2 Kolinita 7:11 - Loina Tabu Auwauna NT

¹¹ Ona'ai'aila, 'imi nuwamwau gete 'enega Yaubada 'ilememi, ga waetaetapewa, ta waewaiwai be 'imi bubuna 'ida bobo'ana maibo'ana, 'enega to'umalina nina manuna wagamwasowala ta wamatauta, ta nuwanuwami be yawawai 'emiya, ta wate waewaiwai ga to'umalina nina wae'isena. Yage maibo'adi 'ediyega 'imi guinuwa bobo'ana wae'itaena.

2 Kolinita 7:11 ပူးပေါင်းရင်းမြစ်များ

Maki 3:5

Ta Yesu 'idune masimasiyedi ma ina gamwasowala ta ma ina nuwamwau 'idi debapa'ala manuna, ga tai nina 'ieonena, 'igwae, “Nimayo 'uyasitoto,” ga tai nimana 'iyasitotona ga 'ibobo'ana.

Yoni 2:17

Ta 'ina tononoyao ona nina Buki Tabu solanaya sinuwa'i'isina, 'igwae, “Yaubada ye, 'imu anuwa tobobo'ana sana gete nuwagu 'i'ewena.”

Guinuwa 17:16

Ta Paulo Ateni 'ena, Sailasa be Timoti manudi 'etamo 'iyamwayamwa, ga 'inuwamwau sinabwana, manuna 'i'itena me Ateni nigeya Yaubada 'ena siemiemisa, ta 'idi 'ebe emisa dumadumadi ta yau wawasae.

Loma 11:20

Nate ona'ai'aila. Ta esi wada nuwa'i'isi 'aene naliyao nidi 'ilasedi, manuna nigeya siemiemise, ta esi 'omi 'imi emisa 'enega yawasimi bobo'ana walobena. 'Enega 'ilobwenemi be Yaubada wada mataute ta geya'abo wanuwanuwatu'e,

Loma 14:18

Be 'abo bubuna nidi gete 'ediyega Keliso 'ina guinuwa taguiguinuwe, 'iabe Yaubada manuda 'igwausowala, ta wate tomota si'awa bobo'aneda.

Loma 3:5

'Enega 'eguma 'ida bubuna to'umalina 'enega Yaubada 'ina bubuna bobo'ana 'igie apwesena, nai tada gwae, “Geya'abo Yaubada 'iloiloineda 'ida bubuna to'umalina manuna,” aga? (Ona'ai'aila, gete yaona besobeso 'atuwa nadigega 'aina tomota 'idi ona.)

1 Kolinita 12:25

Be 'enega geya'abo weyala 'iapweapwesa ooda welawela'anao 'ediyega. Ta esi maibo'adi sida eleleleya be maibo'adi sida elemalema 'ida guinuwao 'ediyega,

1 Kolinita 5:13

Manuna taudi ma'etamo Yaubada 'iloinedi, ta esi toloyawe nina 'ebweu 'imi boda, 'enega 'ilobwenena be waloine, be 'emiyega wapa'i.

1 Kolinita 5:2

'Enega geya'abo wanuwanuwatu'e, ta esi bubuna gete manuna wada dedoi, be tai nina to'umalina 'imi boda 'enega wada 'ausepale.

2 Kolinita 13:7

'Abo'ama 'asidasida Yaubada 'ena be 'aene geya'abo waloeloegesi, nigeya 'aene wada 'awa tosimana 'ai'ailema. Ta 'eguma tomota nigeya si'awa'awa tosimana 'ai'ailema, 'ada gwausowala tuga 'omi 'imi bubuna palupaluna manuna.

2 Kolinita 2:6

manuna to'umalina 'ana e'isa 'ilobena maibo'ami 'emiyega, ni'atu sawesawenaya.

2 Kolinita 6:4

ta esi 'ima guinuwao maibo'ana bobo'ana Yaubada manuna, be 'ediyega wada 'awabobo'anema. 'Ima guinuwa getedi: 'alama'i'ita sinabwana, 'elouya, miyamwau, esilae,

2 Kolinita 7:1

Gosegwao, Yaubada 'ina onaoboboma getedi tada nonodi be ooda be yaluyaluwada tagie'esasedi yage baibailidi 'ediyega, be ta'esasa 'ai'aila ma ida 'amayaba Yaubada 'ena.

2 Kolinita 7:7

ta wate tetelimi 'enega, manuna Taito 'ieonegu, 'igwae, “Me Kolinita nidi nuwanuwadi be 'utatauya sabi ayausidi. Ta ni'atu 'imu ona manuna sitagwaledi ga 'idi to'umalina 'enega sinuwa'ebuni ma idi dedoi. Gete ya'itena ga yagwausowala sinabwana.”

