1 Yoni 1:10 - Loina Tabu Auwauna NT

¹⁰ Ona'ai'aila, 'eguma tagwae, “Nigeya wate 'ebweu tuta yaloeloegesi,” nate Yaubada ta'awa'awa kabokaboe, manuna 'ina ona nigeya taemiemise.

1 Yoni 1:10 ပူးပေါင်းရင်းမြစ်များ

Yoni 3:33

Ta 'abo yaisigedi 'ina simana nina siemisena, gote 'ena si'awa 'ai'aila 'aene Yaubada tauna topalupaluna.

Kolose 3:16

Wate Keliso 'ina ona bobo'ai'ailidi 'atemiya sida tabwa bobo'ana, be 'enega 'ebweuna 'ebweuna 'enaya wada e'ie'ita be wada loguloguguya mwalatoi 'ai'aila 'enega, be 'imi wali be Same walinao 'ediyega, be edale walinao Yaluyaluwa Tabuna 'enega 'ediyega, ma imi lokagutoki Yaubada 'ena 'atemiya.

1 Yoni 1:8

Ona'ai'aila, maibo'ada toto'umalida tuga, ta geya'abo takabokaboeda, be tagwae, “'Abo'agu bobo'agu, ta nigeya 'igu to'umalinamo.”

1 Yoni 2:14

'Ena'iyao ye, ona gete ya'etoladinawa manuna 'omi tauna lowaenei ga batuwa 'imiyami ni'atu wamwalamwalatoni. Tubuwauyao ye, ona gete ya'etoladinawa, manuna 'omi toewaiwai sami ga Yaubada 'ina ona 'imiyami 'emiya, 'enega tauna toto'umalina sana ni'atu waewaiwai sinena.

1 Yoni 2:4

'Enega 'eguma yaita 'ionaona be 'igwae, “'Abo'agu Yaubada gosiyagu,” ta Yaubada 'ina loinao nigeya 'ida ematamatanedi, nate 'ikabokabo, manuna 'eda palupaluna 'ipilisinena.

1 Yoni 4:4

Natugwao, 'omi Yaubada 'enega watubuwama, 'enega mali yaluyaluwa nidi ni'atu waewaiwai sinedi, manuna Yaluyaluwa nina 'edaya 'imiyami Toewaiwai sana, ta yaluyaluwa nina me bale'u 'ediya 'imiyami 'ina waiwai nigeya sinabwana.

1 Yoni 5:10

'Enega 'eguma tauna taemise, 'atedaya talotoo 'aene tauna Yaubada Natuna. Ta esi 'eguma Yaubada geya'abo taemiemise, gote 'enega ta'awa kabokaboe, manuna 'ina simana Natuna manuna nigeya taemiemise.

2 Yoni 1:2

manuna mwalatoi 'ai'aila 'atedaya 'imiyami be 'edaya 'ida miyaataya.