1 Kolinita 9:5 - Loina Tabu Auwauna NT

⁵ Ta wate taudi tosimanao nidi be 'ida 'Inapwana Yesu tasinao be Pita wate, 'idi sakowasi 'ediya mwanediyao si'au'ewedi ta wa'ita'i'isidi, 'enega 'abo'agu wate 'abo yada ai be mamwanegu 'ada sakosakowasi, 'ilobwenena be ma'iyagu wada 'ita'i'isima.

1 Kolinita 9:5 ပူးပေါင်းရင်းမြစ်များ

Madiu 13:55

Ta wate sigwae, “Nai tai gete to'abi'abi tuga natuna? Ta sinana Meli, ta tasinao Yemesa be Yosepa be Saimoni be Yudasa,

Madiu 8:14

'Enega Yesu Pita 'ina anuwaya 'ilugu, ga Pita lawana 'i'itena 'ile'oasa, bwalana 'iyaiyai,

Maki 1:30

Ga Saimoni lawana ooyaiyaiyega 'ile'oasa, 'enega Yesu siemataluwena tole'oasa nina manuna.

Maki 6:3

Ta wate sigwae, “Tai gete to'abi'abi tuga aga? Ta sinana Meli, be tasinao Yemesa be Yosese be Yudasa be Saimoni be wate nuunao ma'edao tamiyami, aga?” 'Enega tomota Yesu siguitoyasena.

Luke 6:15

Madiu be, Tomasi be mali Yemesa tauna Alipio natuna, ta wate mali Saimoni, tauna togewana 'ebeloina manuna,

Luke 8:20

Ta ona namo sietunena, sigwae, “'Inapwana, sinayo be tasimwao wa'ita apwesa 'atamanaya sitootoolo, ta nuwanuwadi 'oyo.”

Yoni 1:42

Ga Saimoni 'i'au'ewena ga Yesu 'ena 'ime'ena. Gote 'ena Yesu Saimoni 'i'itena ga 'ieonena, 'igwae, “'Oyo 'amu esana Saimoni, Yoni natuna, ta 'amu esana auwauna yada bwauye Pita, 'ana gibui Gulewa.”

Yoni 2:12

Ga sagali mulinaya, Yesu sinana be tasinao ta wate 'ina tononoyao ma'enao simwa'uta Kapaneumi, ga gote 'ena 'aina 'asiyata 'ediya simiyami.

Guinuwa 1:14

Maibo'adi getedi 'idi 'atetagwalega sisidasida Yaubada 'ena, iine ma'ediyao, be Meli, tauna Yesu sinana, be Yesu tasinao wate ma'ediyao.

Loma 16:1

Yada emataluwemi nuudai Pibe manuna, tauna 'asa Kenikilia 'idi ekalesiya 'enaya 'ilemelemedi,

1 Kolinita 1:12

Manuna 'aimi wagwae, “'Abo'ama Paulo 'ina boda,” ta 'aimi wagwae, “'Abo'ama Apolosa 'ina boda,” ta 'aimi wagwae, “'Abo'ama Pita 'ina boda,” ta 'aimi wagwae, “'Abo'ama Keliso 'ina boda.”

1 Kolinita 7:15

Ta 'abo yaita 'oyo mwaneyo nigeya Yaubada 'ena 'iemiemisa ta nuwanuwana be 'isa'ileyo, 'uda gisine ta geya'abo 'uegagale. Manuna Yaubada nuwanuwana be wamiya siwalowa, ta geya nuwana egewagewana.

1 Kolinita 7:39

Ta 'abo yaita waine aiai nina ni'atu mwanena ma'iyana sie'ebweu ta 'abo tai 'imwawasa, waine nina sawesawenaya be 'iai limana. Nate namo 'ilobwenena be Yaubada 'ina tai 'ebweuna ma'iyana siai.

1 Kolinita 7:7

manuna nuwanuwagu be 'aene geya'abo waaiai, nadigega 'abo'agu nigeya yaaiai, ta sa'i maibo'ada 'ida miya dumadumadi Yaubada ni'atu 'i'ebwa'eda, be 'aima 'amiyamiya weweloe ta ma ima gwausowala, ta 'aimi waaai.

1 Kolinita 7:8

'Enega 'omi weweloemi be kwabulao 'ami emataluwa gete, 'abo nigeya waaiai, nai bobo'ana be nadigega tuga wada miyami, 'abo'agu nadigega.

Galetia 1:19

Ta Keliso 'ana tosimanao yaudi nigeya yada 'itedi. Nate namo Yemesa, tauna 'ida 'Inapwana nina tasina.

1 Timoti 3:2

ta 'ana loina gete nadigega: 'ina bubuna bobo'ana, mwanena 'ebweuna namo, nigeya bwasi waiwai 'ida numanuma diidiga, ma ina sinasinapu ta ma 'ana 'amayaba, be 'owagao 'adi to'ita'i'ita, be tauna toe'ita bobo'ana,

1 Timoti 4:3

'Idi kabo nidi 'aina gete, 'aene ai yage to'umalina, ta wate 'aina masula 'adi 'ai si'etobodedi. Ta 'omi Keliso 'ana toemisao e'ita 'ai'aila wamwalamwalatoni 'aene Yaubada masula maibo'ana 'ibubudi 'e'ai manuna, be 'aene ma ida gwausowala tada 'enidi.

1 Timoti 5:2

ta iine sinabwadi 'ediya 'uda bubuna nadigega 'atuwa sinamwao, ta gomagweine 'ediya ma imu nuwanuwa be bubuna 'esasena 'ediyega 'uda 'awanuunedi.

Taito 1:6

Ta 'igu loina gete toanuganao 'adi esinuwa manuna, nate 'abo tai 'ina bubuna bobo'ana, ta mwanena 'ebweuna namo, ta natudiyao nigeya tolo'aegila, nigeya toto'umalidi, nigeya tologwautoyasa, ta esi taudi ma idi emisa Yaubada 'enaya.

Ibeliu 13:4

Maibo'ami ai 'ana loina wada 'amayabe be geya'abo waloeloelata, manuna toloelatao be toloyaweyao 'etamo Yaubada 'iliunedi.