1 Kolinita 1:21 - Loina Tabu Auwauna NT

²¹ Manuna sinasinapu bale'u geya'abo sa'i 'enega Yaubada tamwalamwalatoni. Ta esi Yaubada 'ina nuwanuwa, ta 'ina tetela 'ana loguguya namo 'enega, 'ana toemisao 'abo'ada 'i'etoseyeda. Tetela nina me bale'u sieyage besobesoena,

1 Kolinita 1:21 ပူးပေါင်းရင်းမြစ်များ

Madiu 11:25

Tuta gote 'enaya Yesu 'igwae, “Kagutoki Tamagu, 'oyo galewa ta bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega, ta esi gogama gidalidi 'ediya 'ue'itaena.

Luke 10:21

Gote tuta nina 'enaya Yaluyaluwa Tabuna Yesu 'igiegwausowalena ga 'igwae, “Kagutoki Tamagu, 'oyo galewa be bale'u 'adi toloina, mwalatoi gete 'ukwaiyena tosinasinapuyao be tomwalatoiyao 'ediyega ta esi gogama gidalidi 'ediya 'ue'itaena. Ona'ai'aila Tamagu, 'imu nuwanuwa gete bobo'ana.”

Luke 12:32

Ta 'omi ona'ai'aila Yaubada 'ina sipiyao, 'enega geya'abo wamatamatauta, manuna ni'atu 'iesinuwemi be 'ina 'ebeloina 'ena walulugu.

Yoni 12:31

Tuta gete ni'atu 'imai saba be toto'umalidi bale'uya simiyami Yaubada 'ida loinedi, ta wate bale'u gete 'ana toloina to'umalina 'ida ula apwese.

Loma 1:28

Gote 'enega geya nuwadi Yaubada 'ana mwalatoi, 'enega Yaubada 'ediya 'itagwala be nuwanuwa to'umalidi 'iloemaedi, 'enega yage nidi nigeya 'ilobwelobwenedi ta tuwa tuga siguinuwedi.

Loma 11:33

Yaubada 'ina loina be 'ina mwalatoi sinabwa wawasae manudi geya'abo tagwaegwae, ta 'abo'ada nigeya 'ebweu yaita sawesawenaya be Yaubada 'ina nuwanuwa be 'ina guinuwao 'isinapudi.

1 Kolinita 1:18

Ona'ai'aila, kelose tetelina taudi yaluyaluwadi mwawamwawasidi si'awa kabokaboei, ta esi 'abo'ada taemisena 'aene Yaubada 'ina waiwai tetela nina 'ena 'imiyami, ga 'enega 'i'etoseyeda.

1 Kolinita 1:23

ta 'abo'ada esiya tetela nina taloguloguguyae, Keliso 'ina mwawasa kelose 'enaya namo manuna, ga 'enega me Yudia siguitoyasena, ta wate mali bodao tetela nina si'awa yage besobesoena.

1 Kolinita 1:24

Ta esi 'abo'ada Yaubada 'ana toemisao 'iesinuweda, boda Yudia be mali boda 'ediyega, ga Keliso 'enega Yaubada 'ina waiwai ta 'ina sinasinapu 'i'ebwa'eda.

1 Kolinita 1:25

Manuna to'ase Yaubada 'ina guinuwa nenetana nai gidalina, tomota 'abo'ada 'ida waiwai sinabwadi 'iewaiwai sinedi.

1 Kolinita 1:27

ta esiya yaudi uwauwadi 'iesinuwedi, ga uwauwadi nidi bale'u 'ana tosinasinapuyao sigie omayamayaedi, ta wate bale'u 'ana tonenetao Yaubada 'iesinuwediya, ga taudi wate toewaiwaiyao siewaiwai sinedi.

1 Kolinita 11:32

Ta esi 'abo tuta gete 'enaya Yaubada 'iloineda, nate 'igiepaepaluda, be 'enega ma'etamo bwa'omatana 'enaya geya'abo me bale'u ma'edao 'iloiloineda.

