E'ita'ita 14:12 - Loina Tabu Auwauna NT

¹² Ona gete 'enega Yaubada 'ina tomotaiyao sida 'alama'i'ita, taudi 'ina loina 'ana toematamatanao ta Yesu 'ana toemisao.

E'ita'ita 14:12 ပူးပေါင်းရင်းမြစ်များ

2 Timoti 4:7

Ni'atu Yaubada manuna yalosaiya, ta 'igu epili ni'atu yalosalonina, ta tuta maibo'ana ma igu emisa Keliso 'ena.

1 Yoni 2:3

Yaubada nina tamwalatonina 'aene gosiya 'ai'ailida, 'eguma 'ina loinao taematamatanedi.

E'ita'ita 12:17

'Enega yobai nina 'igamwasowala 'ai'aila waine nina 'ena, ga 'itauya ga waine nina 'ina susuyao 'ilosaiyedi, taudi nate Yaubada 'ina ona 'ana toematamatanao ta Yesu 'ana tosimanao. 'Enega yobai nina bweyabweyalina kaukauya 'itoolo baula.

E'ita'ita 13:10

manuna “'Abo yaita sigiyai, sida giyai tuga, ta wate yaita 'abo sisisaiya 'enega siloemwawasi, sida loemwawasa tuga.” Ona gete 'enega Yaubada 'ina tomotaiyao sida toolopa'ala be sida etapewa waiwai.

E'ita'ita 2:13

“Ni'atu yamwalamwalatoni sena nina 'ena wamiyami, nate Seitani 'ina 'ebeloina. Ta tuwa tuga waemisa 'ai'ailigu, manuna nigeya wada eyaseyaseyegu. Ta Seitani 'ina sena nina 'ena lowa 'ebweu 'agu tosimana 'ai'aila siloemwawasina, 'ana esana Anitipasa, ta tuga sa'i wagiyaigu pa'alina.

E'ita'ita 3:10

“Ta 'etamo tuta mwau 'ida apwesa bale'uya, be tomota yaudi 'ida toodi, ta 'omi esi mwau nina 'enaya yada 'ita'i'isimi, manuna 'igu ona waematamatanena, ga manugu wae'alama'i'itanemi.

E'ita'ita 3:8

Tauna gete 'isimana 'emiya, 'igwae, “'Imi guinuwao ni'atu yamwalatonidi, ta wate yamwalamwalatoni 'aene 'imi waiwai tupwana 'imiyami, manuna 'igu e'itao wamuliyedi, ta wate 'agu esana nigeya waeyaseyaseye. Ni'atu 'awa yagigegena manumi, ta nigeya 'ebweu yaita sawesawenaya be 'ida gibode.