2 Kolinita 1:7 - Loina Tabu Auwauna NT

⁷ 'Enega 'ima emisa 'omi manumi ni'atu 'iewaiwai, manuna 'amwalatonimi 'aene wa'elo'elouya 'abo'ama nadigega, be wate nadigega wada 'atepatu nadigega 'abo'ama.

2 Kolinita 1:7 ပူးပေါင်းရင်းမြစ်များ

Madiu 23:30

ta wagwae, ‘'Eguma lowaenei tamiyami tubudao 'idi tutaya, geya'abo talemelemedi palopitao 'adi loemwawasa manuna.’

1 Kolinita 10:13

manuna 'ebe toona nidi 'ediyega Seitani 'itootoomi, maibo'ada wate 'itootooda nadigega, ta esi Yaubada 'ina loina 'isa'una be geya'abo Seitani 'itootoo wawasaeda, ta 'abo ta'alama'i'ita 'iabe 'eda bobo'ana 'ie'itada be 'enega 'ebe toona nidi taewaiwai sinedi.

2 Kolinita 1:14

nadigega tupwana ni'atu wamwalatonina, be 'enega ma'etamo 'Inapwana Yesu 'ina 'asiyata sinabwana 'enaya wada gwausowala 'abo'ama manuma, ta 'abo'ama sa'i 'ada gwausowala manumi.

2 Kolinita 12:20

Ona'ai'aila ya'atesa'ala, ta geya nuwagu yawawai be 'imi bubuna ya'italoba 'aene nigeya bobo'ana, be 'igu wai manuna wada nuwamwau, 'abo taumimo waegewagewana be wae'ipi'ipi ta wagamwasowala, nai walogwegwe diidiga, ta gosemiyao wa'awa to'umaliyedi, be wanuwatu'e, nai waguinuwa besobeso.

2 Kolinita 7:9

'Enega 'abo'agu yagwausowala, nigeya 'imi nuwamwau manuna, ta esi manuna 'imi nuwamwau 'enega wanuwa'ebuni 'imi to'umalinao 'ediyega. 'Imi nuwamwau nina walotoonaya 'aene Yaubada 'enega 'imai, ta nigeya 'ebweu wate 'emiya to'umalina yaguiguinuwe.

2 Timoti 2:12

'Eguma Keliso ma'edai 'ida miyamwau 'ediya tae'alama'i'ita, ma'etamo ma'edai tada loina. 'Eguma Keliso nina taeyaseyaseye ma'etamo 'ieyaseyaseyeda.

2 Timoti 3:11

ta sena nidi Anitioki be Ikoniami be Lisitila 'ediya 'igu miyamwau be 'igu 'elouya tomota 'ediyega yalobediya wate 'umwalamwalatoni. Sena nidi 'ediya yamiyamwau 'ai'aila, ta mwau nidi maibo'adi 'ediyega 'ida 'Inapwana 'i'etoseyegu.

Yemesa 1:12

'Abo yaita 'oyo 'ebe toonayao 'ediyega 'utoolo pa'ala, 'uda gwausowala. Manuna 'amu pali bobo'ana Yaubada 'enega 'uda loba, nate yawasi ataya. Gete Yaubada 'ina onaupaupa maibo'ana 'edaya, 'abo taobobome.

E'ita'ita 1:9

'Abo'agu tasimiya Yoni. Ni'atu taeboda 'ebweuna Yesu ma'edai, ta 'ina 'ebeloina solanaya 'omi be 'abo'agu tae'alama'i'itaneda 'elouya be mwau 'ediya. 'Abo'agu lowa yoniyonigu salu Patimo 'ena, manuna yaloguguya Yaubada 'ina ona be Yesu tetelina.