2 Kolinita 1:22 - Loina Tabu Auwauna NT

²² ta 'ana 'ebe lo'inana 'edaya 'isa'una, tauna Yaluyaluwana 'atedaya, be 'enega tamwalatoni 'aene 'abo'ada 'ina tomotaiyao.

2 Kolinita 1:22 ပူးပေါင်းရင်းမြစ်များ

Yoni 3:33

Ta 'abo yaisigedi 'ina simana nina siemisena, gote 'ena si'awa 'ai'aila 'aene Yaubada tauna topalupaluna.

Yoni 6:27

'Omi geya'abo masula gumwagumwalina manuna waguiguinuwa ta esi masula tauna yawasimi ataya manuna. 'Abo'agu Tomota Natuna be masula gete yada 'ebwa'emi, manuna Yaubada Tamagu tauna 'iesinuweguya 'ina guinuwa gete manuna.”

Loma 4:11

Ta lodaba nina 'atuwa we'iwe'iyaya 'ebweu 'ie'iteda 'aene Ebelaamo 'ina emisega 'awapalupalu 'ilobena Yaubada 'enega, ga muliyega lodaba 'i'ewena. 'Enega taudi nigeya lodaba si'ewa'ewa ta esi siemisa, 'idi emisega Yaubada 'ida 'awapalupaluyedi, be taudi Ebelaamo natu'ai'ailinao.

Loma 8:23

Ta 'abo'ada ni'atu Yaluyaluwa Tabuna lotoona bobo'ana gidalina tuga 'i'ebwa'eda be muliyega miya bobo'ana taloba 'ai'aili, 'enega gete tuga ma ida 'elouya tasidasida ta tayamwayamwa, be 'enega to tuta 'ena ooda 'ida gieauwau, be 'ida 'awanatuna 'ai'aileda.

Loma 8:9

Ta esi 'omi Yaubada yaluyaluwana 'iloiloinemi, manuna 'emiya 'imiyami, be 'enega taumimo 'imi nuwanuwa nigeya 'iloiloinemi. Manuna 'abo yaita nigeya Keliso yaluyaluwana 'ena 'imiyami, tauna nigeya Keliso 'ina boda.

2 Kolinita 5:5

Gete maibo'ana Yaubada 'igibubuna be 'i'ebwa'eda ta we'iwe'iyaya 'i'ebwa'eda be 'enega 'ana 'ai'aila tamwalamwalatoni, nate Yaluyaluwa Tabuna.

Epeso 4:30

Geya'abo Yaluyaluwa Tabuna nuwana wagiegiemwauye, manuna Yaluyaluwa Tabuna nina 'atuwa we'iwe'iyaya 'edaya, 'aene ma'etamo 'ada gieauwau tada loba.

1 Tesalonaika 4:8

'Enega 'abo yaita loina nina 'ile'oai, nigeya 'aene tomota 'idi loina, ta esi Yaubada 'ina loina 'ile'oale'oa, manuna Yaluyaluwa Tabuna tauna nuwanuwa 'ana togie'esasa, nate Yaubada 'ina 'ebwaya 'edaya.

2 Timoti 2:19

Ta esi Yaubada 'ina ona 'ana 'autui pa'alina 'enaya lowa si'etoladina 'igwae: “'Inapwana 'ina tomotaiyao 'imwalatonidi,” ta wate 'igwae, “Taudi 'Inapwana 'ena ni'atu sitagwalediya, 'ilobwenedi be 'idi bubuna to'umalidi siguitoyasedi.”

E'ita'ita 2:17

“'Enega 'abo 'omi yaita matenana, Yaluyaluwa Tabuna 'ina ona toekalesiyao 'ediya 'ida nono. “Ta 'abo yaisigedi 'omi Seitani waewaiwai sinena, masula kwaikwaiyina yada 'ebwa'emi. Ta wate 'ebweuna 'ebweuna 'enaya yada eguyai gulewa wakewakekedi, ta gulewa nidi 'ediya 'ami esanao auwaudi simiyami, nate nigeya 'ebweu yaita sawesawenaya be 'imwalatonidi, nate namo taudi to'ewa nidi simwalamwalatoni.”

E'ita'ita 7:3

'igwae, “Geya'abo bale'u nai ola nai kaiweyao wagiegie to'umaliyedi 'ana laba 'ida Yaubada 'ina toguinuwao 'adi we'iwe'iyaya 'ada sa'u debadiya.”

E'ita'ita 9:4

ta wate Yaubada 'i'etobodedi be geya'abo pwatula sigiegie to'umaliyedi, nai kaiweyao, nai bagula, ta esi tomotai nidi taudi nigeya Yaubada 'ana we'iwe'iyaya 'ediya, taudi sida gieto'umaliyedi.