1 Tesalonaika 2:2 - Loina Tabu Auwauna NT

² Wanuwa'i'isi wate 'aene me Pilipai lowa sibubuna geyogeyoiyema ga sigie omayamayaema, ta tuwa tuga Yaubada 'igie 'atepatuma ga tetelina bobo'ana 'asimanena 'emiya 'anabwa'ayoi tomota sietalauwalema, ta 'aloguguya 'emiya,

1 Tesalonaika 2:2 ပူးပေါင်းရင်းမြစ်များ

Guinuwa 14:3

Ta tuwa tuga, tuta dudulana Paulo be Banaba simiyana sena nina 'ena, ta ma idi 'atepatu siloguloguguya 'Inapwana manuna. Ga 'Inapwana nina 'ina waiwaiyega guinuwa 'ebe nuwaowana be edeedede siguinuwedi, ga 'ediyega 'Inapwana nina 'ina oboboma tetelina 'ana 'ai'aila tauna 'ie'itaena tomota 'ediya.

Guinuwa 14:5

'Enega taudi nigeya me Yudia, be me Yudia wate, be 'idi 'inapwanao ma'ediyao siloina leleleya be Paulo ta Banaba sida gie'elouyaedi, nai gulewega sida loemwawasidi.

Guinuwa 16:12

ga Niapoli 'enega 'atauya Pilipai, tauna 'asa sinabwana sena Masidonia solanaya, ta 'asa nina solanaya me Loma toesugalagala yaudi simiyami, ga gote 'ena 'amiya ila 'aina 'asiyata.

Guinuwa 16:19

Ta gomagweine 'ina 'inapwanao sigamwasowalema, manuna 'idi mani sinabwana 'ana 'ebe loba tauna gomagweine nina, ta ni'atu Paulo 'igiebobo'anena. 'Enega Paulo be Sailasa sigiyaidi ga silisi dadanedi, ga sitauyedi 'ebe egimwane 'ena, ta si'au'ewedi toloinao 'ediya sabi etalaedi,

Guinuwa 16:37

Ta Paulo 'iguitoyasa, 'igwae, “Geya'abo 'atautauya. Manuna nigeya 'ebweu 'ima loegesi etala 'enega silobaloba, ta bodao matadiya siunu dadanema, ga deliya sisa'u luguyema, ta 'abo'ama sa'i lowa 'aeLoma. To'ase manuna 'aene sida li'amima be sigieapwesema kwaiyega? Ta 'ilobwenedi esi taudi tuga sida mai be si'au'ewa apwesema.”

Guinuwa 17:1

'Enega Amipipoli be Apolonia 'ediyega sitauya ga Tesalonaika 'ena siapwesa, ta Tesalonaika 'ena me Yudia 'idi anuwa tapwalolo 'imiyami.

Guinuwa 17:17

'Enega ma'ediya siegewagewana, nuwanuwa gete manuna, me Yudia ta 'aidi Yaubada 'ana toemisao wate ma'ediya sionaona, me Yudia 'idi anuwa tapwalolo 'ena, ta wate toni'asa, 'eguma 'ialobadi 'ebe gimwane 'ena, ma'ediya sionaona 'asiyata 'ebweuna 'ebweuna 'ediya.

Guinuwa 19:8

Ga nawalae 'etoi 'ediya me Yudia 'idi anuwa tapwalolo solanaya Paulo nina 'ilugulugu, ta Yaubada 'ina etoloina manuna ma ina 'atepatu 'ionaona, ta 'iegewagewana ta 'i'i'i'imidi.

Guinuwa 4:13

Ga toloinao nidi si'itena Pita be Yoni 'idi 'atepatu, ta simwalatonina 'aene taudi tuga tomiya 'asa, ta 'ebe sikulu sinabwana 'ediya nigeya silugulugu, 'enega sinuwaowana ta sinuwa'i'isina 'aene lowa Yesu ma'ediya simiyami.

Guinuwa 4:20

Ta 'abo'ama sa'i nigeya sawesawemaya be 'ima ona 'ilosa'u yage nidi 'a'itedi ta 'anonodi manudi.”

Guinuwa 4:31

'Idi sidasida gete silosalonina, ga anuwa nina 'ena simiyamiya 'iloniu, ga maibo'adi Yaluyaluwa Tabuna 'ina waiwaiyega si'atepatu, ga Yaubada 'ina ona siona apwesena.

Guinuwa 5:41

Ta sili'amidi ga siapwesa, ga sitauya taudi 'idi boda 'ediya ma idi gwausowala, manuna sawesawediya be 'elouya nidi silobadi Yesu 'ana esana manuna.

Loma 1:1

'Abo'agu, Yesu Keliso manuna yaetopaisewa, ta Yaubada 'iesinuwegu be 'ina tetela bobo'ana manuna yada etosimana.

2 Kolinita 3:12

Tanuwayaina 'aene loina auwauna 'enega tada bobo'ana ataya, ga manuna ta'atepatu,

Kolose 2:1

Nuwanuwagu be wada nuwasabwalena 'aene 'abo'agu yaetaetapewa sinabwana 'omi manumi, be me Laodisia manudi, be wate taudi 'etamo maninigu nigeya si'ita'ita manudi,

1 Tesalonaika 1:5

'enega tuta nina tetela bobo'ana 'a'ebwa'emi, Yaluyaluwa Tabuna ona nina 'igiewaiwaiyena 'emiya, 'enega ona nina wa'awa 'ai'ailena, ta 'abo'ama wate 'ima guinuwa manumi wa'itena, nate guinuwa palupaluna.

2 Timoti 1:12

Gete manuna 'igu miyamwau yalobena, ta geya'abo manuna yaomayamaya, manuna 'Inapwana nina yaemisena tauna yamwalamwalatoni, ta wate yamwalatonina 'aene guinuwa 'i'ebwa'eguya 'ida 'ita'i'isi be 'ana laba 'asiyata nina sinabwana 'imeemai 'ena.

Yude 1:3

Gosegwao, nuwanuwagu be 'ada 'etoseyana manuna yada 'etoladiwa, ta sa'i nigeya sawesawenaya, manuna 'ebweu mwau ni'atu 'emiya 'iapwesa, 'enega 'ilobwenena be leta gete 'enega yada guguyami be 'aene geya'abo 'ida tapwalolo palupaluna waguiguitoyase, ta esi wada etapewa manuna. Manuna 'ida tapwalolo nina ni'atu 'abo'ada Yaubada 'ana toemisao 'i'ebwa'eda.