Urom 1:3 - Naaŋmen Nɔpaalaa Gane

³ A Ŋmen-yelnoore kyaare la a O Bidɔɔ naŋ da e Davil bale a nensaaloŋ poɔ,

Urom 1:3 ပူးပေါင်းရင်းမြစ်များ

Matio Gane 1:1

Yeezu, a Mɛzaaya sããkommine dɔge-tu-taa yoe la ama; O da waa la Davil bie, ka Davil meŋ waa Aboraham bie.

Matio Gane 1:16

ka Gyekɔb dɔge Yuzɛb, a Mareya serɛ. A Mareya la dɔge a Yeezu, ba naŋ boɔlɔ a Mɛzaaya.

Matio Gane 1:6

ka Gyesi dɔge Naa Davil. Ka Davil de Yuriya pɔge a dɔge Solomɔn,

Matio Gane 12:23

A noba zaa nɔɛ da maaɛ la ka ba soorɔ, “A Davil Bidɔɔ mɔɔ naane a ŋa be?”

Matio Gane 15:22

Lɛ la ka Kena teŋɛ pɔge kaŋ da wa yi piili boɔlɔ gboligboli, “Zo n nembaaloŋ, Davil Bidɔɔ; sefaa dɔgrɔ la n pɔgeyaa yaga zaa.”

Matio Gane 26:63

Kyɛ a Yeezu da taŋ la O noɔre. Lɛ la ka a Naaŋmen bagmaalkare neŋkpoŋ yeli ko O, “Pɔ a Naaŋmen-vore, a yeli ko te, ka fõõ wa la a Mɛzaaya, a Naaŋmen Bie”

Matio Gane 27:43

O dɛle la Naaŋmen, O e ka a Naaŋmen wa faa O a pampana ŋa zaa, ka O naŋ wa boɔrɔ, bonso, O yelee la, ‘N waa la Naaŋmen Bie.’ ”

Matio Gane 3:17

Ka kɔkɔre kaŋ yi sazu a yeli, “N Bidɔɔ la aŋa, N Poyɛŋ Bie, N poɔ pɛle ne O la yaga.”

Matio Gane 9:27

A Yeezu naŋ da wa yi a be gɛrɛ, zɔnne mine bayi da tuuro O la, a kyeerɛ yele, “Zo te nyonono, Davil Bidɔɔ!”

Luka 1:35

Ka a maleke yeli ko o, “A Vooroŋ Soŋ na wa la fo zie, ka a Naaŋmen kpeɛ̃õ wa sigi fo, a zuiŋ a bie fo naŋ na dɔge na e la bi-soŋ, ka ba boɔlɔ O Naaŋmen Bie.

Luka 1:69

O ko te la faabo gandaa ka O yi a O tontonɔ Davil bale poɔ,

Gyɔɔn 1:14

Ka a Yelbiri da leɛ nensaala, a wa zeŋ te poɔ, ka te nyɛ O puubu. Ka a O puubu te tɔgle ne a saa bidɔɔ yeni puubu, naŋ paale ne garaaseɛ ane yelmennoŋ.

Gyɔɔn 1:34

Kyɛ maa meŋɛ nyɛɛ la kyɛ di danseɛ ka a Naaŋmen Bie la a ŋa.”

Gyɔɔn 1:49

Ka Nataneɛl da leɛ yeli, “Wulwullo, fõõ la a Naaŋmen Bie! Fõõ la a Izerayɛl Naa!”

Gyɔɔn 10:30

Maa ne a Saa waa la yeni.”

Gyɔɔn 10:36

wola ka yɛ na baŋ yeli ka a soba na a Saa naŋ maale ka O waa soŋ, ka O toŋ O a teŋɛzu, toorɔ la Naaŋmen zone. N naŋ da yeli, ‘N waa la Naaŋmen Bie zuiŋ’?

Gyɔɔn 20:28

Ka a Tɔmaase da leɛ yeli sɔge O, “N Daana ane N Naaŋmen!”

Gyɔɔn 20:31

Kyɛ ba sɛge la a ama ka ka yɛ na sage de ka Yeezu la a Mɛzaaya, a Naaŋmen Bie. A yɛ sagedeebo zie la ka yɛ na tu a nyɛ nyɔvore a O yuori eŋɛ.

Gyɔɔn 5:25

“Serɛzaa ka N yeli ko yɛ, a saŋ tara la; a saŋ gba taɛ la pampana ŋa, ka kuuni na woŋ a Naaŋmen Bie kɔkɔre. Kyɛ banaŋ naŋ na woŋ a kɔkɔre na taa la nyɔvore.

Gyɔɔn 7:42

A gansoŋ mɔɔ ba yeli ka a Mɛzaaya na e la a Davil bale neɛ kyɛ na yi Bɛtelɛhɛm tembile na poɔ a Davil naŋ da kpeɛrɛ be?”

Toma 2:30

O naŋ da waa Ŋmen-yelmanna zuiŋ, o da baŋ ka Naaŋmen da pollɛɛ la, a eŋ noɔre ko o ka O na biŋ la o bie kaŋ a o nakogi zu.

Toma 3:13

A Aboraham Naaŋmen, a Aziki Naaŋmen ane a Gyekɔb Naaŋmen ane a te sããkommine Naaŋmen la e ka o tontonɔ Yeezu nyɛ puubu, Ona la ka yɛ da de tere, a gyɛ O bare a Pilato niŋesogɔ, aneazaa ka a Pilato da boɔrɔ la ka o bare O.

