1 Kolinita 1:13 - Loina Tabu Auwauna NT

¹³ Geya'abo Keliso 'enega taweyaweyalida, manuna taunamo manumi sigiekelosena ga 'ana esanega wabapitaiso, ta nigeya 'agu esanega.

1 Kolinita 1:13 ပူးပေါင်းရင်းမြစ်များ

Madiu 28:19

'Enega watatauya be sena maibo'adi 'ediya waloguguya, be 'enega tomota sida emisegu, be wate wagiebapitaisoedi Tamagu 'ana esanega be Natuna 'abo'agu 'agu esanega be wate Yaluyaluwa Tabuna 'ana esanega.

Madiu 3:6

ga 'idi bubuna to'umalina sisimanedi, ta 'enega 'igiebapitaisoedi bwasi Yolidani 'enaya.

Guinuwa 10:48

'Enega Pita nina 'iloina be To'etoseyana Yesu 'ana esanega sida bapitaiso, ga muliyega tomota nidi Pita sisidena be 'aina 'asiyata wate ma'ediya sida miyami, ga 'itagwala.

Guinuwa 19:5

Gete me Epeso nidi sinonona, ga sinuwa sabwalena 'ai'aila, 'enega 'Inapwana Yesu 'ana esanega sibapitaiso,

Guinuwa 2:38

'Enega Pita 'igwae, “'Imi guinuwa to'umalina 'ediyega wada nuwa'ebuni, be maibo'ami To'etoseyana Yesu 'ana esanega 'ada giebapitaisoemi, be 'imi to'umalinao 'ida nuwataudi, be wate Yaluyaluwa Tabuna 'ida 'ebwa'emi.

Guinuwa 8:16

manuna ma'etamo nigeya 'ilugulugu 'ediya. Nate namo 'Inapwana Yesu 'ana esanega sibapitaiso.

Loma 14:9

Gete 'alena 'enega Keliso 'imwawasa ga 'itoolo limana, be 'enega 'aene tomwawasao be 'abo'ada mayawasida maibo'ada 'edaya 'ida etoloina.

1 Kolinita 1:15

'Enega geya'abo waonaona be wagwaegwae, “'Abo'ama Paulo 'ina boda, manuna Paulo 'igiebapitaisoema.”

1 Kolinita 10:2

'Enega pwana be ola 'ediyega 'idi bapitaiso silobena 'aene Mosese 'ana tomuliyao,

2 Kolinita 11:4

'Enega 'abo yaita 'iweewai be Yesu tetelina 'emiya 'iloguguya, ta nigeya 'abo'ama 'ima loguguya nadigega, tauna 'enaya watagwalemi tuga. 'Omi ni'atu tetela bobo'ana 'ena watagwalemi ga Yaluyaluwa Tabuna 'emiya walotoona, ta sa'i mali tetela be mali yaluyaluwa 'ediya watagwatagwalemi.

Galetia 1:7

Ona'ai'aila, Tetela Bobo'ana 'ebweuna namo, ta nigeya 'ebweu wate tetela 'imiyami, ta esi 'aina tomota ni'atu sigiekwanimi, manuna nuwanuwadi be Keliso tetelina sisa'u gelase be 'enega sikaboemi.

Epeso 4:5

'ida 'Inapwana wate 'ebweuna namo, 'ida emisa 'ebweuna namo, 'ida bapitaiso 'ebweuna namo.

Taito 2:14

Tauna 'itagwalena manuda ga 'imwawasa sabi 'etoseyeda 'ida to'umalina maibo'ana 'ediyega, be 'igie'esaseda, ga 'ana boda 'ena 'isa'uda be 'ina guinuwa bobo'adi 'ediya tagwaunuwa.