1 Kolinita 7:23 - Loina Tabu Auwauna NT

²³ Manuna Keliso nina 'iemaisida ga 'abo'ada 'ina bodao. 'Enega geya'abo watagwatagwalemi mali taubadao 'ediya.

1 Kolinita 7:23 ပူးပေါင်းရင်းမြစ်များ

Madiu 6:24

Toguinuwa nigeya sawesawenaya be 'ietopaisewa 'ena'iyao 'eluwa 'ediya, ta 'ebweuna 'ida guitoyasei ta esi 'ebweuna namo manuna 'ida paisewa, be 'enega 'ebweuna 'i'awabobo'ane ta 'ebweuna 'i'awato'umaliye. 'Enega nigeya sawesawenaya be Yaubada 'ina guinuwa be esaesa bale'u tagiluwedi.

Guinuwa 20:28

“'Enega toanuganao 'omi, taumimo wa'ita'i'isimi be 'imi sipiyao wate wa'ita'i'isidi, manuna Yaluyaluwa Tabuna 'imi paisewa nina 'i'ebwa'emi be toekalesiyao nidi walomata'i'isidi, manuna 'ida 'Inapwana Yesu tomotai nidi tauna lalanega 'igimwanedi.

1 Kolinita 6:20

Manuna ni'atu 'iemaisida, 'enega 'ilobweneda be ooda 'ediyega 'ana esana tada giesinabwa.

Galetia 2:4

Ta 'aidi wate gosedao kabokabodi ni'atu 'emaya siluguma, nuwanuwadi be 'ida miya bobo'ana Yesu Keliso 'i'ebwa'eda sida 'ita, ta taudi nigeya toemisa 'ai'aila, manuna nuwanuwadi be loina mwauna si'ebwa'ema.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.

1 Pita 3:18

Ona'ai'aila, Keliso ma'ebweuna 'imwawasa 'ida to'umalinao manudi, ta tauna tai bobo'ana, ta 'abo'ada toto'umalida ga manuda 'imwawasa, be gote 'enega 'ida 'au'ewada Yaubada 'ena. Ta Keliso oona namo siloemwawasina, ta yaluyaluwana nigeya.

E'ita'ita 5:9

Ga wali auwauna siwaliyena, sigwae: “Ona 'ai'aila, 'oyo sawesawemuya be buki nate 'u'ewa, ta wate sawesawemuya 'ana losipwa 'uli'ami, manuna ni'atu siloemwawasimu, ga lalamuyega tomota 'usa'ugagidi Yaubada manuna, ta taudi bodao be 'enanao be susuyao be 'ebeloinao maibo'adi 'ediyega.