Guinuwa 20:21 - Loina Tabu Auwauna NT

²¹ ta 'igu e'ita 'emiya leleleya tuga, 'omi me Yudia, be 'omi mali sena tomoteninao, maibo'ami yaloguguya 'emiya be 'aene 'imi bubuna to'umalidi 'ediyega wada sanaila Yaubada 'ena, be 'Inapwana Yesu wada emise.

Guinuwa 20:21 ပူးပေါင်းရင်းမြစ်များ

Madiu 3:2

“'Imi bubuna to'umalina 'ediyega wada nuwa'ebuni manuna Yaubada 'iabe be 'edaya 'ietoloina.”

Madiu 4:17

Tuta gote 'enega Yesu 'ina guguya 'ie'ale ga 'igwae, “'Imi guinuwa to'umalidi 'ediyega wada nuwa'ebuni, manuna 'iabe be Yaubada 'ietoloina 'edaya.”

Maki 1:15

'igwae, “Tuta ni'atu 'iapwesama be Yaubada 'ida etoloina 'edaya. 'Enega 'imi guinuwa to'umalidi 'ediyega wada nuwa'ebuni be Tetela bobo'ana wada emise.”

Maki 6:12

'Enega 'ina tononoyao nidi sisakowasi 'asa yaudi 'ediya, ga siguguya be 'aene tomota 'idi bubuna to'umalidi sida guitoyasedi be sida nuwa'ebuni,

Luke 13:3

“Ta 'omi wate ma'etamo wamwamwawasa 'atuwa taudi nadigega, 'abo 'imi bubuna to'umalina 'ediyega nigeya wanuwanuwa 'ebuni.

Luke 13:5

Nigeya sa'i! Ta esi 'omi 'abo nigeya 'imi bubunao 'ediyega wanuwanuwa 'ebuni, ma'etamo wamwamwawasa site eitini nidi nadigega.”

Luke 15:10

Nadigega wate 'abo 'ebweu toto'umalina 'inuwa'ebuni, 'iabe Yaubada 'ina aniloseyao manuna sigwausowala sinabwana.”

Luke 15:7

'Enega nadigega wate 'abo 'ebweu toto'umalina 'inuwa'ebuni, me galewa manuna sida gwausowala sinabwana, ta esi tobobo'adi site nainiti naini nidi manudi 'idi gwausowala tupwana namo.

Luke 16:28

be tasigwao site nima 'ida emataluwedi, 'abona nai taudi wate simama 'elouya 'ina sena gete 'enaya.’

Luke 24:47

be 'enega 'ana esanega tetela bobo'ana, nuwa'ebuni be to'umalina 'ana nuwatau manudi sida guguyae. 'Idi guguya nina sida e'ale Yelusalema 'enega be 'ida sakowasi bale'u maibo'ana 'enaya.

Yoni 20:31

ta tuwa tuga pu'epu'edimo ya'etoladidi be wada sawadi be wada mwalatoni be wate Yesu wada emise 'aene tauna To'etoseyana nina, Yaubada natuna, be 'enega Yesu 'ana esanega yawasimi ataya wada 'ewa.

Yoni 3:36

be 'enega 'abo yaita tauna 'iemisena yawasina ataya 'ida loba, ta 'abo yaita tauna 'iguitoyasena geya'abo wate yawasina ataya 'ilobaloba, ta esi Yaubada 'ina gamwasowala 'enaya geya'abo 'isawasawala.”

Guinuwa 10:43

“Palopitao wate lowaenei sigimi simanena 'aene 'eguma yaisigedi Yesu 'ena siemiemisa, 'idi loegesiyao Yaubada 'ida nuwataudi, Yesu tauna 'ana esanega.”

Guinuwa 11:18

Pita 'ina ona gete sinononaya, ta nigeya 'idi 'ebe onamo, ga Yaubada situpuna, sigwae, “Ona'ai'aila, Yaubada ni'atu 'itagwatagwala taudi nigeya me Yudia 'ediya, be 'idi nuwa'ebuniyega yawasi ataya sida loba.”

Guinuwa 16:31

Ta Paulo be Sailasa sigwae, “'Eguma 'Inapwana Yesu 'ena 'uemisa, 'iabe 'oyo be 'imu susuyao wate 'etoseyana waloba.”

