1 Kolinita 11:28 - Loina Tabu Auwauna NT

²⁸ 'Enega 'abo nuwanuwada be 'Inapwana 'ina 'e'ai ta'a'ani, nugana 'ida bubuna manuna tada nuwanuwa, be wate tada giepaepaluda, be muliyega masula nina ta'a'ani, ta wate keiga nina 'enega tanunuma.

1 Kolinita 11:28 ပူးပေါင်းရင်းမြစ်များ

Madiu 26:22

Ta Yesu 'ina ona gete manuna sinuwamwau 'ai'aila, ga 'ebweuna 'ebweuna Yesu 'ena 'ienaida, 'igwae, “'Inapwana, yaita tauna? Nai 'abo'agu?”

1 Kolinita 11:29

Manuna 'eguma yaita 'i'e'ai besobeso nai 'inuma besobeso, ta nigeya 'inuwanuwa Keliso bwalana manuna, ma'etamo 'ana loina 'ida loba.

1 Kolinita 11:31

'Enega 'ilobweneda be 'ida bubuna tauda tada giebobo'anedi, 'abona nai Yaubada 'ida loineda.

2 Kolinita 13:5

'Enega taumi wada toomi, mwa'adega Keliso 'ana emisa wagiyai 'i'isinaya, nai nigeya. Mwa'adega, wamwalamwalatoni 'aene Keliso 'atemiya 'imiyami? Ta 'eguma nigeya, nate manuna nigeya 'imi emisamo.

Galetia 6:4

'Enega 'ilobwenemi be 'ebweuna 'ebweuna tauna 'ina guinuwa 'ida too, be 'ida mwalatoni mane guinuwa bobo'ana ta mane to'umalina. 'Enega 'eguma bobo'ana, 'ana tupu tauna 'ina nuwanuwa 'ana lotoona 'enega, ta geya'abo gosiyana 'ebweu 'ina ona 'enega.