2 Pita 1:21 - Loina Tabu Auwauna NT

²¹ manuna palopitao nidi nigeya taudimo 'idi nuwenuwega sionaonaedi, ta esi Yaubada 'enega, ta Yaluyaluwa Tabuna palopitao 'ienuwa sa'uyedi ga ona nidi sionaedi.

2 Pita 1:21 ပူးပေါင်းရင်းမြစ်များ

Maki 12:36

manuna lowa Yaluyaluwa Tabuna Debida 'igiesinapuna ga Debida To'etoseyana nina 'i'awa 'inapwanena, 'igwae: Yaubada 'iona 'igu 'Inapwana 'enaya, 'igwae, “'Ataiguya 'umiyatowa be 'ana laba 'amu talauwalao yasa'u mwa'utedi 'aeyo 'ubuninaya.”

Luke 1:70

Lowaenei palopitao nuganuganidi Yaubada 'ina ona gete nadigega sigimi simanena

Guinuwa 1:16

“Tasigwao, lowa Debida 'ina ona Yaluyaluwa Tabuna 'i'ebwa'ena Yudasa manuna, ta Buki Tabu 'ena 'imiyami. Yudasa nina lowa ma'edai taetosimana Yesu manuna, ta sa'i 'ida 'Inapwana 'isipupuyena ga 'i'ebwayaena Yesu 'ana talauwalao nimadiya. Ta 'ebweu wali Buki Tabu solanaya Debida 'ina ona Yudasa manuna, gete nadigega 'igwae, ‘'Ina 'asa 'ida wabolebole, be geya'abo 'ebweu yaita tomota 'enaya 'ida miyami.’ Ta wate 'igwae, ‘'Ana lopa'elu tauna 'ina paisewa 'ida 'ewa.’ 'Enega 'ilobwenena be ona gete 'ana mwalatoi 'ai'aila 'ida apwesa.” Pita 'ina ona gete nadigega manuna Yudasa ni'atu 'imwawasa. Tauna lowa 'ina guinuwa to'umalina 'ana maisa 'enega bwa'a 'iegimwanena, ga bwa'a nina solanaya 'ibe'u sanamwa'uta, ga gamwana 'ilosabuyena, ta diyana maibo'ana 'iapwesa, ga tetelina me Yelusalema maibo'adi sinononaya, ga 'enadiyega bwa'a nina sieesena “Akelidama,” ta 'ana mwalatoi “Bwa'a lala.”

Guinuwa 28:25

Manuna 'idi nuwanuwao dumadumana be dumadumana, 'enega sideli sawala. Ta Paulo 'ina ona 'ana 'ebe losalowa 'ediya 'igwae, “Yaluyaluwa Tabuna 'ina ona tubumiyao manudi ona 'ai'aila, nate palopita Aisea 'awanega 'ionaedi.

Guinuwa 3:18

Ta wanuwa'i'isi 'aene Yaubada 'ina palopitao 'ediyega 'igimi simanena 'aene To'etoseyana nina 'ina 'elouyao 'ida lobadi, 'enega ona nina 'ana 'ai'aila ni'atu 'iapwesa.

Ibeliu 10:15

'Esasa gete manuna Yaluyaluwa Tabuna wate Buki Tabu 'ena 'ie'iteda 'Inapwana 'ina ona, nate lowaenei manuda 'isimana,

Ibeliu 3:7

'Enega Yaluyaluwa Tabuna 'ieoneda, 'igwae, “Batuwa, 'eguma 'enana wanono,

Ibeliu 9:8

Gete 'ebe'ita tomota auwauda 'edaya, Yaluyaluwa Tabuna 'enega, be 'enega tada mwalatoni 'aene 'abo guinuwa nina kadekadelina 'etamo taguiguinuwe, nigeya sawesawedaya be talulugu Sena Tabu Wawasae solanaya. Manuna obobomao be 'ebwayadaitao nidi loina kadekadelina 'enega sitalitaliya Yaubada 'ena, ta esi nigeya sawesawediya be tomota nidi 'atedi sigie'esasedi, ta bwaladimo sigie'esasedi,

1 Pita 1:11

Ta Keliso yaluyaluwana 'atediya 'igimi e'itedi 'ina 'elouyao be 'ina esaesa muliyega manudi, ga palopitao nidi mwalatoi si'ebesa to tuta 'ena be mwa'adega 'etoseyana nina 'ida apwesa'esa.

E'ita'ita 19:10

Ta 'aenaya yabe'u sanamwa'uta ga yabwagobwago 'enaya, ta 'enega 'igwae, “Geya'abo nadigega. 'Abo'agu tuga Yesu 'ina toguinuwa, 'oyo nadigega, ta wate nadigega tasimwao taudi Yesu 'ana tosimanao, Yaubada esi 'ena 'uda bwagobwago.” Manuna Yesu 'ana tosimanao 'adi lotoona nadigega palopitao 'adi lotoona Yaubada yaluyaluwana 'enega.