Galetia 1:8 - Loina Tabu Auwauna NT

⁸ Keliso tetelina wagimi nonona nate 'ai'ailina, 'enega geya'abo 'ebweu yaita sa'i mali tetela 'ida 'ebwa'ebwa'emi. 'Abo'ama wate be aniloseyao galewega geya'abo mali tetela 'a'ebwa'ebwa'emi. Ta 'eguma yaita tetela bobo'ana 'isa'u gelasena be 'igiedumedumena, mwau 'ida loba Yaubada 'enega.

Galetia 1:8 ပူးပေါင်းရင်းမြစ်များ

Madiu 25:41

“Ta taudi gegeumiguya simiyami yaeonadi, ‘'Omi toto'umalimi wapilisinegu be watatauya kaiwe sabesabelulu atayana 'enaya, tauna Yaubada 'igibubuna Seitani ma ina bodao manudi,

Maki 14:71

'Enega Pita 'isawatamatamana ta ona to'umalina 'enega 'ibwautu'e, 'igwae, “Yesu tauna manuna waonaona, 'abo'agu nigeya wate yamwalamwalatoni. Tamada!”

Guinuwa 23:14

Ta site poti nidi sitauya totaliya sinabwadi be 'inapwanao 'ediya, ta siona, “'Abo'ama ni'atu 'aonaupaupa be 'aene geya'abo 'ebweu 'e'ai 'alotolotoo 'ana laba Paulo 'aloemwawasi bemi.

Loma 16:17

Tasigwao, gete 'igu sida waiwai 'emiya be 'aene wada 'ita'ita'i'isimi taudi toweyalao 'ediyega, manuna e'ita nina lowa wa'ewenaya taudi geya nuwadi, 'enega si'awa'awa to'umaliyena, ta wate tomota 'idi emisa sigiegie nenetadi.

Loma 9:3

Ta yanuwanuwa sinabwana 'igu susu nidi manudi be 'aene Yaubada 'ina oboboma nina 'i'ebwa'egu, nate Yesu Keliso, 'aene 'eguyega 'ida 'ewa be 'igu bodao nidi 'ida 'ebwa'edi, ta 'abo'agu yada miyaila Keliso 'enega, taudi manudi.

1 Kolinita 12:3

Ta esi gete tuga 'abo yaisigedi 'omi Yaubada Yaluyaluwana 'emiya 'imiyami, geya'abo Yesu walo'alo'aegile, ta esi wada 'awa'Inapwane, manuna nigeya 'ebweu yaita sawesawenaya be Yesu 'i'awa'Inapwane 'abo nigeya Yaluyaluwa Tabuna 'ena 'imiyami.

1 Kolinita 16:22

'Abo yaita nigeya 'Inapwana 'ioboobobomei 'ida miya mwau. 'Inapwana ye, nuwanuwagu be 'uda mai.

Galetia 1:9

Ni'atu lowa 'asimana 'emiya, be gete wate yasimana limana 'aene 'eguma yaita mali tetela 'i'ebwa'emi, 'elouya 'ida loba Yaubada 'enega.

Galetia 3:10

Ta esi 'eguma yaisigedi sinuwena 'aene Mosese 'ina loina 'ana ematamatana 'enega sida bobo'ana, 'awato'umali namo sida loba, manuna Buki Tabu 'igwae, “Loina maibo'adi buki gete solanaya 'abo yaita nigeya 'imuliya 'ai'ailidi, 'awato'umali 'ida loba.”

Galetia 3:13

Ta nigeya sawesawenaya be loina maibo'adi taematamatanedi, 'enega Keliso nina 'ilopa'eluda ga 'i'etoseyeda loina 'ana mwau 'enega. Loina 'ana mwau gete 'eguma nigeya tada ematamatanediya tamwamwawasa, 'enega Keliso 'abo'ada manuda 'imwawasa nadigega taudi toto'umalidi sinabwadi 'adi loemwawasa kelose 'ediya. Buki Tabu lowa 'ina ona gete manuna 'igwae, “'Abo yaisigedi kelose 'ediya sisa'udi be simwamwawasa, tomwawasa nidi 'awa to'umali siloba Yaubada 'enega.” Ga Keliso 'abo'ada manuda mwau nina 'ilobena.

Taito 3:10

'Enega 'abo yaita egewagewana nuwanuwana 'ueona ma'ebweuna nai maluwa be 'ilosa'u, ta 'eguma nigeya 'ida losa'u, 'upilisine,

2 Pita 2:14

Ta 'idi loelata 'enega ga simatamata yauyau, ta 'idi loelata limalimana manuna nigeya tona'adi 'ida towa. Ta toneneta sianuganedi 'eda to'umalina 'ena, ta gwegwe 'ana nuwa'ewa 'ediya 'isinabwa wawasae. Ta Yaubada ma'etamo 'ie'isadi 'idi bubuna to'umalina manuna.