2 Kolinita 13:11 - Loina Tabu Auwauna NT

¹¹ Gosegwao kaiyoni. 'Igu loguguya wada nono be wasanaila. Wate 'imi nuwanuwa 'ebweuna 'enega wada miyasiwalowa, be Yaubada tauna oboboma be nuwasiwalowa 'aledi ma'emiya wada miya gwausowala.

2 Kolinita 13:11 ပူးပေါင်းရင်းမြစ်များ

Madiu 1:23

“Gomagweine nuwenuwebolana 'ida 'euwana be natuna me'olotona 'ienatune, ta 'ana esana sida eese Imanueli.” (Ta esana nina 'ana gibui “Yaubada ma'edai.”)

Madiu 5:48

Ta 'omi 'ilobwenemi be adelimi bobo'ana maibo'ana, nadigega Tamami galewaya.

Maki 10:49

'Enega Yesu 'itoolo, ta 'iona, “Wada bwauyenama.” Ga tomota sigwae, “Bobo'ana, 'utoolo. Yesu 'ibwauyemu.”

Maki 9:50

“Ola yage bobo'ana. Ta 'eguma 'ana lotoona 'isasawala, nigeya sawesawenaya be 'ibobo'ana limana. 'Enega 'ilobwenemi be 'imi bubuna taumi walotoona 'ana dibidibi nadigega waeoboobobomemi 'ebweuna 'ebweuna 'enaya.”

Luke 9:61

Ta 'etonina wate 'imai, ga 'igwae, “'Inapwana, bobo'ana be yamuliyeyo, ta 'uda tagwalegu be nugana yada ila be 'igu susuyao 'ediya yada lokaiyoni ta muliyega yamuliyeyo.”

Yoni 17:23

Ta 'abo'agu 'ediya yamiyami. 'Oyo wate 'eguya 'umiyami, be gete 'enega sida e'ebweu 'ai'aila. Be wate gete 'enega me bale'u sida mwalatonigu 'aene 'oyo 'uetuneguma, be wate sida mwalatoniyo 'aene 'oyo 'uobobomedi taudi, tuga nadigega 'abo'agu 'uobobomegu.

Guinuwa 15:29

'Etoboda nidi nate, to'ase tomota sitalitaliyae mali 'ebe bwagobwagoyao 'ediya, geya'abo wae'ani, wate yobai malaladi ta yobai didimagadi esiyodi geya'abo wae'enidi, ta wate geya'abo waloeloelata. 'Eguma 'etoboda getedi 'ediyega wa'ita'i'isimi, 'imi miya bobo'ana. Kaiyoni.”

Guinuwa 18:21

'igwae, “Ma'etamo yailama, 'eguma Yaubada 'itagwalegu.” 'Enega me Epeso nidi 'ilokaiyoniyedi, ta 'igelu limana,

Guinuwa 23:30

Ga ni'atu emataluwa yanonona 'idi loina kwaiya Paulo 'ana loemwawasa manuna, 'enega yalomanini ga yaetunenawa 'emuya, ta 'ana toe'ewa wate yaeonedi be siwawa 'emuya, be nada sida simana to'ase 'idi e'ewa 'alena tai gete manuna.”

Loma 12:16

be 'enega maibo'ami wada eoboobobomemi. Ta geya'abo wanuwanuwatu'e nai watootoo be waetoloina, ta esi taudi nigeya 'adi esanamo wada egosigosiyanedi.

Loma 12:18

Ta wate wada toowaiwai be bubuna bobo'ana 'enega miya siwalowa manuna wada e'ita tomota maibo'adi 'ediya.

Loma 14:19

'Enega 'ilobweneda be 'ida 'ebe masi nuwasiwalowa, be 'enega 'ebweuna 'ebweuna 'enaya tada elemalema.

Loma 15:13

Ta ona'ai'aila, Yaubada namo ma 'ana emisa, manuna taunamo 'enega lema bobo'adi talobalobadi, 'enega nuwanuwagu be ma imi gwausowala wada emisa 'aene 'imi miya sida bobo'ana, ta wate Yaluyaluwa Tabuna 'ina waiwaiyega 'imi emisao nidi 'ida giesinabwa 'ai'ailidi.

