1 Timoti 6:16 - Loina Tabu Auwauna NT

¹⁶ Yaubada namo miyamiya atayana, ta nigeya 'ebweu wate yaita nadigega. Ta 'ina sena nigeya sawesawenaya ta'ita, manuna maedana wawasae, be nigeya sawesawenaya Yaubada nina ta'ita, ta 'ina esaesa be 'ina waiwai geya'abo sigumwagumwala. Eimeni.

1 Timoti 6:16 ပူးပေါင်းရင်းမြစ်များ

Yoni 1:18

Nigeya 'ebweu tuta Yaubada 'ana 'ita tomota sida 'itena, nate namo natu'ai'ailina selabenaya 'imiyami, 'enega tauna Tamana 'ana 'ita nina ni'atu 'ie'iteda.

Yoni 14:9

'Enega Yesu Pilipi 'ena 'igwae, “Ni'atu tuta dudulana 'abo'agu ma'emi tamiyami, ta tuga nigeya 'umwalamwalatonigu. Ta yaisigedi 'omi ni'atu wa'iteguya, 'omi wate Tamagu ni'atu wa'itena ga wamwalatonina. 'Enega to'ase manuna 'ugwae 'aene ‘Tamamuna 'uda e'itama’?

Yoni 6:46

Ta 'omi nigeya 'ebweu yaita 'emiyega Tamadai 'i'ita'ita, nate namo tebweugu, manuna 'abo'agu 'enega yamai.

Yoni 8:58

Ga gote 'inapwanao nidi 'ieonedi, 'igwae, “Yaona 'ai'aila 'emiya, 'aene muliyega be Ebelaamo 'itutubuwa ta 'abo'agu tuga yamiyami.”

Epeso 3:21

'Enega toekalesiyao maibo'ada Yesu Keliso 'ana esanega tada tupu atae, 'epata be 'epata 'ediya. Eimeni.

Pilipai 4:20

'Enega 'ida Yaubada Tamadai nina tada tupu ataya be ataya.

Kolose 1:15

'Abo'ada nigeya sawesawenaya Yaubada ta'ita, ta esi 'ana 'ita tuga Natunana nadigega, ta Yaubada 'ina mweluluwa maibo'adi Natunana 'iloetana sinedi,

1 Timoti 1:17

'Enega Yaubada tada 'amayabe be tada tupu atae, manuna taunamo Yaubada 'ai'aila, nigeya sawesawenaya be maninina ta'ita, nai 'imwamwawasa, ta 'ina loina 'edaya geya'abo 'igumwagumwala. Eimeni.

Ibeliu 13:8

Yesu Keliso 'ina bubuna 'enega lowaenei ga batuwa be tuta 'imeemai 'ediya nigeya 'ida giedumedumena.

Yemesa 1:17

Ta wada nuwa'i'isi 'aene 'ebwayadaita bobo'adi be wate oboboma bobo'adi maibo'adi galewega simai Yaubada 'enega, tauna tuga maedanao 'adi tomweluluwa, ta wate nigeya sa'i 'ida esa'ugelasa, nadigega yauyaukwa sisa'usa'u gelasa.

1 Yoni 1:5

'Enega tetela gete 'ieonema, ga 'asimanena 'emiya 'aene Yaubada maedana 'alena, ta nigeya wate 'ebweu guguyoi 'enaya 'imiyami.

1 Yoni 1:7

Ta 'eguma sena maedana 'ena tamiyami, nadigega Yaubada nina sena maedana 'ena 'imiyami, nate taegosigosiyana 'ai'aila, manuna Natuna Yesu lalanega 'igie'esaseda 'ida to'umalinao maibo'adi 'ediyega.

1 Yoni 4:12

Nigeya 'ebweu tuta me bale'u Yaubada sida 'itena, ta 'abo'ada esi 'ida eoboobobomega tauda 'ebweuna 'ebweuna 'enaya nate 'enega Yaubada nina ma'edai, ta wate 'ina oboboma 'ai'aila 'atedaya 'imiyami.

Yude 1:25

Yaubada namo 'ada To'etoseyana, nate 'ida 'Inapwana Yesu Keliso 'ina guinuwa 'enega, 'enega tada tupuna 'ina loina palupaluna ta waiwaina lowaenei ga batuwa be tuta simeemai 'ediya. Eimeni. 'Abo'agu Yude.

E'ita'ita 1:6

'Enega 'iegogoneda be 'aene 'abo'ada 'ina toloinao be 'ina totaliyao Tamana Yaubada 'enaya. Tauna Yesu nina 'ina esaesa be 'ina waiwai miyamiya atayadi. Eimeni.

E'ita'ita 1:8

'Ida 'Inapwana 'igwae, “'Abo'agu 'ebe e'ale be 'ebe losalowa.” Tauna Yaubada nina Toewaiwai sana, ta lowaenei ga batuwa ta tuta simeemai 'ediya 'imiyami.

E'ita'ita 21:3

Ga 'ebemi esaesa 'enega 'enana sinabwana yanonona, 'igwae, “'U'ita, Yaubada be 'ina tomota ma'enao sida miyami, manuna tauna ma'edi, be taudi 'ina tomotaiyao. Ona'ai'aila Yaubada ma'edi,

E'ita'ita 22:5

Geya'abo wate boiboi, ta geya nuwadi sinala be mayale maedanidi, manuna 'Inapwana Yaubada tauna tuga 'idi maedana nina, ta sida loina ataya.

E'ita'ita 4:11

“'Oyo 'ima 'Inapwana ta 'ima Yaubada, 'ilobwenema be 'atupuyo ta 'a'amayabeyo, manuna 'oyo 'imu waiwaiyega yage yauyauna 'umweluluidi. Tauyo 'imu nuwenuwega 'umweluluidi, ga batuwa mayawasidi.”

E'ita'ita 7:12

sigwaegwae, “Ona'ai'aila, 'ida Yaubada nina 'ena tada lotuputupu, be 'awa esaesa be mwalatoi be lokagutoki be 'amayaba be waiwai sida miyaataya 'enaya.”