1 Yoni 5:11 - Loina Tabu Auwauna NT

¹¹ Ta 'ina simana nina 'aene Natunana 'enega yawasida ataya 'i'ebwa'eda.

1 Yoni 5:11 ပူးပေါင်းရင်းမြစ်များ

Madiu 25:46

'Enega taudi sida tauya 'elouya ataya 'enaya, ta topalupaludi esi yawasi ataya sida loba.”

Yoni 1:19

Tuta gote 'enaya me Yudia 'idi toanuganao Yelusalema 'enaya simiyami, ga 'aidi totaliyao be 'aidi Libai 'ina bodao sietunedi Yoni 'enaya sabi enaidena 'aene tauna yaita.

Yoni 1:4

Tauna yawasi 'ai'aila, ta yawasi nina 'enega maedana 'ime'ena tomota yauyauda 'edaya.

Yoni 10:28

ta yawasidi ataya ya'ebwa'edi be 'enega geya'abo sito'uto'umali, ta wate geya'abo 'ebweu yaita nimaguyega 'i'oae'oaegu.

Yoni 12:50

Ta 'ina emataluwa yamwalatonina yawasi ataya 'ena 'imiyami. 'Enega to'ase nadigega Tamagu 'ina emataluwa 'eguya gete nadigega yasimasimanediwa.”

Yoni 14:6

Ta Yesu Tomasi 'ieonena, 'igwae, “'Abo'agu 'eda nina, ta wate ona 'ai'aila, be yawasimi 'aledi. 'Abo yaita nuwanuwana be 'itatauya Tamagu 'ena, nigeya 'ebweu wate 'eda 'imiyami, nate namo tuga 'abo'agu.”

Yoni 19:35

'Abo'agu 'ana tomuliya 'ebweu ga mataguyega ya'itena, 'enega gete manuna yaonaona 'emiya, be ona 'ai'aila nidi getedi wada mwalatonidi be 'enega wada emisa.

Yoni 3:36

be 'enega 'abo yaita tauna 'iemisena yawasina ataya 'ida loba, ta 'abo yaita tauna 'iguitoyasena geya'abo wate yawasina ataya 'ilobaloba, ta esi Yaubada 'ina gamwasowala 'enaya geya'abo 'isawasawala.”

Yoni 4:36

Yaisigedi taudi sisesoi, 'adi e'isa siloba, ta sesoi nina tomota yawasidi ataya manuna. 'Enega 'eguma yaisigedi taudi sidaunaya ta yaisigedi taudi sisesoni siegwausowala leleleya.

Yoni 4:4

Ta 'ina tuta ila 'enaya, Samelia 'asanao gamwagamwanidiyega 'itauya,

Yoni 5:21

Nadigega tuga Tamagu tomwawasa 'igietoolodi ga yawasidi 'i'ebwa'edi, 'abo'agu wate nadigega yawasi auwauna yada 'ebwaya tomota 'ediya, yaisigedi taudi yaesinuwedi.

Yoni 5:26

Tamagu tauna yawasida 'alena, 'enega ni'atu 'itagwala 'eguya be 'abo'agu wate yawasi 'alena.

Yoni 6:40

Ta gete Tamagu 'ina nuwena nadigega 'aene 'eguma yaisigedi taudi 'abo'agu natunana si'itagu, be wate siemisegu, yawasidi ataya siloba, ta tuta 'ana 'ebe losalowa 'enaya 'abo'agu mwawasega yada gietoolodi.”

Yoni 6:47

“Yaona 'ai'aila 'emiya 'aene yaisigedi taudi siemisegu yawasidi ataya siloba.

Yoni 6:68

'Enega Saimoni Pita Yesu 'ieonena, 'igwae, “'Inapwana, yaita 'ena 'atatauya? Manuna 'oyo tebweuyo yawasima ataya 'ana ona 'emuya 'imiyami.

Loma 5:21

'Enega tamwalatonina 'aene to'umalina uwana nate mwawasa 'iewaiwai tomota 'ediya, ta Yaubada 'ina 'ebwayadaita uwana 'iewaiwai wawasae, nate miya bobo'ana be yawasi ataya, 'ida 'Inapwana Yesu Keliso 'enega.

Loma 6:23

Manuna to'umalina 'ana e'isa mwawasa, ta esi Yaubada 'ina oboboma 'ida 'Inapwana Yesu Keliso 'enega, nate yawasida ataya.

1 Timoti 1:16

Yaubada 'ina 'atenuwa'ole'ole 'eguya 'alena gete, 'aene Yesu Keliso 'abo'agu toto'umalina sinabwana manugu 'ie'alama'i'ita, be 'enega toto'umalina maibo'adi sida 'itagu be sida mwalatoni 'aene taudi wate, 'abo Keliso siemise, yawasidi ataya sida loba.

Taito 1:2

Wate Yaubada 'ina onaupaupa lowaenei siemisena 'aene yawasidi ataya 'i'ebwa'edi, ta nigeya sawesawenaya 'ikakabo.

1 Yoni 2:25

be yawasida nina 'iona upaupaenaya 'ida 'ebwa'emi, nate yawasi ataya.

1 Yoni 4:10

Gete oboboma 'ai'aila, nigeya 'aene 'abo'ada Yaubada 'ana toobobomao, ta Yaubada esi 'ada tooboboma, ga Natuna 'itagwalena be 'italiyaena tauna 'ida loegesiyao manudi.

1 Yoni 4:9

ga 'ina oboboma 'igieapwesena 'edaya Natuna 'enega, manuna Natuna tebweuna nina 'ietunenama, ga bale'uya 'imai, be 'aene yawasi 'ai'aila 'i'ebwa'eda.

1 Yoni 5:10

'Enega 'eguma tauna taemise, 'atedaya talotoo 'aene tauna Yaubada Natuna. Ta esi 'eguma Yaubada geya'abo taemiemise, gote 'enega ta'awa kabokaboe, manuna 'ina simana Natuna manuna nigeya taemiemise.

1 Yoni 5:20

Ta wate tamwalamwalatoni 'aene Yaubada Natuna ni'atu 'imai 'edaya, ga 'igienuwa sabwalenida 'aene Yaubada Topalupaluna, ta 'enaya tamiyami, manuna 'abo'ada Yaubada Natuna Yesu Keliso ma'eda. Yesu nina Yaubada 'ai'aila, ta yawasida ataya 'alena.

1 Yoni 5:7

Manuna Yesu 'ana tosimanao 'etoi simiyami,

3 Yoni 1:12

Ta Dimitilo sa'i tai bobo'ana. Tomota yauyaudi 'idi simana nadigega, manuna taudi e'ita 'ai'aila 'ana tomuliyao sisimana 'aene Dimitilo tai bobo'ana, ta 'abo'agu wate 'igu simana nadigega, be 'igu simana wamwalamwalatoni 'aene ona'ai'aila.

Yude 1:21

ta wate oboboma Yaubada 'enega wagiyai'i'isi, be wayamwayamwa be to tuta 'ena 'ida 'Inapwana Yesu Keliso 'ina 'atenuwa 'ole'oleyega yawasimi ataya 'ida 'ebwa'emi.

E'ita'ita 1:2

'Enega Yoni yage nidi ni'atu 'i'itedi maibo'adi, ga 'isimana apwesena, nate Yaubada 'ina ona, ta wate Yesu Keliso tetelina.

E'ita'ita 22:1

Ta 'enega anilose nina yawasida bwasina 'ie'itegu, bwasi nina matakadala 'ai'ailina, Yaubada be Lami 'idi 'ebemi esaesa 'enega 'idaudauma,