2 Kolinita 12:20 - Loina Tabu Auwauna NT

²⁰ Ona'ai'aila ya'atesa'ala, ta geya nuwagu yawawai be 'imi bubuna ya'italoba 'aene nigeya bobo'ana, be 'igu wai manuna wada nuwamwau, 'abo taumimo waegewagewana be wae'ipi'ipi ta wagamwasowala, nai walogwegwe diidiga, ta gosemiyao wa'awa to'umaliyedi, be wanuwatu'e, nai waguinuwa besobeso.

2 Kolinita 12:20 ပူးပေါင်းရင်းမြစ်များ

Loma 1:29

'Enega bubuna to'umalina maibo'ana 'iloemaedi, nadigega tomatagwegwe be, tobubuna geyogeyoi be, nadigega taudi e'ipi'ipi 'aledi be, loemwawasa 'aledi be, toegewagewana be, toekabokabo be, taudi toe'idi'idi be, taudi tolomugiyao be,

Loma 1:30

tolo'aegilao, ta wate taudi Yaubada 'ana talauwalao be, oopa'ala 'aledi be, tonuwatu'e nai togagasa be, wate taudi 'aina guinuwa to'umalidi nuwanuwadi sinabwana, ta wate tamadiyao be sinadiyao nigeya sida 'amayabedi.

Loma 2:8

Ta sa'i, 'aidi tomota egewagewana 'aledi be 'eda bobo'ana siguitoyase, ta 'eda to'umalina simulimuliye, 'enega Yaubada 'ida gamwasowaledi be 'ida loinedi.

1 Kolinita 1:11

Manuna 'aidi Kiloe 'ina bodao ni'atu sieonegu 'imi egewagewana manudi.

1 Kolinita 14:33

manuna Yaubada 'iloiloina palupaluyeda ta nigeya 'ikwanikwaniyeda, 'enega ma ida gwausowala tada lotapwalolo.

1 Kolinita 5:2

'Enega geya'abo wanuwanuwatu'e, ta esi bubuna gete manuna wada dedoi, be tai nina to'umalina 'imi boda 'enega wada 'ausepale.

2 Kolinita 1:23

Gete Yaubada 'imwalatonina yaonaona 'ai'aila 'aene lowa nigeya yayausimi 'imi senaya Kolinita 'ena, manuna geya nuwagu be yaloina pa'alemi 'imi bubuna to'umalina manuna.

2 Kolinita 10:2

'Enega yasida 'emiya be wabubuna palupalu, 'abona nai 'igu wai 'emiya 'enaya ya'ena pa'alimi nadigega 'iabe ya'ena pa'alidi taudi sigwae, “Paulo tauna 'ina nuwanuwa 'iguiguinuwa nadigega me bale'u 'idi guinuwa tuga.”

2 Kolinita 10:6

'Enega 'abo tuta nina waematamatana 'ai'aila, taudi tologwautoyasa 'adi loina 'edega sida loba.

2 Kolinita 12:21

'Igu 'atesa'ala nina 'aene 'abo yawai limana 'emiya be 'ebe omayamaya Yaubada 'i'ebwa'egu matamiya, be taudi lowa siloegesi, ta 'idi bubuna baibailidi be loelata be sogala 'ediyega nigeya sinuwanuwa 'ebuni, taudi sida gienuwa mwaugu be manudi yada dedoi.

2 Kolinita 13:2

Lowa 'igu ayausa 'eluwena 'enaya 'imi toloegesi nidi be yaumi yaloguguyemi, nadigega gete tuga 'edasolaya yamiyami ta yaemataluwemi 'aene 'eguma yawawai limana 'emiya, loina mwauna yada 'ebwa'edi toloegesi nidi.

2 Kolinita 2:1

Ona'ai'aila, tuta nina lowa yanuwena 'aene geya'abo yayayausimi be ya'ena'ena pa'alimi be omayamaya ya'ebwa'ebwa'emi gosemina 'ina bubuna to'umalina manuna. Nate namo 'imi leta ya'etoladinawa.

Galetia 5:15

'Eguma loina gete wapilisine be taumimo 'emiya waetalauwala, ma'etamo 'ami boda waloesawali.

Galetia 5:26

Ta geya'abo tanuwanuwa tu'e, nai gosedao tae'oata'oatadi, nai tae'ipi'ipiyedi.

Yemesa 4:11

Tasigwao, geya'abo tasimiyao wa'awa'awa to'umaliyedi, manuna 'abo yaita tauna tasina 'i'awa to'umaliyei, nai 'iloinei, tauna nigeya Yaubada 'ina loina 'imulimuliyei, ta esi loina nina 'i'awa'awa to'umaliye.

1 Pita 2:1

'Enega 'imi to'umalinao be 'imi kabokaboyao onega be guinuwega, be 'imi e'ipi'ipiyao, be 'imi 'awato'umaliyao wada guitoyasedi,

2 Pita 2:18

Toe'itao nidi 'idi bubuna to'umalidi ma idi ona gagasa siemwaemwasala, ta wate yalakwaiya to'umalidi 'ediyega tonuwa'ebuni'unu silisidi be siila limana 'idi gimi bubuna 'ediya.

Yude 1:16

Tomota nidi lomugi 'aledi ta wate 'awa to'umali 'aledi, ta taudi 'adi lotoona 'enega sitautauya, be 'enega onatu'e 'aledi, 'enega 'abo gosediyao 'ediya siona oboboma, nate gwegwe manuna.