Galetia 6:1 - Loina Tabu Auwauna NT

¹ Gosegwao, 'eguma tasidai 'ebweu 'ina loegesi 'enega 'ibe'u, 'omi yaluyaluwami pa'alidi watoo be tasidai nina wagiepaepaluye, ta esi ma imi bubuna nuwana, be taumimo wa'ita'i'isimi, 'abona nai 'omi wate wabebe'u.

Galetia 6:1 ပူးပေါင်းရင်းမြစ်များ

Madiu 11:29

Ta 'omi wada etotowanegu be ma'egwao tada paisewa, be 'enega yaluyaluwami 'idi eyawai'ata sida loba, manuna 'abo'agu 'igu bubuna menuna ta tonuwamwa'uta.

Madiu 26:69

Ta Pita ma'etamo 'etauluya 'imiyami ga toguinuwa gomagweine 'ebweuna 'iapwesama ga 'ienaidena, 'igwae, “Lowa goma Galili Yesu nina 'oyo ma'iyayo wamiyami, aga?”

Madiu 26:75

'Enega Pita Yesu 'ina ona 'inuwa'i'isina 'aene “Muliyega be kakaleko 'igwagwane ta 'oyo matoi 'ueyaseyaseyegu.” 'Enega Pita nuwana 'imwau sinabwana ga 'iapwesa 'atamanaya ga 'idedoi.

Madiu 9:13

'Enega 'ilobwenemi be Yaubada 'ina ona wanuwa sabwaleni Buki Tabu 'ena 'igwae: ‘Nuwanuwagu 'atenuwa'ole'ole, ta geya nuwagu taliya.’ Gete yamaiya nigeya topalupaludi manudi, ta esi toto'umalidi sabi lemedi.”

Loma 14:1

Ta 'aina tomota 'idi emisa nenetadi, nigeya waiwaidi, 'enega 'ilobwenena be 'ediya tada tagwala be ma'edao taeboda 'ebweuna, ta geya'abo ma'edao taegewagewana.

Loma 15:1

Yaisigedi 'abo'ada 'ida emisa waiwaina, 'ilobweneda be gosedao taudi 'idi emisa nenetadi tada lemedi, ta geya'abo taudamo manuda tanuwanuwa.

1 Kolinita 10:12

'Enega 'abo yaita 'oyo 'unuwena 'aene ma imu waiwai 'utootoolo, 'uda 'ita'i'isiyo be geya'abo 'uneeneta,

1 Kolinita 14:37

Ta wate 'abo yaita 'inuwena 'aene tauna Yaubada Yaluyaluwana 'enaya ga 'ina mwalatoi 'i'ebwa'ena, nugana 'ida gimimwalatoni 'aene 'igu ona leta gete 'enaya yaetunenawa, nate Yaubada 'ina loina 'emiya.

1 Kolinita 2:15

Ta esi 'abo'ada yage maibo'adi tamwalamwalatonidi, to'ase bobo'ana ta to'ase to'umalina, 'enega nigeya 'ebweu yaita sawesawenaya be 'i'awa to'umaliyeda.

1 Kolinita 3:1

Ta tasigwao, nigeya kapekapeyana be mwalatoi 'ai'aila yasimana 'emiya, manuna yaluyaluwami nigeya simatumatuwa, ta 'imi nuwanuwa ma'etamo tuga me bale'u 'idi nuwanuwa nadigega. Manuna 'omi wae'ale tuga Keliso 'ana emisa 'enaya, 'atuwa gogama gidalidi nadigega.

1 Kolinita 4:21

'Enega mwa'adega 'imi nuwanuwa? Ma igu loina pa'alina yawawai, nai ma igu oboboma be ma igu bubuna nuwanega yawawa? Taumi waesinuwa.

1 Kolinita 7:5

Ta wate geya'abo wa'eno'eno dumaduma mwanemiyao 'ediyega. Nate namo 'abo siteluwa 'emiyega 'idi nuwanuwa leleleya be 'asiyata nigeya yauna 'ediya sida sidasida Yaubada 'enaya be muliyega wate sida 'enoluwa limana, ta geya'abo wamiyamiya dumaduma wawasae, 'abona nai yalakwaiyao 'emiya siapwesa be 'ediyega Seitani 'itoo be 'imi ai 'igieto'umaliyedi.

