1 Yoni 1:3 - Loina Tabu Auwauna NT

³ Tauna 'a'itena ta 'anonona ga 'emiya 'asimanena be 'aene 'omi ma'emao taegosigosiyana leleleya, ta wate Tamada be Natuna Yesu Keliso ma'edao taegosigosiyana leleleya.

1 Yoni 1:3 ပူးပေါင်းရင်းမြစ်များ

Yoni 17:11

Ta 'abo'agu ni'atu gete be 'emuya yawawa, ta geya'abo wate bale'uya yamiyami, ta esi taudi gete bada bale'uya simiyami. Tamagu ye, 'oyo to'esasa 'ai'aila. Yasida 'emuya be 'aene 'imu waiwaiyega 'uda 'ita'i'isidi taudi tomotai nidi 'u'ebwa'egu, be 'enega sida eboda 'ebweuna, nadigega tuga 'oyo be 'abo'agu 'ebweuna tuga.

Yoni 17:21

Yasida 'emuya be 'aene maibo'adi sida e'ebweu 'edaya, nadigega 'oyo be 'abo'agu 'ebweuna tuga, be 'enega me bale'u sida emisegu 'aene 'oyo 'uetuneguma.

Yoni 17:25

“Tamagu ye, 'oyo palupaluyo, me bale'u nigeya simwalamwalatoniyo, ta esi 'abo'agu yamwalatonimu. Ta wate tomotai nidi getedi ni'atu simwalatonimu 'aene 'oyo 'uetuneguma.

Yoni 17:3

Ta yawasi ataya gete 'abo tomota simwalatoniyo 'aene 'oyo tuga tebweuyo Yaubada 'ai'aila, be wate 'abo To'etoseyana nigu simwalatonigu 'aene 'oyo 'uetuneguma.

Yoni 19:35

'Abo'agu 'ana tomuliya 'ebweu ga mataguyega ya'itena, 'enega gete manuna yaonaona 'emiya, be ona 'ai'aila nidi getedi wada mwalatonidi be 'enega wada emisa.

Guinuwa 13:32

Ta 'abo'ama wate tetela bobo'ana gete 'a'ebwa'emi, lowa Yaubada 'iona upaupaena tubudao 'ediya,

Guinuwa 13:41

‘'Omi totuyeyao, 'igu guinuwa gete wa'ita be manuna nuwami 'iowana, be muliyega waesilae, manuna 'imi tutaya 'igu guinuwa nina sida simana 'emiya, ta esi nigeya waemiemise.’ ”

Guinuwa 2:42

ga sitagwala 'ai'ailedi tosimanao nidi 'idi e'itao 'ediya, ta siegosigosiyana 'ai'ailedi, ta si'e'ai leleleya, ta wate sisidasida Yaubada 'ena.

Guinuwa 4:20

Ta 'abo'ama sa'i nigeya sawesawemaya be 'ima ona 'ilosa'u yage nidi 'a'itedi ta 'anonodi manudi.”

Loma 15:27

manuna taudimo gete nadigega 'idi nuwanuwa. Ona'ai'aila, 'ilobwenena be me Yelusalema 'adi lema sida loba me Esia 'ediyega, manuna nugana me Yelusalema 'ediyega Keliso tetelina me Esia nidi sinonona, yaluyaluwadi 'adi lema manuna, 'enega taudi sa'i bale'u gwegwenao si'ebwa'ebwaya me Yelusalema 'ediya.

1 Kolinita 1:30

Manuna Yaubada tauna 'ina guinuwega Yesu Keliso ma'eda tae'ebweu, 'enega Yaubada 'ina sinasinapu Yesu nina 'isa'u balenaya 'edaya, manuna Yesu tauna 'italiyaena manuda, ga 'enega 'igie'esaseda, ta 'igiepaepaluyeda.

1 Kolinita 1:9

Ona'ai'aila Yaubada ma 'ana emisa sinabwana, manuna 'ibwauyemi ga natuna, tauna 'ida 'Inapwana Yesu Keliso, ma'emi waegosigosiyana.

1 Kolinita 15:1

Gosegwao, tetela nina ni'atu yasimanena 'emiya, wanuwa'i'isi 'aene lowa 'atemi watagwalena tetela nina 'enaya, ga 'igiepa'alimi be 'enega 'ami 'etoseyana 'ena waloba, 'abo tetela nina wagiyai'i'isi. Ta 'abo nigeya wada giyai'i'isina, 'imi emisao nidi yage besobeso.

2 Kolinita 13:14

'Inapwana Yesu Keliso maibo'ami 'ida 'atenuwa 'ole'oleyemi, ta Yaubada 'ida obobomemi, be Yaluyaluwa Tabuna wate ma'emiya wada egosigosiyana 'ai'aila. 'Abo'agu Paulo.

