Galetia 1:16 - Loina Tabu Auwauna NT

¹⁶ ta tauna 'ina nuwenuwega Natuna 'eguya 'ie'itaena, be yada etosimana manuna, sena apwesa 'ediya. 'Enega nigeya yatautauya tomota 'ediya sabi enaida tetela gete manuna.

Galetia 1:16 ပူးပေါင်းရင်းမြစ်များ

Madiu 16:17

Ta Yesu Pita 'ieonena, 'igwae, “Saimoni, Yona natuna, 'oyo ona'ai'aila togwausowala 'ebweu, manuna 'imu mwalatoi gete nigeya tomota 'ediyega, ta esi Tamagu galewaya 'ina mwalatoiyega 'i'ebwa'emu.

Madiu 26:41

Ga wate 'ieonedi maibo'adi, 'igwae, “'Ilobwenemi be wamatapa'ala be wasidasida, be 'enega geya'abo Seitani 'itootoomi. Ona'ai'aila yaluyaluwami nuwanuwana, ta tuga manuna oomi sitaba.”

Guinuwa 22:21

'Enega 'Inapwana nina 'ieonegu, “Gete 'enega 'uapwesa be 'iabe yaetuneyo be 'utatauya 'asa 'edasolaya, taudi nigeya me Yudia 'ediya.”

Guinuwa 5:42

Ga 'asiyata 'ebweuna 'ebweuna 'ediya sie'ie'ita ta siloguloguguya Anuwa Tabu solanaya, ta wate tomota 'idi anuwao 'ediya, 'aene Yesu tauna To'etoseyana nina.

Guinuwa 9:15

Ta 'Inapwana 'ieonena, “Tuwa tuga, 'uda tauya 'ena. Manuna Saulo nina ni'atu yaesinuwena be teteligu 'ida simana taudi nigeya me Yudia 'ediya, be toloina sinabwadi matadiya be me Isileli wate 'ediya.

Guinuwa 9:20

Ga me Yudia 'idi anuwa tapwalolo 'ediya Saulo nina 'iloguloguguya 'aene, “Yesu tauna Yaubada natu'ai'ailina.”

Loma 1:5

Yesu Keliso tauna 'iobobomegu, ga 'iesinuwegu be 'aene tauna manuna yada etosimana sena yauyauna 'ediya, be 'enega tauna 'ena sida tagwaledi ta sida emise.

Loma 11:13

'Igu ona gete 'omi nigeya me Yudia manumi. Manuna 'abo'agu Yesu Keliso 'ebweu 'ana tosimana sena apwesa 'ediya ta 'igu paisewa gete manuna yaonatu'e,

1 Kolinita 15:50

Gosegwao wada nuwa'i'isi 'aene bwala bale'u nigeya sawesawenaya be galewaya silulugu, manuna bwala bale'u daudaulina ta bwala galewa geya'abo 'idaudaula.

2 Kolinita 4:6

Manuna Yaubada nina 'igwae, “Guguyoi 'ena maedana 'ida sae,” be Yaubada 'atemaya 'isaesae, 'enega tauna 'ina maedana Keliso manininaya 'a'ita'ita.

2 Kolinita 5:16

Lowa, 'igu nuwanuwa 'aene Keliso tauna tai to'umalina ta esi ni'atu yanuwa'ebuni, 'enega geya'abo taesiesinuwa tomota 'ediya 'aene bobo'adi nai to'umalidi, nate me bale'u 'idi nuwanuwa nadigega,

Galetia 2:1

'Enega yakwala potini sigumwala, Banaba ma'iyagu 'atu'e limana Yelusalema, ga wate Taito ya'au'ewena, ga ma'emai 'atu'e.

Epeso 3:1

Gete manuna 'abo'agu Paulo yabwagobwago ta yasidasida Yaubada 'enaya, tauna 'igu paisewa 'i'ebwa'eguya 'omi nigeya me Yudia 'emiya, ta gete tuga Keliso 'ina guinuwa manuna deliya sisa'u luguyegu ga yamiyami.

Epeso 6:12

Manuna 'ida losaiya nigeya tomota ma'edao, ta esi toloina to'umalidi ma'edao, taudi guguyoi gete tuga bale'uya 'ana toloinao, be galewaya 'ana yaluyaluwao to'umalidi.

1 Tesalonaika 2:16

ta 'ima simana 'omi sena yauyauna tomoteninao 'emiya sitootoo be sida 'etobode, manuna geya nuwadi be Yaubada 'i'etoseyemi. 'Enega 'idi to'umalinao sisinabwa 'ai'aila, ta 'ana e'isa nate 'elouya sinabwana Yaubada 'i'ebwa'edi.

1 Timoti 2:7

'Enega 'igu paisewa 'i'ebwa'egu be tetela gete yasimasimana be yaloguguya be yae'ie'ita taudi nigeya me Yudia 'ediya, be 'aene mwalatoi 'ai'aila Yaubada 'enega sida emise. Gete ona 'ai'aila, ta nigeya kabo.

2 Timoti 1:11

Ta Yaubada 'igu paisewa 'i'ebwa'eguya be 'aene tetelina bobo'ana yasimasimane be yae'ie'ita taudi nigeya me Yudia 'ediya.

Ibeliu 2:14

Ona'ai'aila, Yesu 'ina gogamao 'abo'ada tomota maesiyoda be malalada, 'enega Yesu wate 'ietomotai ga tomota oona 'i'ewena ga 'imwawasa, be 'aene 'ina mwawasega Seitani 'iloesawali, be Seitani 'ina loina mwawasa manuna wate 'iloesawali.