1 Yoni 4:21 - Loina Tabu Auwauna NT

²¹ Ta 'ada loina Yaubada 'enega be 'aene tauna taobobome, ta wate tasidao taobobomedi.

1 Yoni 4:21 ပူးပေါင်းရင်းမြစ်များ

Madiu 5:43

Gimiloina ni'atu wamwalamwalatoni 'igwae: “Gosemiyao waobobomedi, ta esi 'ami saiyao waetalauwaledi.”

Luke 10:37

Ga tai nina 'igwae, “Tauna 'ana tooboboma nina.” 'Enega Yesu 'igwae, “Nate ona'ai'aila, 'enega 'utauya be nadigega 'uguinuwa'esa.”

Yoni 15:12

“Ta gete 'igu loina 'emiya 'aene wada eoboobobomemi nadigega 'abo'agu yaobobomemi.

Galetia 5:14

Manuna loina maibo'adi 'adi bwagila, loina 'ebweuna gete, 'igwae, “Gosemwao 'uda obobomedi nadigega tauyo 'amu oboboma.”

Galetia 5:6

Ona'ai'aila, Yesu Keliso 'enaya me Yudia 'adi we'iwe'iyaya, nate bwaladi silodaba, nigeya 'igiepaepaluyeda, be wate 'abo lodaba taguitoyase geya'abo 'ada 'awapalupalu talobaloba. Nate namo 'eguma Yesu taemise be taobobome, tauna 'ada togiepalu.

1 Tesalonaika 4:9

Ta gosedao 'adi oboboma manuna geya'abo 'a'eto'etoladiwa, manuna Yaubada tauna ni'atu 'ie'itemi be taumimo wada eoboobobomemi.

1 Pita 3:8

Gete 'igu ona 'ana 'ebe losalowa 'emiya 'aene 'imi nuwenuwega be 'ami lotoonega wada e'ebweu be wada eoboobobomemi, be ma imi nuwamwa'uta wada 'atenuwa 'ole'oleyemi.

1 Pita 4:8

'Enega wada eobooboboma 'ai'aila 'ebweuna 'ebweuna 'emiya, manuna oboboma yage maibo'adi 'isinabwa sinedi. Ta wate oboboma sawesawenaya be to'umalina yaudi 'ikweudi.

1 Yoni 2:7

Gosegwao, geya'abo loina auwauna ya'eto'etoladinawa, ta esi loina kadekadelina nina wagimi nononaya, ga ni'atu wamwalatonina, gete yalolimenawa.

1 Yoni 3:11

Emataluwa sinabwana gete 'agimi eonemi 'aene gosedao maibo'adi tada obobomedi.

1 Yoni 3:14

Ta tamwalamwalatoni 'aene mwawasa 'ina sena ni'atu taebesinena, manuna 'atedega gosedao taoboobobomedi, ga yawasida ataya ni'atu talobena. Ta 'eguma yaisigedi taudi nigeya oboboma 'atediya, taudi tuga ma'etamo mwawasa 'ina sena 'ena simiyami.

1 Yoni 3:18

Natugwao, geya'abo 'ida oboboma ona namo 'enega, ta esi 'ida guinuwega be tada oboboma 'ai'aila.

1 Yoni 3:23

Ta 'ina loina 'eluwa nidi 'aene Natuna Yesu Keliso taemise, be gosedao taobobomedi, nadigega Keliso nina 'ada loina 'i'ebwa'eda.

1 Yoni 4:11

Gote 'ena Yaubada 'ina oboboma 'edaya 'isinabwa wawasae. 'Enega gosegwao, 'ilobweneda be tauda tada eoboobobomeda.