1 Timoti 6:20 - Loina Tabu Auwauna NT

²⁰ Timoti ye, yage nidi Yaubada 'i'ebwa'emuya 'u'ita'i'ita 'ai'ailidi, ta sinasinapu kabokabo be egewagewana besobeso geya'abo 'umulimuliyedi.

1 Timoti 6:20 ပူးပေါင်းရင်းမြစ်များ

Guinuwa 16:1

Ga 'idi sakowasi 'enaya sitauya Debi be Lisitila 'ediya, ga Lisitila 'ena Yesu 'ana tomuliya 'ebweu silobena, 'ana esana Timoti, tauna sinana waine Yudia ta Yesu 'ana toemisa, ta tamana sa'i goma Gilisi.

Guinuwa 17:18

Ta 'aidi tosinasinapuyao wate, taudi sieesedi Epikulo, be 'aidi Sitoike wate, Paulo ma'enao sieonaona, ga 'aidi taudimo 'ediya siemwaemwasala, sigwae, “Na! Kabaleya nina to'ase 'ioneone?” Ta 'aidi sigwae, “Nai mali yaubadao manudi 'iloguloguguya.” Manuna sinononaya Yesu 'ina toololimana mwawasega manuna 'iloguloguguya.

Guinuwa 17:21

Ta me Ateni be 'owagao maibo'adi 'idi nuwanuwa mwalatoi auwaudi 'adi e'ita be 'adi enono namo tuga manudi.

Loma 1:22

Ga taudimo si'awa sinasinapuyedi, ta esi uwauwadi.

Loma 3:2

Ona'ai'aila, yage bobo'adi yaudi 'edaya simiyami. Ta yage nugana nate Yaubada 'ina ona 'edaya 'isa'una.

1 Kolinita 2:6

Mwalatoi 'ai'aila Yaubada 'enega yasimasimana toemisa pa'alidi 'ediya, ta sa'i bale'u gete 'ana mwalatoi nai toloinao gete tuga 'idi mwalatoi sawasawalidi tuga,

1 Kolinita 3:19

Manuna sinasinapu gete bale'u 'enega 'atuwa euwauwa Yaubada matanaya. Manuna Buki Tabu 'ena 'ina simana gete nadigega 'igwae, “Yaubada tosinasinapuyao 'i'onedi, be siesilae taudi 'idi gomanega.”

Kolose 2:18

'Enega geya'abo 'ebweu yaita 'ida 'awa'awa to'umaliyemi manuna 'omi nigeya watapwatapwalolo ma imi nuwamwa'uta aniloseyao 'ediya, manuna tomota nidi 'idi mwalatoi madawalega manudi sigagasa, ta sinuwatu'e bubuna bale'u 'ediyega,

Kolose 2:8

Geya'abo 'ebweu yaita 'ikabokaboemi tomota 'idi sinasinapu 'enega, manuna mwalatoi nidi yage besobeso bale'uyega, ta nigeya Keliso 'enega.

2 Tesalonaika 1:4

'Enega toekalesiyao sena yaudi matadiya 'atuputupumi, 'agwae, “Taudi me Tesalonaika e'alama'i'ita 'aledi. 'Anabwa'ayoi 'adi talauwalao mwau sinabwana si'ebwa'edi, ta tuwa tuga ma idi 'alama'i'ita be ma idi emisa Yaubada 'enaya.”

2 Tesalonaika 2:15

Gosemao, wada toolopa'ala, be 'ami e'itao nidi 'ima onega, ta wate 'ima leta 'ediyega, wada giyai'i'isidi.

1 Timoti 1:11

Ta e'ita palupaluna nina Yaubada 'enega, tauna maedana be gwausowala 'aledi, ga 'igu paisewa 'i'ebwa'eguya be tetelina yaloguguyae tomota 'ediya.

1 Timoti 1:2

'Oyo lowa Keliso 'uemisena 'enega ya'awa natuna 'ai'ailemu. Tamada Yaubada be 'ida 'Inapwana Yesu Keliso sida obobomeyo, be wate sida 'atenuwa 'ole'oleyeyo, be 'enega ma imu gwausowala 'uda miya bobo'ana.

1 Timoti 1:4

ta wate geya'abo siemwaemwasala be si'ina'inana gimi 'epata tomota 'adi esanao, 'abona nai egewagewana 'emiya 'iapwesa, manuna memebala nidi tomota 'idi emisa Yaubada 'ena geya'abo silemelemedi.”

1 Timoti 1:6

'Aina tomota emisa gete siguitoyasena, ga ona besobesoega ni'atu sikwani.

1 Timoti 1:9

Manuna loina nidi Yaubada nigeya 'isa'usa'udi topalupaludi manudi, ta esi tole'oa loina be tooopa'ala manudi, taudi nigeya Yaubada sida 'amayabena, be toto'umalidi, baibailidi, to'awasewa, taudi sinadiyao be tamadiyao be mali tomota 'adi toloemwawasao,

1 Timoti 4:7

Ta emwasala besobeso yaudi nigeya Yaubada 'enega, 'enega geya'abo 'unoonodi, ta esi 'utoo waiwai be tuta maibo'ana 'uda bubuna bobo'ana Yaubada matanaya.

1 Timoti 6:11

Timoti ye, 'oyo Yaubada 'ina toguinuwa, 'enega gete bubuna nina 'enega 'u'ita'i'isiyo, ta bubuna palupaluna 'umuliye, yage nidi nadigega 'eda'eda bobo'ana be emisa be oboboma be 'alama'i'ita be bubuna oo nuwana,

1 Timoti 6:14

Ta 'igu loina nina 'aene emataluwa getedi 'umuliya 'ai'ailidi, ta geya'abo 'ebweu 'ena 'uneeneta, be 'ana laba 'ida 'Inapwana Yesu Keliso 'iila limanama.

2 Timoti 2:1

Natugu Timoti, Yesu Keliso 'ina waiwaiyega 'uewaiwai

2 Timoti 2:16

Ta toona besobeso bodadi geya'abo 'ediya 'ulugulugu, manuna ona nidi egewagewana 'idi 'ebe apwesa,

Taito 1:14

Ta 'u'etobodedi be geya'abo me Yudia 'idi emwasalao sinoonodi, ta wate e'ita 'ai'aila 'ana tologuitoyasao geya'abo simulimuliyedi.

Taito 1:4

Taito 'oyo ya'awanatu 'ai'ailemu 'ida emisa 'ebweuna 'enega. Tamada Yaubada be 'ada To'etoseyana Yesu Keliso 'idi obobomega sida lemeyo, be 'uda miya guguya.

Taito 1:9

Ta wate e'ita 'ai'aila nidi ni'atu sinonodi sida emisedi, be sida giyai'i'isidi, be 'enega mali tomota 'ediya sida e'ita, ta 'abo yaisigedi si'awa kabokabo sida giepaludi.

Taito 3:9

Ta egewagewana besobeso loina manudi, nai gimi'epatao 'adi esanao manudi, gete nigeya sida lemeda, 'enega 'upilisinedi.

E'ita'ita 3:3

Ta lowa e'ita nina sie'itemiya ga wanononaya, 'enega wada nuwa'i'isi be wasanaila, ta wamuliya 'ai'aila. Ta 'abo nigeya 'eno'enoega watootoolo, 'etamo 'emiya yawawai be yaloesalutuimi nadigega to'ipwala, ta nigeya wamwalamwalatoni to tuta 'ena yawawa.