Guinuwa 17:30

“Tuta nidi lowa tomota Yaubada siemwagemwageyena, 'enega nigeya 'ida gamwasowaledi, ta esi gete tuga sena maibo'adi tomotenidiyao 'iloineda be 'ida loegesi 'ediyega tada nuwa'ebuni,

Guinuwa 19:17

Ta ale gete Epeso 'ana tomiyanao maibo'adi sinonona ga simatauta, taudi me Yudia be taudi nigeya me Yudia, ta 'Inapwana Yesu 'ana esana si'awa waiwaiyena.

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Guinuwa 2:40

Ta Pita 'ina ona be 'ina loguguya yauna wate 'ediyega 'isimana, ga 'igwae, “Gosegwao, 'epata gete to'umalina 'enega wa'etoseyemi.”

Guinuwa 20:23

Nate namo 'asa 'ebweuna 'ebweuna 'ediya, Yaluyaluwa Tabuna 'isimasimana 'eguya 'aene ma'etamo Yelusalema 'ena yona be 'elouya yalobadi.

Guinuwa 20:24

“Ta nigeya sa'i yawasigu manuna yada nuwanuwa be yaegagalena. Nate namo 'igu 'eda, nai 'igu paisewa nina, 'Inapwana Yesu 'i'ebwa'eguya manuna yanuwanuwa be 'aene yada losaloni, nate 'ada oboboma Yaubada 'enega 'ana simana.

Guinuwa 24:24

Ta 'asiyata 'aina sigumwala ga Pilikesa mwanena Dalusila ma'iyana simai, ta tauna waine Yudia, ga Pilikesa nina Paulo 'ibwauyenama, ga 'ina guguya sinonona, emisa Yesu Keliso 'ena manuna.

Guinuwa 26:18

Manuna taudi nigeya me Yudia 'ediya yaetuetuneyo, be matadi 'uda gie'esasedi, be guguyoi 'enega sida sanaila maedana 'ena, ta wate Seitani 'ina waiwai 'enega sida apwesama, be Yaubada 'idi to'umalinao 'ida nuwataudi, be sida lugu taudi siemiseguya 'ediya, nate taudi 'eguyega si'esasa 'ediya.’

Guinuwa 26:20

ta esiya Damasiko 'enaya yagimi simanena, ga muliyega Yelusalema wate 'ena, ta Yudia senanao maibo'adi 'ediya, ta taudi nigeya me Yudia wate 'ediya yasimana, be 'aene 'idi bubuna to'umalina 'ediyega sida sanaila Yaubada 'enaya, be 'idi bubuna bobo'ana 'ediyega 'idi nuwa'ebuni sida e'itae.

Guinuwa 28:23

'Enega 'asiyata siupaena, ga boda yaudi siegogonama Paulo 'ina anuwaya, ga gonegonega ga 'ana laba 'iboi, 'ediya 'iloguguya, Yaubada 'ina etoloina manuna, ta Mosese 'ina loina 'enega, be palopitao 'idi onao 'ediyega, 'ie'itedi Yesu manuna, ta 'itoona be 'aene 'ida gienuwa sabwalenidi.

Guinuwa 3:19

'Enega 'ilobwenemi be wanuwa'ebuni be 'imi loegesiyao 'ida 'ewayauledi, be 'ami lotoona bobo'ana wada loba 'Inapwana tauna 'enega,

Guinuwa 8:25

'Enega Pita be Yoni 'idi 'Inapwana manuna sisimana apwesa, ta 'ina ona siloguguyaena, ga muliyega siila Yelusalema 'enaya, ta 'idi tauya solanaya tetela bobo'ana sisimanena Samelia 'asanao 'ebweuna 'ebweuna 'ediya.

Loma 1:14

Manuna 'ilobwenegu be boda maibo'adi 'ediya yada guinuwa, taudi 'asa sinabwadi 'ediya simiyami, be mitawa wate 'adi tomiyanao, be tosinasinapuyao, be wate toemwagemwageyao.

