Guinuwa 20:28 - Loina Tabu Auwauna NT

²⁸ “'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

Guinuwa 20:28 ပူးပေါင်းရင်းမြစ်များ

Madiu 16:18

Ta wate yaeonayo 'aene 'amu esana Pita, ta 'oyo gulewa, be 'emuya 'igu ekalesiya yada 'abi, be 'enega geya'abo bubuna to'umalina 'iewaiwai 'igu ekalesiya nina 'ena.

Madiu 2:6

‘Bedileema solanega ma'etamo me Isileli 'idi toloina 'ida apwesama. Gete manuna Bedileema 'asa esaesa ta sinabwana Yudia 'asanao maibo'adi 'ediyega.’”

Maki 13:9

“Ta 'omi esi wa'ita'i'isimi, manuna tomota sida giyaimi be sitauyemi etala manuna, be Anuwa Tapwalolo 'ediya 'etamo sisapisapimi, ta wate 'iabe toloinao be kiniyao matadiya si'au'ewami be watoolo ta sietalaemi, manuna 'omi 'aene 'igu bodao, be teteligu 'ediya wada simane.

Luke 12:32

Ta 'omi ona'ai'aila Yaubada 'ina sipiyao, 'enega geya'abo wamatamatauta, manuna ni'atu 'iesinuwemi be 'ina 'ebeloina 'ena walulugu.

Luke 21:34

“Ta wada 'ita'i'isimi be geya'abo 'emasula be bwasi waiwaidi 'adi numa 'ediya watautauya wawasae, ta wate geya'abo 'imi miya bale'uya manuna wanuwanuwa wawasae, 'abona nai 'asiyata nina 'ena Yaubada 'iloesalutuimi be nadigega gomana 'enega 'i'onami.

Guinuwa 13:2

Taudi sitapwatapwalolo ma idi 'ebotana Yaubada 'ena ga Yaluyaluwa Tabu 'ieonedi, 'igwae, “Nuwanuwagu Banaba be Saulo 'igu guinuwa 'ebweuna manuna, 'enega wada tagwaledi guinuwa nina 'ena.”

Guinuwa 14:23

Ta wate 'asa 'ebweuna 'ebweuna 'ediya Paulo be Banaba toekalesiyao 'idi toanuganao siaseyedi, ta 'adi gilagata gete nadigega, 'ebotanega 'Inapwana nina siemisenaya 'ena sisidasida, be 'ida giewaiwaiyedi 'idi guinuwa nina manuna.

Guinuwa 20:17

Ta Milito 'enega 'isa'uale Epeso ekalesiya 'ana toanuganao 'ediya be sida mai.

Guinuwa 20:29

“Yamwalamwalatoni wate 'iabe 'igu tauya mulinaya toe'ita to'umalidi, 'atuwa kedewa bosasa, simamai be 'imi sipiyao sida gieto'umaliyedi.

Loma 16:16

'Enega 'ebweuna 'ebweuna gosemiyao egosigosiyana 'ai'ailega wada enimalotuna. Ta wate toekalesiyao maibo'adi sena yauyauna 'ediyega, 'idi oboboma 'omi toekalesiyao Loma 'enaya 'emiya.

1 Kolinita 10:32

'Enega geya'abo mali tomota wagiegie nuwamwauyedi, nai me Yudia, nai taudi nigeya me Yudia, nai Yaubada 'ina toekalesiyao,

1 Kolinita 11:22

'Enega 'ilobwenemi be taumi 'imi anuwa 'ediya wa'e'ai be wanuma, ta geya'abo Yaubada 'ana tapwalolo wagiegie to'umaliye, ta wate taudi gomagomabesodi wagiegie omayamayaedi. Gete manuna geya'abo yatuputupumi.

1 Kolinita 15:9

Ta wate 'abo'agu tai to'umaligu. Manuna Yaubada 'ana toemisao yagie'elouyaedi 'enega Keliso 'ana tosimanao maibo'adi sibobo'ana sinegu.

1 Kolinita 6:20

Manuna ni'atu 'iemaisida, 'enega 'ilobweneda be ooda 'ediyega 'ana esana tada giesinabwa.

Galetia 1:13

Ta 'igu bubuna lowa, tuta nina me Yudia 'idi boda solanaya yamiyami, wanonona, 'aene Yaubada 'ina toekalesiyao yagie'elouya wawasaedi ta nuwanuwagu be yamutudi.

Epeso 1:14

'atuwa we'iwe'iyaya, be 'enega tamwalamwalatoni 'aene 'ada pali galewaya Yaubada 'enega ma'etamo ta'ewa, be manuna tatupui, be ta'awa eseese.

Epeso 1:7

ta Natunana lalanega 'ili'amida 'ida loegesiyao 'ediyega, ga Yaubada 'inuwataudi, nate tauna 'ina oboboma sinabwa wawasae 'i'ebwaya 'edaya. Ta 'ana sinabwa nigeya 'ana 'etopwapwamo.

