3 Yoni 1:10 - Loina Tabu Auwauna NT

¹⁰ ta 'ilo'aegilegu; ta wate gosedao 'ie'idi'idiyedi, be 'eguma 'aidi 'emiyega nuwanuwadi be silemedi 'i'eto'etobodedi, ta toekalesiyao nidi 'ipa'ipa'idi. 'Enega 'abo to tuta yaapwesawa, 'ina bubuna nidi manudi yada onaona.

3 Yoni 1:10 ပူးပေါင်းရင်းမြစ်များ

Luke 6:22

'Abo'agu Tomota Natuna ta wada gwausowala 'eguma manugu tomota sietalauwalemi, nai siguitoyasemi, nai silo'aegilemi nai si'awa to'umaliyemi.

Yoni 9:22

Tamana be sinana ona gete si'inanena manuna 'idi 'inapwanao 'ediya simatauta, manuna 'inapwanao nidi 'idi loina sisa'una be 'aene 'eguma yaita Yesu 'ida 'awa to'etoseyanei taudi anuwa tapwaloloega sida e'idi'idiyedi.

Guinuwa 1:15

Boda nidi 'adi yau nadigega wani analedi be tuweniti, ga 'ebweu 'asiyata 'enaya Pita gamwagamwanidiya 'itoolo ta 'ieonedi, 'igwae,

2 Kolinita 13:2

Lowa 'igu ayausa 'eluwena 'enaya 'imi toloegesi nidi be yaumi yaloguguyemi, nadigega gete tuga 'edasolaya yamiyami ta yaemataluwemi 'aene 'eguma yawawai limana 'emiya, loina mwauna yada 'ebwa'edi toloegesi nidi.

Galetia 6:10

'Enega 'ilobweneda be tuta maibo'ana 'ediya tomota yauyaudi tada lemedi, ta esi Yaubada 'ana toemisao talemedi sinabwana.

1 Timoti 5:13

Ta iine nidi wate miyadaidaita 'aledi, be mali anuwa be mali anuwa 'ediya sitautauya ta silomulomugi, ta mali tomota manudi sionaona dadana.

2 Yoni 1:10

'Enega 'eguma yaita 'emiya 'iwawai ta 'ina e'ita dumadumana, geya'abo wabwaubwauye 'imi anuwaya nai walokagutokiye,

2 Yoni 1:12

Yage yauna simiyami be nuwanuwagu manudi ya'etoladiwa, ta tuwa, manuna yanuwayaina 'aene ma'etamo yada wai be 'omi ma'egwao tada 'awagwae, be 'enega tada egwausowala 'ai'aila.

3 Yoni 1:3

Lowa 'aina tasidao bada simai ga 'imu bubuna palupaluna tetelina 'enega sigie gwausowaligu, manuna 'eda palupaluna 'enega 'utautauya.

3 Yoni 1:5

Gosiyagu, 'imu lema be 'imu guinuwa 'owagao 'ediya tuta nina siapwesawa 'imu 'asaya manuna yagwausowala.