2 Timoti 3:14 - Loina Tabu Auwauna NT

¹⁴ Ta 'oyo esi e'ita nidi ni'atu 'uemisedi ga 'umwalatonidiya, 'ediyega 'utatauya, manuna 'abo'ama 'imu toe'itao ni'atu 'umwalatonima 'aene 'ima e'itao nidi wate 'amulimuliyedi.

2 Timoti 3:14 ပူးပေါင်းရင်းမြစ်များ

Guinuwa 17:31

manuna 'ida 'asiyata bwa'omatana ma'etamo 'iupaena be me bale'u maibo'ada 'ada loina palupaluna 'ida 'ebwa'eda tai nina 'iesinuwena 'enega, ga tai nina mwawasega 'igietoolo limenaya, be 'enega tomota maibo'ada tetela gete tada 'awa'ai'aile.”

Loma 14:5

'Aina tomota wate nadigega 'idi nuwanuwa, 'aene 'aina 'asiyata dimo 'asiyata sinabwadi, ta esi 'aina gosediyao 'idi nuwanuwa 'aene 'asiyata maibo'ana leleleya tuga. 'Abo yage getedi nadigega talobadi, 'ilobweneda be 'ebweuna 'ebweuna taudamo, 'abo to'ase tamwalatonina 'aene bobo'ana, tada muliye,

Kolose 2:2

be 'aene taudi wate obobomega sida egosigosiyana 'ai'aila, ma 'adi lotoona bobo'ana, be ma idi mwalatoi 'ai'aila, 'enega sida gwausowala sinabwana, manuna ni'atu sinuwanuwa sabwalena mwalatoi lowa kwaikwaiyina manuna, nate Keliso.

1 Tesalonaika 1:5

'enega tuta nina tetela bobo'ana 'a'ebwa'emi, Yaluyaluwa Tabuna ona nina 'igiewaiwaiyena 'emiya, 'enega ona nina wa'awa 'ai'ailena, ta 'abo'ama wate 'ima guinuwa manumi wa'itena, nate guinuwa palupaluna.

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

1 Timoti 4:16

Timoti, 'u'ita'i'isiyo, tuta maibo'ana 'ena 'uda guinuwa bobo'ana, be 'uda e'ita 'ai'aila, be 'enega Yaubada 'oyo ta ma imu toenonoyao, 'i'etoseyemi.

2 Timoti 1:13

Lowa guguya nidi bobo'adi ya'ebwa'emu, Yesu Keliso 'ana emisa be 'ana oboboma manudi, ta 'uda muliya 'ai'ailidi.

2 Timoti 2:2

be tetelina 'u'ita'i'isi. Tetela nina 'eguyega 'unononaya tomota yaudi matadiya, 'enega taudi ma 'adi emisa 'ediya 'u'ebwayae, be taudi wate mali tomota sie'itadi.

2 Timoti 3:15

Ta 'oyo tauyo wate 'imu tuta gwamega ga batuwa Buki Tabu 'ina onao 'ana tosawa, ga 'ie'itemu 'aene 'ida emisa Yesu Keliso 'enaya 'ada 'ebe 'etoseyana.

Taito 1:9

Ta wate e'ita 'ai'aila nidi ni'atu sinonodi sida emisedi, be sida giyai'i'isidi, be 'enega mali tomota 'ediya sida e'ita, ta 'abo yaisigedi si'awa kabokabo sida giepaludi.

Ibeliu 10:22

'Enega Yaubada tada loselabe ma ida 'atetagwala be ma ida emisa 'ai'aila be 'enega ooda tada gie'esasedi bwasi bobo'ana 'enega, ta wate 'ida nuwanuwa sida 'esasa, manuna Yesu 'ina loseuseula 'enega 'ida nuwanuwa to'umalidi 'igie'esasedi.

Ibeliu 6:11

'Enega nuwanuwagu be 'omi 'ebweuna 'ebweuna waetapewa, be 'aene 'imi emisa uwana maibo'ana tuta muliyega waloba.