1 Kolinita 10:13 - Loina Tabu Auwauna NT

¹³ manuna 'ebe toona nidi 'ediyega Seitani 'itootoomi, maibo'ada wate 'itootooda nadigega, ta esi Yaubada 'ina loina 'isa'una be geya'abo Seitani 'itootoo wawasaeda, ta 'abo ta'alama'i'ita 'iabe 'eda bobo'ana 'ie'itada be 'enega 'ebe toona nidi taewaiwai sinedi.

1 Kolinita 10:13 ပူးပေါင်းရင်းမြစ်များ

Madiu 6:13

Ta geya'abo 'utootooma, ta esi tauna toto'umalina nina 'enega 'uda 'etoseyema.”

Luke 11:4

Ta 'ima bubuna to'umalina 'uda nuwataudi, manuna gosemao 'idi to'umalina 'emaya 'anuwataudi. Ta esi geya'abo 'utootooma.

Luke 16:26

Ta wate 'uda mwalatoni 'aene gamwagamwanidaya sa'ala sinabwana 'imiyami ga 'enega 'iweyalida, 'enega nigeya sawesawemaya be gete 'enega 'aabalawa 'emiya. 'Omi wate, nigeya sawesawemiya be waabalama 'emaya.’

Luke 22:46

'enega 'ieonedi, 'igwae, “Geya'abo wa'eno'eno, ta watoolo be wasidasida be geya'abo Seitani 'itootoomi.”

Guinuwa 27:44

be 'enega tupwa mamo waga senasenamidiyega 'atubelaga. 'Enega maibo'ama ni'atu ma ima bobo'ana 'atube'oya'a dabalaya.

1 Kolinita 1:9

Ona'ai'aila Yaubada ma 'ana emisa sinabwana, manuna 'ibwauyemi ga natuna, tauna 'ida 'Inapwana Yesu Keliso, ma'emi waegosigosiyana.

2 Kolinita 1:10

Ta ni'atu 'ebe esilae nina 'enega 'i'etoseyema, ta wate 'anuwayaina 'aene ma'etamo 'ida 'etoseyema tuta maibo'ana 'ediya.

1 Tesalonaika 5:24

Manuna Yaubada tauna 'iesinuwemi, tauna ma 'ana emisa, ga to'ase ni'atu 'ieoneda 'ida guinuwe.

2 Tesalonaika 3:3

Ta esi 'Inapwana nina ma 'ana emisa sawesawenaya be 'igiepa'alimi, ta 'i'ita'i'isimi be 'aene geya'abo Seitani 'igitogitoomi.

2 Timoti 4:18

Be mwau maibo'adi 'ediyega 'Inapwana nina 'ida 'etoseyegu be 'ina 'ebeloina galewaya 'ena yalulugu. 'Enega tada tupu atae. Eimeni.

Ibeliu 10:23

'Enega tatoolo pa'ala be 'ida emisa Yesu 'ena tada giyagiyai, be tasimana apwesa tomota 'ediya, manuna Toonaupaupa nina nigeya 'ida kabo ta esi 'ina onao nidi nadigega 'iguiguinuwa 'esedi.

Ibeliu 11:11

Sela wate 'anabwa'ayoi 'ikaiyale ta 'ina emisega bwalana 'iewaiwai ga 'i'euwana, manuna Yaubada 'ina onaupaupa nina 'iemisena.

Ibeliu 12:4

Ta 'omi tuta nina bubuna to'umalina walosaiyena 'imi miyamwau gidalina tuga, ta tomota nigeya siloeloemwawasimi Yesu nadigega.

Ibeliu 6:18

'Enega yage waiwaidi 'eluwa simiya ataya, nate Yaubada 'ina onaupaupa ta 'ina sawa tamatamana, 'enega tamwalamwalatoni 'aene Yaubada nigeya 'ebweu tuta 'ida kabo. Manuna 'abo'ada ni'atu Yaubada 'ena tadena ga 'i'etoseyeda, 'enega ta'atepatu be tada nuwayai 'aene 'ina onaupaupa 'edaya geya'abo 'iligeligeidi.

1 Pita 4:19

'Enega 'abo 'omi Yaubada 'ina nuwena 'enega 'elouya walobadi, yawasimi wada tagwaledi tauna 'ena, be 'enega 'ida 'ita'i'isimi, manuna tauna 'ada Tomweluluwa bobo'ai'ailina; ta 'omi wate nadigega wada bubuna bobo'ana.

2 Pita 2:9

'Enega tamwalamwalatoni 'aene Yaubada tobobo'adi 'ebe tooyao 'ediyega 'ida 'etoseyedi, ta toto'umalidi 'iloinedi be 'ana laba 'asiyata bwa'omatana 'enaya.

1 Yoni 1:9

Ta esi 'eguma tasimana 'ai'aili be tagwae, “O! Ni'atu yaloegesi,” Yaubada 'ida to'umalinao 'ida nuwataudi be 'enega 'igie'esasa 'ai'ailida, sawesawenaya be Yaubada tauna Topalupaluna taemise.

E'ita'ita 19:11

Ta galewa ya'itena 'i'egegena, ta 'enaya osi wakewakekena, ta 'ana togelu nina sieesena Togwaunuwa palupaluna. Ga 'ina loina palupaluna 'enega 'ibwa'omatana, ta wate 'ilosalosaiya.

E'ita'ita 2:10

Ta geya'abo wamatamatauta 'abo to yage 'ena 'elouya waloba. Wada nuwa'i'isi 'aene 'etamo Seitani 'ida wasegigiyemi be 'aimi sida yonimi be deliya sida sa'umi, ta esi 'ami mwau nidi 'asiyata sanau dimo manudi. “Ta wada toolopa'ala 'ana laba mwawasa, be 'enega yawasimi ataya yada 'ebwa'emi.

E'ita'ita 3:10

“Ta 'etamo tuta mwau 'ida apwesa bale'uya, be tomota yaudi 'ida toodi, ta 'omi esi mwau nina 'enaya yada 'ita'i'isimi, manuna 'igu ona waematamatanena, ga manugu wae'alama'i'itanemi.