2 Tesalonaika 2:9 - Loina Tabu Auwauna NT

⁹ Ta tai nina to'umalina 'ida apwesa, be Seitani 'ina waiwaiyega edeedede ta yage 'ebe nuwaowana 'ediyega tomota 'ida kaboedi.

2 Tesalonaika 2:9 ပူးပေါင်းရင်းမြစ်များ

Madiu 12:22

'Ebweuna tai, lowa yaluyaluwa bi'i 'idi guinuwega matana sikebona, ta wate meyana 'ilido, 'enega sime'ena Yesu 'ena ga 'igiebobo'anena, ga muliyega tai nina 'ie'ale be 'iona ta 'i'ita.

Madiu 24:24

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi be 'ediyega 'abo sawesawediya Yaubada 'ina bodao esiesinuwadi wate sikwakwani.

Madiu 4:10

'Enega Yesu 'i'enapa'alina, 'igwae, “Seitani, 'upilisinegu! Buki Tabu solanaya loina 'imiyami 'aene, ‘'Imu 'Inapwana Yaubada namo 'ena 'uda bwagobwago be taunamo 'ina ona 'uda ematamatanedi.’”

Maki 13:22

Manuna Keliso kabokabo be palopitao kabokabo 'iabe siapwesa be we'iwe'iyaya waiwaidi tomota 'ediya sida e'itaedi, be 'ediyega 'abo sawesawediya Yaubada 'ina bodao esiesinuwadi sikwakwani.

Luke 11:25

'Enega 'iila ga 'ebemiya nina 'ilobena 'esasena ta gibugibubuna,

Yoni 4:48

Ga Yesu tai nina 'ieonena, 'igwae, “Nigeya 'ebweu 'omi 'emiyega 'ida emisegu, nate namo 'eguma 'igu paisewa waiwaina 'ana we'iwe'iyaya wa'ita, be 'enega wada emisegu.”

Yoni 8:41

Ta 'omi tamami 'ina guinuwa waguiguinuwedi.” 'Enega taudi wate sigwae, “Iye! 'Abo'ama nigeya pesiyeda. 'Abo'ama tamama 'ebweuna tuga, Yaubada.”

Yoni 8:44

Yamwalatonimi 'omi Seitani natunao, 'enega nuwanuwami be tamamiya 'ina nuwanuwa wada guinuwe. Tuta 'ana 'ebe e'ale 'enega ga batuwa, tauna toloemwawasa, ta nigeya 'ebweu wate 'eda palupaluna 'enega 'ida tauya, manuna tauna nigeya 'ebweu 'eda palupaluna 'ena 'imiyami. Tuta yauna kaboega 'ionaona, manuna tauna tuga adelina nadigega, ta wate tokaboyao maibo'adi tamadiya.

Guinuwa 13:10

ta 'igwae, “'Oyo Seitani 'ina boda ta kabo 'aleyo, 'enega guinuwa palupaluna 'uetalauwalena, ta 'Inapwana 'ina 'eda palupaluna tuta maibo'ana 'utootoo be 'aene 'ugiebokoboko.

2 Kolinita 11:14

Manuna gete Seitani adelina toto'umalina 'ina 'eda, be 'ana 'ita 'isa'ugelasa nadigega anilose maemaedanina.

2 Kolinita 11:3

Ta esi ya'atesa'ala manumi 'abona nai 'imi nuwanuwa sikwakwani be 'imi 'atetagwala Keliso 'ena wapilisine, nadigega lowa mwata Ibe 'ikaboena 'ina ona dibidibi 'enega, ga Ibe nina 'ineneta.

2 Kolinita 4:4

Taudi nigeya siemiemisa, manuna bale'u gete 'ina 'inapwana ni'atu 'igiekebodi, be 'enega maedana geya'abo si'ita'ita, nate Keliso 'ina esaesa tetelina, tauna 'ana 'ita Yaubada nadigega.

Epeso 2:2

Ona'ai'aila, lowa bubuna bale'u waguiguinuwedi, manuna yaluyaluwa to'umalidi ta waiwaidi 'idi 'inapwana, tauna tomiya mwatui waematamatanena. Tauna yaluyaluwa nina taudi tole'oa loina simulimuliye be 'atediya 'imiyami.

2 Timoti 3:8

Ona'ai'aila, tomotai nidi e'ita 'ai'aila sietalauwalena, nadigega lowa taudi Yanisi be Yamilisi Mosese sietalauwalena. Taudi 'adi 'ita 'atuwa toemisa, ta soladiya kabo be nuwanuwa to'umalina simiyami.

Yemesa 3:15

sinasinapu nidi gete nadigega nigeya galewega, ta esi tuga bale'u bubuninao 'adi yalakwaiya be Seitani 'ediyega.

E'ita'ita 12:17

'Enega yobai nina 'igamwasowala 'ai'aila waine nina 'ena, ga 'itauya ga waine nina 'ina susuyao 'ilosaiyedi, taudi nate Yaubada 'ina ona 'ana toematamatanao ta Yesu 'ana tosimanao. 'Enega yobai nina bweyabweyalina kaukauya 'itoolo baula.

E'ita'ita 12:9

Yobai nina bweyabweyalina ta sinabwana, tauna gimimwata 'ana esana Seitani, 'atuwa Taumudumudulele, tauna bale'u 'ana tokabo. Tauna ma ina aniloseyao maibo'adi bale'uya siula mwa'utedi.

E'ita'ita 18:23

“'Enega mayale 'idi maedana 'enaya geya'abo siapweapwesa. Ta wate geya'abo toaiyao 'enadi 'asa nina 'enega sinoono. “Ona'ai'aila, bale'u maibo'ana 'enega 'asa nina 'ana toesaesao siloetana wawasae, ga 'idi nabwasuwa 'ediyega mali sena tomoteninao sikaboedi.

E'ita'ita 19:20

Gote 'ena yobai nina ma ina palopita kabokabo sigiyaidi, ga mayawasidi siuledi yaiyai sinabwana solanaya. Palopita kabokabo nina tauna lowa 'ina guinuwa waiwaidi 'iguinuwedi yobai nina matanaya ga 'ediyega tomota 'ikaboediya, taudi yobai nina 'ana we'iwe'iyaya 'ediya 'imiyami, ta 'ina tokwalui nina 'ana tobwagobwagoyao.

E'ita'ita 20:10

'Enega 'adi tokabo Seitani nina, si'ewena ga siulena yaiyai sinabwana solanaya, lowa 'ena yobai nina be palopita kabokabo nina siuledi, be sena nina 'ena si'elo'elouya 'asiyata be boiboi 'ediya, ta geya'abo 'igumwagumwala.

E'ita'ita 9:11

Ta wate ma idi toloina, tauna anilose nina gaula nina 'ana to'ita'i'ita, 'ana esana Ibeliu 'enadiyega sigwae, “Abadoni,” ta 'ena Gilisi sigwae “Apoloni,” ta 'adi gibui nate “Toepe'u.”