Loma 15:33

Yaubada ma'emi, tauna nuwasiwalowa 'alena. Eimeni.

Loma 16:20

Ona'ai'aila, Yaubada tauna nuwasiwalowa 'alena, be sawesawenaya Seitani 'ida 'ausepale maniniye 'emiyega. 'Enega 'ida 'Inapwana Yesu Keliso 'ina oboboma 'emiya 'ida miyami.

1 Kolinita 1:10

Tasigwao, gete 'igu loguguya 'emiya 'ida 'Inapwana Yesu Keliso 'ana esanega be 'aene wanuwanuwa leleleya be waona leleleya, ta esi geya'abo waegewagewana nai waweyaweyalimi.

2 Kolinita 1:4

ta 'ima 'elouyao 'ediyega 'igie gwausowalima, be 'enega sawesawemaya taudi tomiya mwau wate 'ada giegwausowalidi, manuna 'ima 'ebe gwausowala nina Yaubada 'enega 'alobena sawesawenaya be 'asa'ubale 'ediya be taudi wate sida gwausowala.

2 Kolinita 13:14

'Inapwana Yesu Keliso maibo'ami 'ida 'atenuwa 'ole'oleyemi, ta Yaubada 'ida obobomemi, be Yaluyaluwa Tabuna wate ma'emiya wada egosigosiyana 'ai'aila. 'Abo'agu Paulo.

2 Kolinita 13:9

'Enega 'ima nenetao 'ediya 'agwaugwausowala 'eguma 'omi waewaiwai, ta wate 'asidasida Yaubada 'ena be wada toolopa'ala 'ai'aila.

Epeso 4:12

Ta maibo'ada 'ida guinuwa 'ebweuna 'ebweuna nate toekalesiyao 'adi lema manuna be sida ewaiwai, nate Keliso oona 'ina tubutubuwa manuna,

Epeso 4:3

be wada etapewa waiwai, be 'enega Yaluyaluwa Tabuna 'ibwagilimi, be ma imi nuwasiwalowa wada miyami gwausowalega.

Epeso 6:23

Oboboma be emisa be gwausowala Tamada Yaubada be 'Inapwana Yesu Keliso 'ediyega 'omi gosi 'ai'ailigwao 'emiya.

Pilipai 1:27

Ta wada 'ita'i'isimi 'aene 'imi guinuwao 'ediyega tomota Keliso tetelina sida 'awabobo'ane, 'enega 'eguma yayausimi, nai 'eguma yamiyaila, tuwa tuga tetelimi bobo'ana yada noono 'aene ma imi 'atetagwala watoolo pa'ala, ta ma imi nuwanuwa leleleya ga 'enega waetaetapewa tetela bobo'ana 'ana emisa manuna,

Pilipai 3:16

Ta sa'i 'ilobweneda be yage nidi talobediya tagiyai 'i'isidi.

Pilipai 4:2

'Omi iine Yu'odia be Sinitiki yasidasida 'emiya be wada egosigosiyana limana, 'ida 'Inapwana 'ina nuwanuwa nadigega.

Pilipai 4:4

Tuta maibo'ana wada gwaugwausowala 'Inapwana manuna, ta wate yaeona limami 'aene wada gwausowala.

Pilipai 4:9

'Omi wada etotowanegu, 'igu guinuwao wa'itedi 'ediyega, be 'igu onao be 'igu e'itao wanonodiya ga wamwalatonidiya 'ediyega. 'Enega Yaubada ma ina nuwa siwalowa ma'emiya wada miya gwausowala.

1 Tesalonaika 3:10

'Enega boiboi be 'asiyata 'ediya 'asidasida waiwai be 'aene maninimi 'a'ita limadi, be wate 'abo 'eisa 'ebe neneta 'emiya simiyami 'ediyega 'ada giewaiwaiyemi.