Toma 8:36

Ba naŋ da naŋ be a sobiriŋ gɛrɛ, ba da wa ta la koɔ̃ mine; ka a dɔɔ-varaa yeli, “Nyɛ, koɔ̃ la be kyɛ! Boŋ la na pigi n suobu deebo?”

Toma 9:20

O da piili la a daadaalɛ a moɔlɔ a Yeezu yɛlɛ a puoruuderi poore, a yele, “A Yeezu la a Naaŋmen Bie.”

Urom 1:9

Bonso, a Naaŋmen N naŋ tonɔ korɔ ne n poɔ zaa, a moɔlɔ a O Bidɔɔ yelnoore la n dansedire ka N daŋ ba inni ka N teɛre yɛ yɛlɛ wagre zaa n puoruu poɔ.

Urom 4:1

Te na yeli ka boŋ tɔnɔ la ka a te eŋgannoŋ poɔ sããkoma Aboraham pãã da nyɛ?

Urom 9:3

Bonso, N da na nɔnɔ la ka N meŋɛ da na waa neŋkaa-ennaa, ka ba ŋmaa ma iri bare a Kirista eŋɛ, a n noba zuiŋ, noba naŋ waa n zẽẽ noba, a nensaaloŋ poɔ.

Urom 9:5

Bana la so a sããkommine, a ba boorɔ poɔ la ka a Mɛzaaya yi a nensaaloŋ poɔ, Ona la di naaloŋ a noba zaa zu. Ka Naaŋmen nyɛ puubu tegitegilɛ. Ameena.

1 Kor 1:9

Naaŋmen e la yelmeŋɛ soba. Ona la boɔle yɛ kpɛ ne a O Bie te Daana Yeezu Kirista laŋne poɔ.

1 Kor 10:18

Yɛ kaa a Izerayɛl biiri nyɛ; a banaŋ naŋ maŋ di a Naaŋmen bagmaale boma, ba ba maŋ waa a Naaŋmen bagmaalkuuri laŋne deme be?

Galesiya 4:4

Kyɛ a saŋ naŋ da wa ta, Naaŋmen da toŋ la O Bidɔɔ, ka pɔge dɔge O, a dɔge O a bege puliŋ,

I Tesa 1:10

a na kyɛllɛ a O Bidɔɔ ka O yi tenvelaa wa. Ona la ka O da e ka O leɛ-iri yi a kũũ poɔ; Ona la a Yeezu naŋ faa te yi a supuriyaaraa naŋ waana poɔ.

1 Tim 2:5

Bonso Naaŋmen yeni yoŋ la bebe; ka yelmaala yeni meŋ be Naaŋmen ane nensaalba sogɔŋ. Ona la a Kirista Yeezu naŋ sereŋ waa nensaala,

1 Tim 3:16

Serɛzaa, a te puoruu yelsɔglaa waa la kpoŋ: Ba da iri O la wuli nensaala waaloŋ poɔ ka a Vooroŋ Soŋ wuli ka O ba taa saanaa zaa, ka malekere da nyɛ O, ka ba da moɔle O yɛlɛ a Nemboore-yobo zie, ka ba da sage de O yɛlɛ a tendaa zaa poɔ, ka ba da de O do ne sazu ne puubu.

2 Tim 2:8

Leɛ-teɛre a Yeezu Kirista naŋ yi a Davil boorɔ poɔ ba naŋ da e ka O leɛ-iri yi a kũũ poɔ yɛlɛ; a n Ŋmen-yelnoore la a ŋa.

1 Gyn 1:3

Bon te naŋ da nyɛ kyɛ da woŋ yɛlɛ la ka te yele korɔ yɛ ka ka yɛ meŋ na laŋ ne te. Kyɛ serɛzaa, a te lantaa e la te ne a Saa ne a O Bie Yeezu Kirista lantaa.

1 Gyn 3:23

Kyɛ a O noɔre la ŋa, ka te sage de a O Bie Yeezu Kirista yuori kyɛ nɔnɔ taa aŋa lɛ O naŋ da eŋ noɔre ko te.

1 Gyn 3:8

Neɛzaa naŋ erɛ yelbebe e la a sebɛlbɛllɛ bie, bonso, a sebɛlbɛllɛ la erɛ yelbebe a yi a piiluu saŋ. A yeli ŋa zuiŋ la ka a Naaŋmen Bie wa, ka O wa sãã a sebɛlbɛllɛ toma bare.

1 Gyn 4:15

Banaŋ zaa naŋ maŋ yeli ka Yeezu waa la Naaŋmen Bie, Naaŋmen maŋ be la ba poɔ ka ba meŋ be a Naaŋmen poɔ.

1 Gyn 5:1

Neɛzaa naŋ sage de ka Yeezu la a Kirista waa la neɛ Naaŋmen naŋ dɔge. Neɛzaa naŋ nɔŋ a bidɔgrɔ maŋ nɔŋ la a bie meŋ.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.

1 Gyn 5:5

Aŋ la maŋ zɔɔtoɔ̃ a andonɛɛ, ka neɛ naŋ sage de ka Yeezu waa la Naaŋmen Bie naane?

2 Gyn 1:7

Bɛlbɛlbɛ yaga wa la a teŋɛzu, banaŋ naŋ ba sage ka Yeezu Kirista wa leɛ la nensaala. A neɛ ŋa kanzaa tɔ waa la bɛlbɛllɛ ane zirii kirista!

Yel-iriwulaa Gane 2:18

“Sɛge ko a puoruu laŋne maleke naŋ be Taatira teŋɛ poɔ: A Naaŋmen Bie yelbie la ama. Ona la ka O nimie waa ŋa vũũzele, ka O gbɛɛ waa ŋa kur-zeɛ: