1 Kolinita 16:9 - Loina Tabu Auwauna NT

⁹ Manuna 'asa gete 'enaya sawesawenaya be Yesu 'ina paisewa sinabwana yada guinuwe, 'anabwa'ayoi 'agu talauwalao yaudi simiyami.

1 Kolinita 16:9 ပူးပေါင်းရင်းမြစ်များ

Guinuwa 14:27

'Enega tuta nina Anitioki 'ena siluguya, toekalesiyao sibwau egogonedima, ga yage yauyauna Yaubada 'iguinuwenaya manudi, 'idi sakowasi nina solanaya siemwasalidi, nate emisa 'ana 'awa 'igigegena taudi nigeya me Yudia manudi, be taudi wate sida lugu.

1 Kolinita 15:32

Ta wate lowa Epeso 'enaya tomota gamwagamwasowalidi bomitawa 'atuwa silosaiyegu, ta esi losaiya nina nigeya 'ana bobo'anamo 'eguya 'abo nigeya mwawasega yatootoolo limana. 'Enega 'aina tomota sigwae 'aene 'ilobweneda be tuta gete bale'uya tada egwausowala 'ida 'e'ai be 'ida numa 'ediyega, manuna 'iabe mwawasa 'ana tutaya geya'abo 'ebweu wate to'ase talobaloba.

2 Kolinita 1:6

Ta 'eguma 'abo'ama 'elouya 'aloba, nate 'omi 'ami gie'atepatu be 'ami 'etoseyana manudi. Ta wate 'eguma 'ama 'ebe gie'atepatu 'aloba, nate 'omi 'imi 'atepatu manuna, 'eguma 'imi miyamwau nadigega 'abo'ama 'ima miyamwau, be wate 'eguma 'ediyega wae'alama'i'ita 'omi wada 'atepatu.

2 Kolinita 2:12

Lowa yatauya Tiloasi, Keliso tetelina sabi loguguyaena ga Yaubada 'eda bobo'ana 'igigegena, 'igu loguguya nina manuna,

Pilipai 3:18

Ta sa'i tomota yaudi 'idi bubuna 'enega Keliso sietalauwalena, tauna manuda 'imwawasa kelose 'enaya. Talauwalao nidi lowa yasimanedi 'emiya, gete tuga wate ma igu dedoi yalolima, to'umalina nidi 'emiya yasimanedi.

Kolose 4:3

'Abo'ama wate manuma wada sidasida, be 'enega Yaubada 'eda 'ida gieapwese 'emaya, be 'enega Keliso tetelina kwaikwaiyina 'ada simasimana apwese tomota 'ediya, tauna tetela nina gete 'ana simana manuna sisa'u luguyegu deliya.

Yemesa 5:16

'Enega 'ebweuna 'ebweuna 'emiya 'imi to'umalinao wada simanedi, be manudi wada sidasida, be 'enega 'imi bobo'ana wada loba. Ona'ai'aila, topalupaludi 'idi sidasida waiwai wawasae.