Epeso 3:6

'aene 'omi nigeya me Yudia sawesawenaya be Yaubada 'ina 'etoseyana walobai, 'abo'ama me Yudia nadigega, ta 'ina 'etoseyana nina lowa 'iona upaupaenaya, ga Yesu Keliso tetelina 'enega talobena, ga taeboda 'ebweu.

Pilipai 1:7

Ona'ai'aila, 'ilobwenena be manumi to'ase yalotolotoona nadigega, manuna 'omi nuwagu wa'ewena, manuna 'omi ma'egwao Yaubada 'ilemelemeda gete tuga deliya yamiyamiya, ta 'ilemelemeda wate tetela bobo'ana 'ana e'ita be 'ana 'ebe ewaiwai 'ediya.

Pilipai 2:1

Mwa'adega, Keliso sawesawenaya 'igie 'atepatuda, nai 'ina oboboma 'igie etapeweda? Mwa'adega, Yaluyaluwa Tabuna sawesawenaya 'iegosigosiyaneda, be 'enega taeoboobobomeda be ta'atenuwa 'ole'oleyeda?

Pilipai 3:10

Nuwanuwagu wate Keliso yada mwalatoni be 'ina toololimana 'ana waiwai yada lotoo, be 'ina 'elouya wate tauna nadigega yada lotoodi, nai 'ina mwawasa yada etotowane,

Kolose 1:13

Ona'ai'aila, sena guguyoi 'enega 'i'etoseyeda, ga 'isa'u gelaseda Natuna bobo'ana 'ina 'ebeloina 'enaya,

1 Tesalonaika 1:10

ta Natuna wayamwayamwa be to tuta galewega 'ida ebusima. Tauna Yesu nina Yaubada mwawasega 'igietoolona be 'i'etoseyeda be 'aene geya'abo bwa'omatana 'ena taapweapwesa.

1 Timoti 6:2

Wate 'ali'eiyao nidi 'eguma 'idi 'inapwanao ma'ediyao si'awatasina Keliso 'ana emisa 'enaya, be 'enega geya'abo 'idi 'inapwanao 'adi 'amayaba silosalosa'u, ta esi sida etapewa waiwai manudi, be 'idi guinuwa bobo'ana 'ida sinabwa, manuna 'idi 'inapwanao nidi taudi Keliso 'ana toemisao, 'enega obobomega 'ediya sida paisewa. E'ita getedi 'uloguloguguyaedi tomota 'ediya.

Ibeliu 2:12

manuna 'ina ona Tamana 'enaya, 'igwae, “'Amu esana yada simane tasigwao 'ediya, be deliegogona solanaya yatupuyo.”

Ibeliu 3:1

Gosegwao, 'omi be 'abo'agu Yaubada 'iesinuweda 'ina sena manuna, 'ilobwenena be Yesu tanuwa'i'isi, manuna tauna 'ida tapwalolo 'ana tosimana be wate 'ida totaliya sinabwana,

Ibeliu 3:14

'Abo'ada lowa 'ida emisa Keliso 'ena tasa'una, ta 'abo 'ida emisa nina tagiyai'i'isi be 'ana laba tuta 'ana 'ebe losalowa 'enaya, Keliso ma'edai taegwausowala leleleya.

1 Pita 5:1

Toekalesiyao 'idi 'inapwanao 'omi, 'aene yada gienuwa'i'isimi 'imi paisewa manuna. Manuna 'abo'agu 'ebweu wate toekalesiyao 'idi 'inapwana, ga 'abo'agu mataguyega Keliso 'ina 'elouya ya'itena, be ma'etamo 'ina esaesa maemaedanina 'ena yada miyami to tuta 'abo 'ina esaesa nina 'igieapwese.

2 Pita 1:16

Lowa 'ida 'Inapwana Yesu Keliso 'ina waiwai be 'ina mai 'asimanedi 'emiya, ta 'ima simana nina nigeya tosinasinapuyao 'idi emwasalao 'ediyega, ta matamega tauna 'ina esaesa 'a'itena.

1 Yoni 1:1

Gimi tutaya ona nina yawasida manuna Tamada ma'iyana simiyami, 'enega 'abo'ama wate tenamega 'anonona, ta wate nimamega tai nina 'agitoona, manuna ni'atu 'iapwesama ta matamega 'a'itena, ga tauna manuna 'asimasimana 'emiya, nate tauna yawasi ataya 'alena, ta lowa tauna Tamana ma'iyana simiyamiya, ni'atu 'iapwesama 'emaya.

1 Yoni 1:5

'Enega tetela gete 'ieonema, ga 'asimanena 'emiya 'aene Yaubada maedana 'alena, ta nigeya wate 'ebweu guguyoi 'enaya 'imiyami.

1 Yoni 1:7

Ta 'eguma sena maedana 'ena tamiyami, nadigega Yaubada nina sena maedana 'ena 'imiyami, nate taegosigosiyana 'ai'aila, manuna Natuna Yesu lalanega 'igie'esaseda 'ida to'umalinao maibo'adi 'ediyega.