Epeso 4:11

Ta 'ina egueguyai gete nadigega, 'aina tomota sietosimana be 'aidi siepalopita be 'aidi sietologuguya be 'aidi sietoanugana be 'aidi sietoe'ita.

Pilipai 1:1

'Abo'agu ta Timoti ma'iyagu 'aguiguinuwa To'etoseyana Yesu manuna, 'imi leta 'a'etoladinawa 'omi me Pilipai Yesu Keliso 'ina toekalesiyao, be wate 'imi toanuganao be 'imi dikoniyao ma'emiyao.

Kolose 1:14

manuna tauna 'ena 'etoseyana talobena, nate 'ida loegesiyao 'ediyega 'igie'esaseda.

Kolose 4:17

Ta Alikipo waeona, 'aene, “Guinuwa nina 'Inapwana 'i'ebwa'emuya, 'uda etapewa 'ena be 'ulosaloni.”

1 Timoti 3:1

Ona'ai'aila, 'eguma yaita nuwanuwana be 'ietoanugana, nate paisewa bobo'ana,

1 Timoti 3:2

ta 'ana loina gete nadigega: 'ina bubuna bobo'ana, mwanena 'ebweuna namo, nigeya bwasi waiwai 'ida numanuma diidiga, ma ina sinasinapu ta ma 'ana 'amayaba, be 'owagao 'adi to'ita'i'ita, be tauna toe'ita bobo'ana,

1 Timoti 3:5

Ta 'eguma tai nigeya sawesawenaya natunao 'iloina palupaluyedi, tauna nigeya sawesawenaya be Yaubada 'ina toekalesiyao wate 'iloina palupaluyedi, aga?

1 Timoti 4:14

Lowa tapwalolo 'ana 'inapwanao sigidebemuya, ta Yaubada 'ina guinuwa manuna siona obobomemu, 'enega guinuwa nina manuna Yaubada 'igiewaiwaiyemu. Ta 'unuwa'i'isi,

1 Timoti 4:16

Timoti, 'u'ita'i'isiyo, tuta maibo'ana 'ena 'uda guinuwa bobo'ana, be 'uda e'ita 'ai'aila, be 'enega Yaubada 'oyo ta ma imu toenonoyao, 'i'etoseyemi.

1 Timoti 5:17

Ta 'ami toanuganao 'eguma silema 'ai'ailimi, 'omi wate wada 'amayaba 'ai'ailidi be wada 'ita'i'isidi, nate 'idi loguguya ta 'idi e'ita 'ana e'isa.

Taito 1:7

Manuna toanuganao Yaubada manuna siguiguinuwa, 'enega 'ilobwenedi be sida bubuna bobo'ana, ta geya'abo sioopa'ala nai sigamwagamwasowala, nai bwasi waiwaina sinumanuma kabaleya, nai tomota 'adi tounuwa, nai esaesa 'ana toyalao.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

Ibeliu 12:15

Wa'ita'i'isimi 'abona nai 'emiyega yaita Yaubada 'ina oboboma geya'abo 'ilobaloba. Ta geya'abo 'ebweu yaita 'emiyega 'ie'ale be 'ibubuna to'umalina, 'abona nai yaudi simuliye.

Ibeliu 13:17

'Imi toanuganao 'ediya wada ematamatana be watagwalemi 'idi loinao 'ediya, manuna yaluyaluwami si'ita'i'isidi, be 'enega tuta 'imeema 'enaya 'imi bubuna manuna sida emwasala Yaubada 'enaya. 'Enega 'ilobwenemi be wada too be tetelimi manuna ma idi gwausowala Yaubada 'enaya sida simanemi, ta esi geya'abo ma idi omayamaya, 'abona nai loina mwauna waloba.

1 Pita 2:25

Ona'ai'aila, 'omi 'atuwa sipi loseloseyemi, ga ni'atu to'ita'i'ita sipi 'i'au'ewa limemi 'enaya, tauna yaluyaluwami 'ana to'ita'i'ita.

1 Pita 2:9

Ta 'omi nigeya nadigega taudi, ta 'omi esi Yaubada 'ina boda esiesinuwami, 'enega 'omi kini nina 'ina totaliyao ta 'ina tomotaiyao 'esasemi, manuna sena guguyoi 'enega 'ibwauyemi, ga 'ina maedana tobobo'ana sana 'ena 'isa'umi, be 'aene 'ina guinuwa bobo'ana gete wada simane.

1 Yoni 1:7

Ta 'eguma sena maedana 'ena tamiyami, nadigega Yaubada nina sena maedana 'ena 'imiyami, nate taegosigosiyana 'ai'aila, manuna Natuna Yesu lalanega 'igie'esaseda 'ida to'umalinao maibo'adi 'ediyega.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.