1 Kolinita 4:14 - Loina Tabu Auwauna NT

¹⁴ Ona gete ya'etoladinawa nigeya sabi gieomayamayaemi, ta esiya sabi giepaepalumi 'atuwa natu'ai'ailigwao 'omi.

1 Kolinita 4:14 ပူးပေါင်းရင်းမြစ်များ

Guinuwa 20:31

'Enega walomata'i'ita be wate 'igu loguguya wanuwa'i'isi, 'aene yakwala 'etoi soladiya nigeya yada eyawai'ata, 'asiyata be boiboi 'ediya, ta esi ma mataselugu yaloguloguguya 'ebweuna 'ebweuna 'enaya.

1 Kolinita 15:34

Nai 'aimi Yaubada waemwagemwageyena. Gete 'ebe omayamaya 'emiya, 'enega 'ilobwenemi be wada sinasinapu, be 'enega 'imi bubuna to'umalina wada losa'udi.

1 Kolinita 4:15

Ona'ai'aila 'ami toe'itao yau wawasae, Keliso 'ina 'eda'eda manuna, ta tebweugumo tuga tamami, manuna tetela bobo'ana 'ana loguguya 'enega yame'emi Yesu Keliso 'enaya.

1 Kolinita 4:17

'Enega natugu Timoti yaetunenawa be 'igu emisa Keliso 'ena manuna 'ida simana 'emiya, nadigega toekalesiyao yae'itedi 'asa maibo'adi 'ediya, be 'enega geya'abo wanuwanuwa pupule. Timoti nina yaobobomena ta yaemisena, manuna 'Inapwana 'ina guinuwa 'enaya 'ietapewa wawasae, ga gete tuga 'iweewai 'emiya.

1 Kolinita 6:5

Nate yage 'ebe omayamaya. 'Enega 'abo yaita 'emiyega nuwanuwana be gosiyana ma'iyana sietala, 'ilobwenedi be 'ebweu tomwalatoi boda ekalesiya 'enega si'ebesa, be tauna etala nina manuna 'ida loina.

1 Kolinita 9:15

Ta esi nigeya yaeonami be wae'enigu, ta wate geya'abo 'imi leta gete ya'eto'etoladi be 'aene wae'enigu. Geya'abo yaonaona masula manuna. 'Abo botanega yamwamwawasa, gete bobo'ana, manuna geya nuwagu be 'ami masula ya'ewadi.

2 Kolinita 11:11

Ta to'ase 'alena? Nai 'igu ona gete manuna ga yaguitoyasemi? Nigeya sa'i! Yaubada 'imwalatoi 'ai'ailigu yaobobomemi.

2 Kolinita 12:19

Gosegwao geya'abo wanuwanuwa 'aene 'igu ona getedi 'ediyega ya'awa bobo'anegu matamiya. Nigeya, ta esi maibo'ana Yaubada matanaya Keliso 'ina ona yaonaonaenawa sabi giewaiwaiyemi.

2 Kolinita 7:3

'Igu ona gete nigeya sabi 'enapa'alimi, manuna ni'atu nuwama wa'ewena, nadigega lowa yaeonemi be 'aene 'omi ma'egwao tada miya mwawamwawasa.

Kolose 1:28

Tauna Keliso nina 'asimasimane, ta 'ima mwalatoi 'ai'ailega 'aloguguya ta 'ae'ie'ita tomota maibo'ami 'emiya, be 'aene Keliso 'ana toemisao 'omi 'ada gieapwesemi ma imi bubuna maibo'ana bobo'ana, ta matuwana.

1 Tesalonaika 2:11

Manuna maibo'ami 'a'ita'i'isimi, 'atuwa nadigega tai natunao 'i'ita'i'ita 'esedi,

1 Tesalonaika 5:14

Ta gosemao, 'ilobwenemi wate be tologwautoyasao waloguguyadi, be to'atesa'ala wagie 'atepatudi, be toneneta walemedi, ta yage nidi getedi e'alama'i'itega wada guinuwedi.

2 Tesalonaika 3:14

'Eguma yaita e'ita nidi 'imi leta gete solanaya 'isinalidi, geya'abo tai nina wa'ita'ita nao, be 'enega 'ina guinuwa nina manuna 'ida omayamaya,

Pilimoni 1:10

'Enega yasideyo natugu Onesimo manuna, tauna 'ima miya deli 'enaya ya'awa natunena 'ina emisa Keliso 'enaya manuna.

1 Yoni 2:1

Ye natugwao, 'imi leta gete ya'etoladinawa be 'enega geya'abo waguiguinuwa gesi. Ta 'eguma taloegesi, Yesu Keliso tauna topalupaluna 'isisida manuda, Tamana 'enaya,

3 Yoni 1:4

Gete 'igu 'ebe gwausowala sinabwana, 'abo natugwao yanonodi 'aene 'eda palupaluna 'enega sitautauya.