Galetia 1:13 - Loina Tabu Auwauna NT

¹³ Ta 'igu bubuna lowa, tuta nina me Yudia 'idi boda solanaya yamiyami, wanonona, 'aene Yaubada 'ina toekalesiyao yagie'elouya wawasaedi ta nuwanuwagu be yamutudi.

Galetia 1:13 ပူးပေါင်းရင်းမြစ်များ

Guinuwa 8:1

Ta Saulo boda nidi 'i'awa bobo'anedi, Sitibeni 'ana loemwawasa manuna. 'Asiyata gote 'ena toekalesiyao sena Yelusalema 'ena 'adi talauwalao sie'ale be silosaiyedi, 'enega si'elelewana Yudia be Samelia senanao 'ediya, ta Yesu 'ana tosimanao site tuwelo dimo Yelusalema 'ena simiyami.

Guinuwa 8:3

Ta Saulo sa'i toekalesiyao 'ie'ediluluyedi ga manudi 'ilugulugu anuwa 'ebweuna 'ebweuna 'ediya, ta 'eguma toekalesiyao me'olotodi be mewainedi 'ilobalobadi, 'igiyaidi tuga, be deliya 'isa'u luguyedi.

Guinuwa 9:21

Ta 'ana toenonoyao sinuwaowana sinabwana, ta sigwae, “Na! 'Ina guguya gete wada nono? Tauna lowa Yesu 'ana tomuliyao Yelusalema 'ena 'ietalauwaledi. Ta wate gete 'ina mai bada 'alena be 'aene Yesu 'ana tomuliyao bada simiyami 'ida giyaidi, be 'ida yonidi be 'iiledi Yelusalema, totaliya sinabwadi 'ediya. Ta mwa'adega 'ina nuwa'ebuni 'iloba'esena?”

Guinuwa 9:26

'Enega Saulo nina 'iila Yelusalema ga 'itoo be 'ilulugu Yesu 'ana tomuliyao 'ediya, ta simatautena, manuna nigeya sida emisena 'aene ni'atu 'inuwa'ebuni.

1 Kolinita 10:32

'Enega geya'abo mali tomota wagiegie nuwamwauyedi, nai me Yudia, nai taudi nigeya me Yudia, nai Yaubada 'ina toekalesiyao,

1 Kolinita 15:9

Ta wate 'abo'agu tai to'umaligu. Manuna Yaubada 'ana toemisao yagie'elouyaedi 'enega Keliso 'ana tosimanao maibo'adi sibobo'ana sinegu.

Pilipai 3:6

ga yaetapewa sinabwana toekalesiyao 'adi gie'elouya 'enaya, ta nigeya 'ebweu wate Mosese 'ina loina yale'oale'oa.

1 Timoti 1:13

Tuta lowa nigeya nadigega, manuna tuta nina 'ena Keliso ya'awa to'umaliyena ta 'ina bodao yaetalauwaledi, ta tuwa tuga Yaubada 'imwalatonina 'aene yage nidi to'umalidi yaguinuwedi taugu 'igu emwagemwageyega, ta wate nigeya yaemiemise, 'enega 'i'atenuwa 'ole'oleyegu,

1 Timoti 1:14

ga 'ida 'Inapwana nina 'ioboboma 'ai'ailigu, ga emisa be oboboma Yesu Keliso 'enega 'i'ebwa'egu.