2 Kolinita 10:1

'Abo'agu Paulo taugu yasidasida 'emiya, 'atuwa Keliso 'ina bubuna nuwana 'enega, manuna 'omi wagwae, “Paulo 'ina bubuna nuwana 'eguma ma'edai tada onaona, ta esi 'edasolega 'i'ena pa'alida.”

2 Kolinita 2:7

Geya'abo mwau sinabwa wawasae tasa'usa'u 'enaya, 'enega 'emiya yasida be 'ina to'umalina nina wada nuwatau be wagiegwausowala lima, be wate ma'emi waegosigosiyana limana.

Galetia 5:23

bubuna nuwana, 'alama'i'ita. Ta nigeya 'ebweu wate loina 'imiyami be yage getedi 'ida 'etobodedi.

Galetia 6:18

Tasigwao, 'ida 'Inapwana Yesu Keliso 'ina oboboma yaluyaluwami 'ediya. Eimeni. 'Abo'agu Paulo.

1 Tesalonaika 4:1

Gosemao, 'ebweu wate yage 'ida 'Inapwana Yesu manuna 'aemataluwemi, be 'aguguyemi, nate lowa bubuna nidi 'ae'itemi ga wamwalatonidi 'aene bobo'adi, ta manudi Yaubada 'igwausowala, ga gete tuga ni'atu 'ediya wabuubuna, ta 'ilobwenena be waguinuwa limalimadi.

2 Tesalonaika 3:15

ta watoo be geya'abo waeetalauwale, manuna tauna tasidai, 'enega e'ita namo wa'ebwa'e.

2 Timoti 2:25

Ta wate 'ada talauwalao 'ediya 'ida bubuna ma'anuwaena 'enega tagiepaludi, be 'enega Yaubada, 'abo kapekapeyana, 'ilemedi be sinuwa'ebuni, be e'ita 'ai'aila simuliyedi,

Ibeliu 12:13

be 'imi 'eda wada giepaepaluyedi, be 'abo tolopegoi sitautauya, geya'abo 'ena sibe'ube'u ta esi 'idi lopegoi nidi sida bobo'ana be taudi wate sida ewaiwai.

Ibeliu 13:3

Wate gosemiyao wada nuwa'i'isidi taudi deliya simiyami, be wada lemedi 'atuwa 'omi nadigega deliya ma'emiyao wamiyami. Ta wate gosemiyao taudi simiyamwau wada nuwa'i'isidi be wada lemedi, manuna 'omi tomota tuga, taudi nadigega!

Yemesa 3:13

'Abo yaita 'oyo ma imu mwalatoi, 'uda guinuwa bobo'ana ma imu nuwamwa'uta, be tomota sida 'ita be sida mwalatoni 'aene 'imu bubuna bobo'ana.

Yemesa 3:2

Ona'ai'aila, maibo'ada loegesi taguiguinuwe. Ta 'abo yaita tauna nigeya ona to'umalina 'awanega 'ida apwesa, tauna tai 'esasena ta palupaluna, manuna sawesawenaya be oona maibo'ana 'iloine.

1 Pita 3:15

ta esi 'atemiyega 'ida 'Inapwana Keliso wada 'amayabe. Be 'enega 'abo yaita 'ienaidemi be 'ida gwae, “To'ase manuna 'uemiemisa?” ta 'omi ni'atu ma imi e'isa bobo'ana wada simana 'ediya, ta geya'abo ma imi oopa'ala, ta esi ma imi bubuna nuwana 'enega waeonadi.

1 Yoni 5:16

'Aina loegesi 'adi e'isa mwawasa ta 'aidi nigeya, 'enega 'eguma yaita 'oyo tasiyo 'u'ita 'iloegesi, ta loegesi nina gidalina ta nigeya 'ana e'isa mwawasa, 'enega 'eguma toloegesi nina manuna 'usisida Yaubada 'enaya, Yaubada 'imu sida 'ida nono, be tasiyo yawasina 'ida tagwale. Ta esi loegesi nidi 'adi e'isa mwawasa, geya'abo manudi wasidasida Yaubada 'enaya.