Galetia 3:14 - Loina Tabu Auwauna NT

¹⁴ Be Yesu Keliso 'enega taudi nigeya me Yudia gwausowala siloba, nadigega gwausowala nina Yaubada 'iona upaupaena Ebelaamo 'enaya, 'aene maibo'ada 'ida emisega to'ase Yaubada 'iona upaupaenaya 'i'ebwa'eda, nate Yaluyaluwa Tabuna.

Galetia 3:14 ပူးပေါင်းရင်းမြစ်များ

Luke 11:13

Ona'ai'aila 'omi toto'umalimi, ta 'imi 'ebwaya natumiyao 'ediya ni'atu wamwalamwalatoni 'aene yage bobo'adimo wa'ebwa'ebwa'edi. Nadigega wate Tamami galewaya 'ina 'ebwaya 'emiya bobo'ana wawasae, be 'abo wasisida 'enaya Yaluyaluwa Tabuna 'ida 'ebwa'emi.”

Luke 24:49

Ta esi 'abo'agu 'iabe Tamagu 'ina onaupaupa nina nate yaluyaluwana yada etunenama 'emiya be 'ida giewaiwaiyemi, 'enega Yelusalema 'ena wada yamwayamwa manuna.”

Yoni 7:39

Yesu 'ina ona gete 'enaya 'ionaona Yaluyaluwa Tabuna manuna, be 'enega Yaluyaluwa Tabuna ma'etamo 'ida lugu taudi 'ana toemisao 'ediya. Ta tuta nina 'ena Yaluyaluwa Tabuna nigeya 'ilugulugu tomota 'ediya, manuna Yesu nigeya 'ina 'ebeloina 'ena 'itu'etu'e.

Guinuwa 2:33

'Enega Yaubada 'igitu'eyena ga tauna 'atainaya 'imiyami, ga tauna Yaluyaluwa Tabu nina Yaubada lowa 'iona upaupaena, ta gete tuga ni'atu 'i'ebwa'ema, 'enega guinuwa gete wa'ita'itadi ta wanononodi, tauna 'enega simai.

Guinuwa 4:12

Ta nigeya 'ebweu yaita sawesawenaya be 'i'etoseyeda. Nate namo Yesu. Ta nigeya 'ebweu wate esana bale'uya 'imiyami be 'enega 'etoseyana tada loba.”

Guinuwa 5:32

'Enega 'abo'ama yage getedi manudi 'asimasimana, ta Yaluyaluwa Tabuna tosimana wate, tauna Yaubada 'i'ebwaya 'ina ona 'ana toematamatanao 'ediya.”

1 Kolinita 12:13

Manuna maibo'ada ni'atu tabapitaiso, yaluyaluwa 'ebweuna 'enega, ga ni'atu taeboda 'ebweuna. 'Abo'ama me Yudia be 'omi mali senao 'ediyega, be tomiya mwau be tomiya bobo'ana, ta ni'atu maibo'ada taeboda 'ebweuna Yaluyaluwa Tabuna nina 'edaya 'imiyami 'enega.

2 Kolinita 1:22

ta 'ana 'ebe lo'inana 'edaya 'isa'una, tauna Yaluyaluwana 'atedaya, be 'enega tamwalatoni 'aene 'abo'ada 'ina tomotaiyao.

Galetia 3:16

Nadigega wate Yaubada 'ina ona Ebelaamo ma ina susu 'i'ebwa'edi. Nigeya 'aene Buki Tabu 'igwae, “Susuyao 'ediya,” ta esi 'ina susu 'ebweuna namo 'ena, nate Keliso.

Galetia 3:2

'Enega 'ebweu enaida yaenaidemi, “To 'eda 'enega Yaluyaluwa Tabuna wa'ewena? Mosese 'ina loina 'ana guinuwao 'enega? nai Keliso tetelina wanonona ga waemisena 'enega?

Galetia 4:6

'Enega wate Yaubada Natuna yaluyaluwana 'atedaya 'isa'una, ga Yaubada nina 'i'awa tamanena, 'igwae, “Aba! Tamagu!”

Epeso 2:18

Ga tauna 'enega, 'omi be 'abo'ama Yaluyaluwa 'ebweuna 'enega 'i'au'eweda Tamada 'enaya.

Epeso 2:22

ta wate 'omi nigeya me Yudia ni'atu waemwadale 'atuwa, ga 'emiyega anuwa nina 'i'abina, be 'aene anuwa nina 'enaya Yaubada Yaluyaluwana 'ilo'asa.

Epeso 3:16

ta yasidasida 'enaya be 'aene 'ina esaesa be 'ina waiwai 'ediyega 'itatagwala 'emiya, be Yaluyaluwana 'atemi 'ida giewaiwaiyedi,

Epeso 4:30

Geya'abo Yaluyaluwa Tabuna nuwana wagiegiemwauye, manuna Yaluyaluwa Tabuna nina 'atuwa we'iwe'iyaya 'edaya, 'aene ma'etamo 'ada gieauwau tada loba.

1 Pita 1:22

'Enega ni'atu 'eda palupaluna wamuliya 'ai'ailina, gote 'enega 'imi 'esasa walobena, ta wate taudi gosemiyao waobobomedi 'atemi maibo'ana 'enega, 'enega 'ilobwenemi be wada eobooboboma 'ebweuna 'ebweuna, oboboma 'ai'aila 'enega.

1 Pita 3:9

Ta 'abo 'aidi 'emiya siguinuwa to'umalina, geya'abo 'ediya wae'ie'isa, ta 'abo wate sieliyemi geya'abo waelieliyadi. Ta esi wada e'isadi ona bobo'ana 'enega, ta Yaubada 'ionaupaupa saba be 'aene 'ida obobomemi, 'abo 'omi ona obobomega 'ediya wae'isa.