Galetia 3:17 - Loina Tabu Auwauna NT

¹⁷ 'Ana mwalatoi gete Yaubada 'ina onaupaupa 'igimi sa'una Ebelaamo 'enaya, 'enega yakwala powa analedi be teti muliyega Mosese 'ina loina 'iapwesa. Ta nigeya sawesawenaya onaupaupa 'ikweu, nai 'isa'ugelase loina nina 'enega, ta esi ma ina waiwai 'etamo 'imiyami.

Galetia 3:17 ပူးပေါင်းရင်းမြစ်များ

Yoni 1:17

Mosese 'ina 'ebwaya bobo'ana, nate loina nidi Buki Tabu 'ena, ta esi Yesu Keliso 'ina 'ebwaya bobo'ana wawasae, manuna oboboma be bubuna bobo'ana 'i'ebwa'eda.

Guinuwa 7:6

“Ta wate Yaubada 'igimi simanena 'aene Ebelaamo tubunao sida esugalagala mali boda 'idi sena 'enaya, be toni'asa nidi paisewa mwauna sida 'ebwa'edi, be sida miyamwau yakwala powa analedi 'ediya.

Loma 3:25

Ona'ai'aila, Yaubada natuna 'itagwalena be 'aene 'ina mwawasega 'ida 'au'ewa limada Yaubada 'enaya be ma'eda tada egosigosiyana, nate 'abo Yesu taemise. Gete 'enega Yaubada 'ina bubuna bobo'ana 'ie'iteda, manuna lowaenei 'ida bubuna to'umalina manudi nigeya 'ie'ie'isa, ta esi 'ie'alama'i'itana ga 'ana laba Yesu Keliso 'ietunenama 'edaya.

Loma 3:3

Ta mwa'adega, 'abo 'aidi ni'atu Yaubada siguitoyasena, wanuwena 'aene Yaubada wate 'ida guitoyaseda aga?

1 Kolinita 1:12

Manuna 'aimi wagwae, “'Abo'ama Paulo 'ina boda,” ta 'aimi wagwae, “'Abo'ama Apolosa 'ina boda,” ta 'aimi wagwae, “'Abo'ama Pita 'ina boda,” ta 'aimi wagwae, “'Abo'ama Keliso 'ina boda.”

1 Kolinita 1:17

Manuna 'igu guinuwa Keliso 'i'ebwa'egu tetela bobo'ana 'ana loguguya namo manuna, ta nigeya giebapitaiso. Ta wate loguguya nina nigeya 'igu sinasinapuyega, 'abona nai Keliso 'ina mwawasa kelose 'enaya tetelina yagienenetei.

1 Kolinita 10:19

Ona'ai'aila, masula nidi taudi tomiya apwesa si'ebwa'ebwaya mali 'ebe emisao 'ediya, ta wate 'idi 'ebe emisao nidi, nai kaiwe nai gulewa, yage besobeso tuga, ta nigeya 'idi waiwaimo.

1 Kolinita 7:29

Manuna tuta mwauna bale'uya ni'atu 'iloselabena, 'enega 'omi aiai nimi 'ilobwenemi be wabubuna nadigega taudi nigeya siaiai.

2 Kolinita 1:20

Manuna Yaubada 'ina onaoboboma maibo'adi 'itagwala Yesu namo 'enega. 'Enega Yesu nina 'ana esanega taloeimeni, ta Yaubada tatupuna.

2 Kolinita 9:6

'Ebwayadaita 'ana nuwanuwa nadigega bagula. Tauna 'idauna gidalina 'isesoi gidalina, ta tauna 'idauna sinabwana 'isesoi sinabwana.

Galetia 3:15

Gosegwao, 'ebweu lewasa'i'i 'ida bubuna 'enega ya'ebwa'emi, gete nadigega: 'Eguma tai 'iabe 'imwamwawasa, ta 'ina gwegwe nai 'ebeloina 'i'ebwa'e waana 'enaya, 'ina ona nidi nigeya 'ebweu yaita sawesawenaya be 'ida sa'ugelasedi.

Galetia 3:21

Geya'abo wanuwanuwa 'aene Mosese 'ina loina Yaubada 'ina onaupaupa 'ietalauwalena? Manuna nigeya 'ebweu wate loina sawesawenaya be yawasida 'i'ebwa'eda, nai 'ida bubuna 'ida giepaepaluyedi. Nigeya.

Galetia 5:16

'Enega 'ilobwenemi be Yaluyaluwa Tabuna 'ianuganemi ta 'enega geya'abo yalakwaiyao siloiloinemi.

Galetia 5:4

be 'abo yaita 'oyo nuwanuwayo be Mosese 'ina loinao 'adi ematamatana 'enega 'awabobo'ana 'uda loba, ni'atu Keliso 'ina oboboma 'emuya 'uloseyena, ga tauna 'upilisinena.

Epeso 2:12

Wada nuwa'i'isi 'aene tuta nina lowa Keliso 'enega wamiya 'edasola, ta Isileli 'ina 'ebeloina 'enega wamiya apwesa, ta yage bobo'adi Yaubada 'iona upaupaena Buki Tabu solanaya nigeya 'ebweu to'ase 'omi manumi 'i'ina'inana, 'enega geya'abo 'ebweu to'ase bobo'ana ma'etamo walobaloba be manuna wada emisa, ta nigeya wate 'imi Yaubadamo tuta nina bale'uya wamiyami.

Epeso 4:17

Gete wate 'Inapwana 'ana esanega yaloguguya 'emiya 'aene bubuna tomiya apwesa nadigega walosa'u, manuna 'idi nuwanuwa besobeso 'ediyega

Kolose 2:4

Gete yaonaona be 'enega geya'abo mali tomota 'idi ona dibidibiyega sikabokaboemi.

Ibeliu 11:13

Gimi tomotai nidi ma idi emisa ta esi simwawasa ga onaupaupa nidi uwadi geya'abo silobaloba, ta tuwa tuga 'edasolega si'itena ga silokagutoki manuna, ta wate taudimo si'awa 'owagaedi 'atuwa toesugalagalao sena gete bale'u 'enaya.

Ibeliu 7:18

Ona'ai'aila, Mosese 'ina loinao nigeya sawesawediya be 'ebweu to'ase sigiepalu 'ai'aili. 'Enega gimi loina tapilisinena, manuna nenetana, ta 'enega emisa auwauna ta bobo'ana 'iapwesama, be emisa nina 'enega Yaubada taloselabe.

1 Pita 1:20

Yaubada Keliso nina 'igimi esinuwena 'ina guinuwa gete manuna, ta muliyega bale'u 'imweluluina, ta ni'atu tuta 'ana 'ebe losalowa 'enaya Keliso nina 'iapwesama, 'abo'ada manuda.