1 Yoni 2:27 - Loina Tabu Auwauna NT

²⁷ Ta mwalatoi nina ni'atu wamwalatonina, manuna Yaubada Yaluyaluwana ni'atu 'i'ebwa'emi, ga ma'emi wamiyami, ta 'ie'itemi. 'Enega nigeya 'ebweu wate tai sawesawenaya be 'ie'itami, ta esi Yaubada 'ina 'ebwaya 'enega mwalatoi yauna wasinapuna, nate mwalatoi 'ai'aila manuna. Yaubada Yaluyaluwana nigeya sawesawenaya be 'ikaboeda. 'Enega 'ina e'itao wamuliyedi, be Keliso ma'emi wamiyami, ta geya'abo wapilipilisine.

1 Yoni 2:27 ပူးပေါင်းရင်းမြစ်များ

Madiu 13:11

'Enega Yesu 'igwae, “'Omi ni'atu Yaubada 'emiya 'itagwala be 'ina loina sola'ai'ailidi 'ana tomwalatoiyao, ta boda getedi nigeya.

Yoni 14:16

ta ma'etamo Tamagu 'ena yada sida be tauna wate 'ami tolema 'ebweu 'ida 'ebwa'emi. Tauna tolema nina Yaluyaluwa 'esasena ta palupaluna, be tauna 'emiya 'ida miyaataya.

Yoni 14:17

Ta me bale'u nigeya sawesawediya be Yaluyaluwa nina 'ena sitatagwala, manuna 'ana 'ita nigeya sida 'itena ta nigeya sida mwalatonina. Ta esi tolema nina wamwalatonina 'aene tuta yauyauna 'atemiya 'imiyami.

Yoni 14:26

be ma'etamo tolema nina, 'agu esanega Yaubada 'ida etunenama, nate Yaluyaluwa Tabuna, tauna yage yauyauna 'ida e'itami, ta wate ona nidi maibo'adi yaonaedi 'ida gienuwa'i'isimi.”

Yoni 16:13

Ta ma'etamo Yaluyaluwa 'esa'esasena 'imamai, tauna 'ida anuganemi yage palupaludi maibo'adi 'ediya. Ta tauna geya'abo 'ina nuwenuwega 'ionaona, ta esi to'ase nadigega 'inonodi 'ida onaedi, ta wate 'ida eonami yage matamiya manudi.

Yoni 4:14

ta 'eguma 'ebweu yaita bwasi nina 'eguyega 'inumai, geya'abo wate tona'ana 'iyapayapasa limana. Manuna bwasi nina tauna yada 'ebwa'e 'atenaya be 'ida ewewelupwa ta yawasina ataya 'enega 'ida loba.”

Yoni 6:45

Ona gete ni'atu lowa palopita si'etoladina Buki Tabu 'ena, sigwae, ‘Tomota yauyaudi Yaubada 'enega 'adi e'ita sida loba,’ be 'enega yaisigedi taudi Tamagu 'ina e'ita sinono be sisinapui, taudi 'eguya simama.

1 Kolinita 2:12

Yaubada yaluyaluwana nigeya me bale'u yaluyaluwadi nadigega, ta esi Yaubada yaluyaluwana nina 'i'ebwa'eda, 'enega tanuwanuwa sabwalena 'ina obobomao 'edaya manudi.

1 Kolinita 2:13

'Enega 'ida ona nai 'ida e'ita nigeya me bale'u 'idi mwalatoi 'enega, ta esi Yaubada yaluyaluwanega, 'enega yaisigedi taudi yaluyaluwa nina 'ediya 'imiyami, sawesawediya be ona nidi sinonodi, ta wate simwalatonidi.

2 Kolinita 1:21

'Ida miya bobo'ana Keliso ma'edai Yaubada 'i'ebwa'eda, 'omi be 'abo'ama, ta 'ida guinuwa 'i'ebwa'eda,

Epeso 4:21

manuna lowa e'ita 'ai'aila Yesu manuna wanonona Keliso nina 'enega.

Kolose 2:6

Ni'atu 'ida 'Inapwana Yesu Keliso 'ena wa'atetagwala, 'enega 'ilobwenemi be tauna 'ina waiwaiyega wada tautauya,

1 Tesalonaika 2:13

Gosemao tuta yauyauna 'alokagutoki Yaubada 'ena, manuna Yaubada 'ina ona ni'atu 'a'ebwa'emi ga 'ena watagwalemi, nigeya 'aene tomota 'idi ona, ta esi Yaubada 'enega. Ona'ai'aila, ona nina Yaubada 'enega, ga waemisena, ta 'ana waiwai ni'atu walotoona.

1 Tesalonaika 4:9

Ta gosedao 'adi oboboma manuna geya'abo 'a'eto'etoladiwa, manuna Yaubada tauna ni'atu 'ie'itemi be taumimo wada eoboobobomemi.

1 Timoti 2:7

'Enega 'igu paisewa 'i'ebwa'egu be tetela gete yasimasimana be yaloguguya be yae'ie'ita taudi nigeya me Yudia 'ediya, be 'aene mwalatoi 'ai'aila Yaubada 'enega sida emise. Gete ona 'ai'aila, ta nigeya kabo.

1 Pita 1:23

'Enega 'omi ni'atu watubuwa limana, nigeya tamamiyao mwawamwawasidi 'ediyega, ta esi Tamami mayawasina ta miyamiya atayana 'ina ona 'enega.

1 Yoni 2:28

'Enega natugwao, 'ilobwenemi be Keliso 'ena wamiya ataya, 'enega 'abo tuta nina 'iapwesama, geya'abo ma imi matauta, nai ma imi omayamaya, ta esi wada gwausowala 'ina mai manuna.

1 Yoni 3:24

'Enega 'eguma 'ina loinao tamulimuliyedi, 'abo'ada 'enaya tamiyami, ta tauna 'edaya 'imiyami. Ta mwa'adega 'ina miya 'edaya tamwalatoi'ese? Manuna Yaluyaluwana 'i'ebwa'eda, ga 'edaya 'imiyami.

2 Yoni 1:2

manuna mwalatoi 'ai'aila 'atedaya 'imiyami be 'edaya 'ida miyaataya.