2 Kolinita 11:31 - Loina Tabu Auwauna NT

³¹ Yaubada tauna 'Inapwana Yesu tamana tada tupu atae, ta tauna 'imwalamwalatonigu 'aene 'igu emwasala gete ona'ai'aila.

2 Kolinita 11:31 ပူးပေါင်းရင်းမြစ်များ

Yoni 10:30

'Abo'agu be Tamagu 'ebweuna tuga.”

Yoni 20:17

Ta Yesu wate 'ieonena, 'igwae, “Geya'abo 'ugitogitoogu, manuna 'etamo nigeya yatu'etu'e Tamagu 'ena. Ta 'utatauya be tasigwao 'ueonadi 'aene 'abo'agu 'iabe yatutu'e Tamagu 'enaya, 'omi wate Tamami, ta 'igu Yaubada ta wate 'omi 'imi Yaubada.”

Loma 1:25

Gete 'enega e'ita 'ai'aila Yaubada manuna siguitoyasena ta kabo 'enega sisa'u gelasena, ga Yaubada 'ina mwelumweluluwao 'ediya sibwagobwago, ta Tomweluluwa nina siguitoyasena, tauna 'ana tupu miyamiya atayana. Eimeni.

Loma 1:9

Yaubada 'imwalatonina 'aene tuta yauna 'igu sidasida 'enega yanuwa'i'isimi. Yaubada tauna 'ina a street in Rome guinuwa 'ena yagwaunuwa 'ai'aila Natuna tetelina 'ana guguya manuna.

Loma 15:6

be 'enega maibo'ada nuwanuwa 'ebweuna 'enega Yaubada tada tupu, tauna 'ida Yaubada, ta wate 'ida 'Inapwana Yesu Keliso tamana.

Loma 9:1

Yasimana palupalu 'emiya 'aene 'igu susuyao me Isileli manudi nuwagu 'imwau wawasae, 'enega tuta yauna 'ategu 'iuyauya manudi. 'Igu simana gete Keliso be Yaluyaluwa Tabuna simwalamwalatoni 'aene ona 'ai'aila.

Loma 9:5

gimi 'inapwanao 'ediya, taudi nadigega Ebelaamo be, Aisake be, Yekobe be, ga muliyega 'idi boda nina 'enega Keliso 'iapwesa. Be yage gete manudi Yaubada tauna Toloetana sana tada tupuna tuta maibo'ana 'ediya. Eimeni.

2 Kolinita 1:23

Gete Yaubada 'imwalatonina yaonaona 'ai'aila 'aene lowa nigeya yayausimi 'imi senaya Kolinita 'ena, manuna geya nuwagu be yaloina pa'alemi 'imi bubuna to'umalina manuna.

2 Kolinita 1:3

Yaubada, tauna 'ida 'Inapwana Yesu Keliso Tamana 'ena tada lokagutoki manuna tebweuna tauna nuwa'ole'ole 'alena,

2 Kolinita 11:11

Ta to'ase 'alena? Nai 'igu ona gete manuna ga yaguitoyasemi? Nigeya sa'i! Yaubada 'imwalatoi 'ai'ailigu yaobobomemi.

Galetia 1:20

'Igu ona gete Tamada matanaya ya'etoladinawa nigeya 'ebweu wate kabo.

Epeso 1:3

Gosegwao tada lokagutoki Yaubada 'enaya, tauna 'ida 'Inapwana Yesu Keliso Tamana, ga Keliso 'enega yaluyaluwada 'iobobomedi esaesa galewa maibo'adi 'ediyega.

Epeso 3:14

'Enega 'abo'agu ya'aetulasa Tamada matanaya,

Kolose 1:3

Tuta yauyauna 'ima sidasida Yaubada, tauna 'ida 'Inapwana Yesu Keliso Tamana, 'enaya, 'anuwa'i'isimi ta manumi 'alokagutoki,

1 Tesalonaika 2:5

Ta Wamwalamwalatoni lowa 'awai 'emiya nigeya ma ima ona dibidibidi, ta Yaubada wate 'imwalatonina 'aene nigeya 'aonaona 'awa yalayala 'emiya be 'aene 'imi gwegweyao 'a'ewadi.

1 Timoti 1:11

Ta e'ita palupaluna nina Yaubada 'enega, tauna maedana be gwausowala 'aledi, ga 'igu paisewa 'i'ebwa'eguya be tetelina yaloguguyae tomota 'ediya.

1 Timoti 1:17

'Enega Yaubada tada 'amayabe be tada tupu atae, manuna taunamo Yaubada 'ai'aila, nigeya sawesawenaya be maninina ta'ita, nai 'imwamwawasa, ta 'ina loina 'edaya geya'abo 'igumwagumwala. Eimeni.

1 Timoti 6:16

Yaubada namo miyamiya atayana, ta nigeya 'ebweu wate yaita nadigega. Ta 'ina sena nigeya sawesawenaya ta'ita, manuna maedana wawasae, be nigeya sawesawenaya Yaubada nina ta'ita, ta 'ina esaesa be 'ina waiwai geya'abo sigumwagumwala. Eimeni.

1 Pita 1:3

Yaubada tada tupu, tauna 'ida 'Inapwana Yesu Keliso tamana, manuna 'i'atenuwa 'ole'oleyeda sinabwana, ga tubuwa auwauna 'i'ebwa'eda Yesu Keliso 'ina toololimana mwawasega 'enega. Gete manuna tuta yauna tanuwayaina 'aene 'ina obobomao galewaya ma'etamo talobadi.