Silia manuna. Ta Akuila mamwanena Pilisila wate ma'enao sigelu. Ta 'ebweu yage, nate ma'etamo be sigegelu Kenikilia 'ena, Paulo 'ina onaupaupa 'iguinuwena Yaubada matanaya, ta onaupaupa nina 'ana we'iwe'iyaya Paulo 'uya'uyana sikolina.

Guinuwa 21:26

'Enega Paulo 'idi ona 'inonona, ga mali 'asiyataya site ata nidi ma'enao sitauya ga sigie'esasedi, ga Anuwa Tabu 'ena silugu, ga Paulo totaliya 'ieonena, 'igwae, “'Abo'ama ni'atu 'aonaupaupa Yaubada 'ena, ta 'asiyata sebeni 'ima 'esasa manuna silosalowa, be 'enega 'ailama be yada taliya manuma.”

Guinuwa 24:18

'Enega ni'atu yagie'esasegu, ga taliya nina yaguinuwena Anuwa Tabu solanaya, ta nigeya boda ma'egwao, ga nigeya galala,

1 Kolinita 9:20

'Enega yabubuna me Yudia 'idi bubuna nadigega be 'enega 'aene me Yudia yada lemedi, ta taudi Mosese 'ina loina simuliyena, 'abo ma'egwao 'amiyami yabubuna taudi nadigega be 'aene yalemedi, ta esi 'ateguyega geya'abo loina nina 'enaya yatagwatagwala.

Galetia 2:12

Ona'ai'aila, 'ina gimimai 'enaya 'ina bubuna bobo'ana, 'enega toekalesiyao taudi nigeya me Yudia 'iegosigosiyanedi ta ma'edi si'e'ai, ta muliyega 'aidi Yemesa 'ina bodao simai, ga Pita me Yudia nidi 'imatautedi, ta 'enega 'e'ai taudi nigeya me Yudia ma'enao 'iguitoyasa, ta 'iebesinedi. Nate Pita 'ina loegesi.