2 Kolinita 7:9

'Enega 'abo'agu yagwausowala, nigeya 'imi nuwamwau manuna, ta esi manuna 'imi nuwamwau 'enega wanuwa'ebuni 'imi to'umalinao 'ediyega. 'Imi nuwamwau nina walotoonaya 'aene Yaubada 'enega 'imai, ta nigeya 'ebweu wate 'emiya to'umalina yaguiguinuwe.

2 Kolinita 9:2

ta wate yamwalatonimi 'aene 'ebwayadaita nina manuna wagwausowala, 'enega 'omi ya'awa bobo'anemi me Masidonia 'ediya, yagwae, “Sena Akaya 'ena taudi me Kolinita ni'atu sietapewa ga 'idi 'ebwayadaita sigibubuna yakwala 'igumwala 'enaya.” 'Enega yaudi 'ediyega wate nadigega siguinuwa'esa.

Epeso 4:26

Ta 'eguma wagamwasowala, geya'abo wabuubuna to'umalina, ta esi wada too be wanuwa siwalowa manini,

Epeso 5:11

ta guguyoi 'ana guinuwa besobesodi 'ediyega wadena, ta esi wada e'itaedi 'aene to'umalidi.

Pilipai 2:12

Gosegwao 'omi ematamatana 'alemi. Lowa mataguya waematamatana, ta gete tuga 'emiyega yamiya 'edasola, ta tuga ma'etamo waematamatana 'ai'aila. 'Enega 'ilobwenemi be Yaubada wamataute be wate watoo waiwai be 'ina 'etoseyana waloba,

1 Tesalonaika 4:6

'Enega wate geya'abo mali tomota mwanediyao wa'ipwa'ipwalidi, 'abona nai 'Inapwana 'ina gamwasowala waloba. Yage nidi manudi lowa 'aemataluwemi.

1 Timoti 5:20

Ta 'eguma toanugana 'ina to'umalina wa'italoba, 'uda 'enapa'ali tomota yaudi matadiya, be 'enega taudi wate loegesi nina geya'abo 'ena silugulugu.

2 Timoti 2:15

'Enega wate 'uetapewa waiwai be tetela bobo'ana 'ana e'ita 'ai'aila manuna 'ugwaunuwa be 'aene 'oyo Yaubada 'ina toguinuwa be ma'etamo matanaya 'uapwesa be 'ida 'awabobo'aneyo.

Taito 3:8

Ona gete maibo'adi ona 'ai'aila, 'enega 'uewaiwai 'adi loguguya 'ena, be 'enega taudi Yaubada 'ana toemisao ona nidi sida muliyedi be guinuwa bobo'adi sida guinuwedi. Gete yage bobo'ana ta tomota 'adi 'ebe lema.

Ibeliu 4:1

'Ina onaupaupa manuda 'etamo 'imiyami, 'aene 'ina eyawai'ata tauna 'enega tada loba, 'enega 'ilobweneda be tamatauta 'abona nai 'aimi wabebe'u be geya'abo walobaloba.

Yemesa 3:17

Ta 'abo yaita 'ina sinasinapu galewega 'imai, tauna 'ina bubuna nugana 'esasena, ta wate nuwasiwalowa 'alena, bubuna nuwana 'alena, egosigosiyana 'alena, 'atenuwa'ole'ole 'alena, ta 'aina wate uwanao bobo'adi siapweapwesa, ta nigeya gosenao 'ida e'idi'idiyedi nai 'ida kaboedi.

1 Pita 1:17

'Etamo Yaubada 'ina loina 'ebweuna ta palupaluna 'enega tomota maibo'ada 'ida loineda, nadigega 'ida guinuwa, bobo'ana, nai to'umalina. Tauna Yaubada nina waeesena Tamami 'imi sidasidao 'ediya, 'enega 'ilobwenemi be wada 'amayabe tuta maibo'ana bale'u gete 'ena wamiyami.

1 Pita 2:2

ta 'ilobwenemi be yaluyaluwami 'ana susu bobo'ana wada 'ebese. Nadigega taudi gogama meyameyadi susu nuwanuwadi, be susu nina yaluyaluwami 'adi 'etoseyana manuna.

Yude 1:23

'Aidi wate 'asa gabugabu selabenaya simiyami, watoo be wa'etoseyedi. 'Aidi wate toto'umalidi wa'atenuwa 'ole'oleyedi be wada lemedi, ta 'idi bubuna wada mataute, be bubuna bale'u 'ana gwegweyao waguitoyasedi.

E'ita'ita 3:19

“Ta wada nuwa'i'isi 'aene yaisigedi 'omi yaobobomemi, 'enapa'alega be loinega yagiepaepaluyemi. 'Enega wada ewaiwai be 'imi to'umalina 'enega wada nuwa'ebuni.