1 Kolinita 2:14

Ta esi 'abo nigeya, geya'abo sa'i simwalamwalatoni, manuna 'ediya 'aene yage kabakabaleya tuga. 'Enega nigeya sawesawediya be yage nidi simwalamwalatonidi, manuna Yaubada yaluyaluwana geya'abo 'igiegienuwa sabwalenidi.

1 Kolinita 4:10

ta 'ama 'ita 'atuwa uwauwama Keliso manuna, ta sa'i 'omi 'ami 'ita 'atuwa taudi Keliso 'ana tosinasinapuyao, manuna 'abo'ama nenetama ta 'omi waiwaimi, be ma 'ami 'amayaba, ta 'abo'ama sa'i ma ima omayamaya.

1 Kolinita 6:2

Wada nuwa'i'isi 'aene 'abo'ada Yesu 'ana toemisao ma'etamo yage maibo'ana tada loinedi, 'enega sawesawemiya be yage gidalidi etala 'ediya wada loinedi.

Galetia 1:15

Tuta nina nigeya yatubutubuwa, ta lowaenei Yaubada 'ina obobomega 'igimi esinuwegu,

Galetia 4:8

'Omi lowa Yaubada nigeya wamwalamwalatoni, ta 'imi 'ebe emisao bale'u gwegwenao 'ediya, taudi nadigega yaubada kabokabodi.

Epeso 1:9

Ona'ai'aila, sinasinapu be mwalatoi 'i'ebwa'eda, ga tauna 'ina nuwanuwa kwaikwaiyidi tamwalatonidi, manuna gete 'igimi loinaena be Keliso 'enega 'ida losaloni,

Epeso 3:10

'aene 'ebe'ita 'abo'ada toekalesiyao, be 'edega Yaubada 'ina mwalatoi maibo'ana 'ie'itae galewa 'ana yaluyaluwa waiwaidi 'ediya.

Kolose 1:19

Ta Yaubada nuwanuwana, ga tauna 'ina waiwai be 'ina bubuna maibo'adi 'ediyega Yesu 'iloemaena,

Ibeliu 1:14

Ta aniloseyao taudi yaluyaluwa tuga ta toepilialeale, taudi Yaubada 'isa'udi be 'aene silemeda 'abo'ada, yaisigedi 'abo 'etoseyana manuna 'iesinuweda.

Ibeliu 2:3

'Abo'ada wate 'abo 'etoseyana nina sinabwana taguitoyasei, bwa'omatana taloba, ta nigeya kapekapeyana tadedena 'enega. Ona nina 'etoseyana manuna 'ida 'Inapwana Yesu 'igimisimana apwesena, 'enega 'ina onao 'ana togimi nonoyao 'abo'ada si'ebwa'eda.

Ibeliu 7:25

Ta Yesu nina tuta maibo'ana sawesawenaya 'i'etoseyeda, 'eguma 'ana emisega talulugu Yaubada matanaya, manuna Yesu miyamiya atayana, ta tuta yauna manuda 'isidasida Yaubada 'ena.

Yemesa 4:4

'Omi toemisa kabokaboyao, wada mwalatoni 'aene 'abo bale'u bubunina waoboobobome, nate Yaubada waetalauwale, manuna 'abo yaita bale'u bubunina nuwanuwana, tauna Yaubada 'ana saiya.

Yemesa 5:15

Ta 'abo ma idi emisa sisidasida, Yaubada 'ida leme tole'oasa nina be 'ida bobo'ana, ta wate 'eguma ma ina to'umalina Yaubada 'ida nuwataudi.

Yemesa 5:20

'uda nuwa'i'isi 'aene toto'umalina nina yawasina mwawasega 'u'etoseyena, manuna 'ina to'umalina maibo'ana sigumwala. 'Abo'agu Yemesa.