Loma 1:16

Tetela nina 'ana guguya manuna nigeya yada omayamaya, manuna Yaubada 'ina waiwai 'ena 'imiyami be 'enega 'abo yaisigedi taudi siemisa 'ida 'etoseyedi, ta nugana 'abo'ama me Yudia 'emaya, ta 'enega muliyega 'omi nigeya me Yudia 'emiya.

Loma 10:9

be 'enega Yaubada 'ida 'etoseyeda 'abo 'awadega tatagwala, tagwae, “'Igu 'Inapwana tauna Yesu”, be 'atedega taemisa 'aene Yaubada Yesu mwawasega 'igietoolo limena.

Loma 2:4

Ta geya'abo Yaubada 'ina oboboma wa'awa'awa yage besobesoe, manuna 'i'atenuwa 'ole'oleyemi, ga manumi 'ie'alama'i'itanena, be 'aene 'imi to'umalinega 'ida giesana ilemi.

Loma 4:24

ta 'abo'ada wate manuda si'etoladina 'abo ma ida emisa Yaubada 'enaya, tauna 'ida 'Inapwana Yesu Keliso mwawasega 'igietoolo limena.

Loma 5:1

'Enega gete tugai 'ida emisega ni'atu Yaubada 'i'awa palupaluyeda ga Yaubada ma'edai taegosigosiyana, 'ida 'Inapwana Yesu Keliso 'enega.

1 Kolinita 1:22

manuna me Yudia nuwanuwadi 'ebweu we'iwe'iyaya sida 'ita, ta taudi nigeya me Yudia sinasinapu si'ebe'ebesa,

2 Kolinita 7:10

Ona'ai'aila, nuwamwau Yaubada 'enega yage bobo'ana, ta 'igienuwa 'ebunida, be 'enega 'etoseyana taloba. 'Enega geya'abo nuwamwau nina taguiguitoyasei. Ta esi mali nuwamwau bale'u 'enega ma'etamo 'iloemwawasida.

Galetia 2:16

'enega tamwalamwalatoni 'aene Yaubada tomota 'i'awa'awa palupaluyeda nigeya Mosese 'ina loina 'ana ematamatana 'enega, ta esi 'ida emisa Yesu Keliso 'enaya 'enega. Manuna 'abo'ada 'ida emisa Yesu Keliso 'ena tasa'una be Yaubada 'i'awa palupaluyeda. Ta esi 'ida emisa nigeya Mosese 'ina loina 'ana ematamatana 'ena tasa'usa'u, manuna Yaubada nigeya tomota 'i'awa'awa palupaluyeda Mosese 'ina loina 'ana ematamatana manuna.

Galetia 2:20

Ona'ai'aila, Keliso ma'iyagu ni'atu sigiekeloseyema, 'enega mwawamwawasigu ta nigeya taugu yawasiguyega ta esi Keliso yawasina 'eguya 'imiyami. Gete tuga mayawasigu yamiyami, ta yawasiguna 'alena nate 'igu emisa Yaubada Natuna 'enaya. Manuna Yesu nina 'ina obobomega tauna 'itagwalena ga manugu 'imwawasa.

Galetia 3:22

Ta esi Buki Tabu maibo'ada 'i'awa to'umaliyeda, 'enega Yesu Keliso 'ana toemisao dimo Yaubada 'ina onaupaupa siloba.

Epeso 1:15

'Enega tuta maibo'ana 'ediya 'omi manumi yalokalokagutoki Yaubada 'enaya, ta yasidasida manumi, manuna tetelimi yanononaya 'aene 'Inapwana Yesu waemisena, ta wate 'ana toemisao maibo'adi 'atemiyega waobobomedi.

Kolose 2:5

Gete tuga tomotenigu 'imiya 'edasola 'emiyega, ta 'igu nuwanuwa 'emiya 'imiyami, ga yagwaugwausowala 'imi miya bobo'ana be 'imi emisa pa'alina Keliso 'ena manuna.

1 Yoni 5:1

'Eguma maibo'ada Yesu taemise 'aene tauna To'etoseyana, 'abo'ada Yaubada natunao. Ta wate 'eguma Tamana taobobome, natunao nadigega taobobomedi.

1 Yoni 5:5

Manuna 'abo Yesu taemise 'aene Yaubada Natuna, gete 'enega bubuna bale'u taewaiwai sine.