1 Tesalonaika 4:1

Gosemao, 'ebweu wate yage 'ida 'Inapwana Yesu manuna 'aemataluwemi, be 'aguguyemi, nate lowa bubuna nidi 'ae'itemi ga wamwalatonidi 'aene bobo'adi, ta manudi Yaubada 'igwausowala, ga gete tuga ni'atu 'ediya wabuubuna, ta 'ilobwenena be waguinuwa limalimadi.

1 Tesalonaika 4:18

'Enega tetela gete 'enega wada giegwausowalimi.

1 Tesalonaika 5:16

Tuta yauna wada uyawana.

1 Tesalonaika 5:23

Yaubada tauna gwausowala 'alena 'enega yaluyaluwami be nuwami ta oomi 'ida gie'esasa 'ai'ailidi be sida maedana, be 'enega ma imi bubuna bobo'ana wada miyami be 'ana laba Yesu Keliso 'iila limanama.

2 Tesalonaika 2:16

Tamada Yaubada 'ioboboma 'ai'ailida, 'enega tuta yauna 'igiegwausowalida, manuna tanuwayaina yage nidi ma'etamo manuda 'ida guinuwedi.

2 Tesalonaika 3:1

Gosemao, 'ebweu yage wate nuwanuwama be manuma wasidasida Yaubada 'ena, be 'enega 'Inapwana tetelina 'ima loguguyega 'ida lelewana be 'iewaiwai tomota 'ediya, nadigega lowa 'emiya.

2 Tesalonaika 3:16

'Ida 'inapwana tauna nuwasiwalowa 'alena be 'ida gienuwa siwalowemi, be 'ida giegwausowalimi tuta maibo'ana, ta ma'emi wada miyaataya.

2 Timoti 2:22

'Enega tubuwau 'idi yalakwaiyao 'uguitoyasedi be bubuna palupaluna be emisa be oboboma be miyasiwalowa 'umuliyedi, be wate taudi Yesu si'awa 'inapwanena ma'ate'esasedi 'uetotowanedi.

Ibeliu 12:14

Wada toowaiwai be wada miya siwalowa tomota ma'emiyao, ta wate wada toowaiwai be 'imi bubuna 'ida bobo'ana maibo'ana, manuna 'abo yaita nigeya 'ina bubuna bobo'ana geya'abo sa'i 'Inapwana 'i'ita'ita.

Ibeliu 13:20

Yaubada miya siwalowa 'ana to'ebwaya, ta tauna wate 'ida 'Inapwana Yesu mwawasega 'igietoolo limena, ta Yesu nina 'ina toekalesiyao 'abo'ada 'ada to'ita'i'ita 'ai'aila, ta tauna lalanega 'ada loina bobo'ana ta miyamiya atayana 'i'ebwa'eda.

Yemesa 1:4

'Enega wada 'ita'i'isimi be wada toolopa'ala 'ai'aila, be gete 'enega 'imi bubuna maibo'ana 'ida bobo'ana.

1 Pita 3:11

ta wate guinuwa to'umalidi 'ida guitoyasedi, be 'ida guinuwa bobo'ana mali tomota 'ediya, be wate 'ida etapewa waiwai nuwasiwalowa manuna.

1 Pita 3:8

Gete 'igu ona 'ana 'ebe losalowa 'emiya 'aene 'imi nuwenuwega be 'ami lotoonega wada e'ebweu be wada eoboobobomemi, be ma imi nuwamwa'uta wada 'atenuwa 'ole'oleyemi.

1 Pita 5:10

Yaubada tauna 'atenuwa'ole'ole 'alena ni'atu 'ibwauyeda be 'aene 'ina esaesa miyamiya atayana 'ena tada miyami Keliso ma'eda. Ta 'imi 'elouya tuta kukupana namo be sigugumwala, ta muliyega Yaubada 'ida gie'esasemi be 'ida giepa'alimi be 'ida giewaiwaiyemi be 'aene wada miya bobo'ana.

E'ita'ita 22:21

'Ida 'Inapwana nina Yesu 'ina nuwa'ole'ole, be 'ina oboboma, yauyaumi 'ana toemisao 'emiya.