2 Pita 2:21 - Loina Tabu Auwauna NT

²¹ Taudi nigeya bubuna palupaluna 'ana 'eda simwalamwalatoni, ta e'ita kabokabo simulimuliyedi, ta ma'etamo to'umalina siloba. Ta esi taudi ni'atu bubuna palupaluna 'ina 'eda be Yaubada 'ina loina 'esasena 'ana tomwalatoiyao, 'eguma sipilisinei sito'umali 'ai'aila.

2 Pita 2:21 ပူးပေါင်းရင်းမြစ်များ

Madiu 21:32

Manuna lowa Yoni 'eda palupaluna 'ie'itemi ta 'omi nigeya waemiemise, ta esi takisi 'ana to'ewao siemisena. Ta matamiyega wate wa'itena sinuwanuwa 'ebuni, ta 'omi sa'i nigeya wada nuwa'ebuni nai wada emisena, aga?”

Luke 12:47

“Ta 'eguma yaita 'ina 'inapwana 'ina nuwanuwa 'imwalamwalatoni ta tuga nigeya 'iguiguinuwe, 'iabe loina to'umalina 'iloba.

Yoni 15:22

“'Abo lowa nigeya yameemai be 'ediya yasimasimana, geya'abo 'idi loegesi 'imiyami. Ta esi ni'atu yamai ga 'ediya yaona saba, 'enega nigeya 'ebweu wate 'idi onalimana 'idi loegesi manuna.

Yoni 9:41

Ga Yesu 'ieonedi, 'igwae, “'Eguma 'omi matami kebokebodi geya'abo sa'i bubuna to'umalidi 'emiya 'imiyami, ta esi manuna wagwae, ‘'Abo'ama matama 'esasedi’, 'enega 'imi bubuna to'umalina tuga 'imiya ataya.”

Loma 7:12

Ta loina nina tamwalatonina 'aene 'esasena, ta wate 'etobodao maibo'adi 'esasedi ta palupaludi, ta wate maibo'adi bobo'adi.

Galetia 6:2

'Ami 'aa'aalao 'ediya wada elemalema magosemiyao, manuna gete 'ada loina Keliso 'enega, ta 'ilobweneda be taguinuwe.

1 Tesalonaika 4:2

Ta wate 'Inapwana Yesu 'ina loinao nidi 'a'ebwa'emiya wamwalamwalatonidi.

1 Timoti 6:14

Ta 'igu loina nina 'aene emataluwa getedi 'umuliya 'ai'ailidi, ta geya'abo 'ebweu 'ena 'uneeneta, be 'ana laba 'ida 'Inapwana Yesu Keliso 'iila limanama.

Ibeliu 10:26

Be 'abo tanuwa sabwaleni to'ase Yaubada 'ana tetela 'ai'aila, be muliyega tatagwaleda bubuna to'umalina 'enaya, nigeya 'ebweu wate taliya 'imiyami sabi gie'esaseda,

Yemesa 4:17

'Enega 'abo yaita guinuwa bobo'adi 'imwalatonidiya, ta nigeya 'iguiguinuwedi, nate 'ina loegesi.

2 Pita 3:2

ta Yaubada 'ina palopitao 'idi onao nuganuganidi wada nuwa'i'isidi, ta wate 'ida 'Inapwana, nate 'ada To'etoseyana, 'ina loina 'ana tosimanao loina nidi si'ebwa'emiya wate wada nuwa'i'isidi.

Yude 1:3

Gosegwao, nuwanuwagu be 'ada 'etoseyana manuna yada 'etoladiwa, ta sa'i nigeya sawesawenaya, manuna 'ebweu mwau ni'atu 'emiya 'iapwesa, 'enega 'ilobwenena be leta gete 'enega yada guguyami be 'aene geya'abo 'ida tapwalolo palupaluna waguiguitoyase, ta esi wada etapewa manuna. Manuna 'ida tapwalolo nina ni'atu 'abo'ada Yaubada 'ana toemisao 'i'ebwa'eda.