Toma 8:9 - Naaŋmen Nɔpaalaa Gane

⁹ Dɔɔ kaŋ yuori naŋ da di Saamon da daŋ erɛ la yelbeere a teŋkpoŋ poɔ, ka a Samareya teŋɛ noba nɔɛ da maa, kyɛ ka o da yele ka o waa la gandaa.

Toma 8:9 ပူးပေါင်းရင်းမြစ်များ

Gyɔɔn 7:18

Banaŋ naŋ maŋ yele bamenne yɛlɛ maŋ boɔrɛɛ puubu korɔ bamenne, kyɛ neɛ naŋ boɔrɔ puubu korɔ a soba na naŋ toŋ o, ona la taa yelmeŋɛ, ka zirii zaa ba kye o zie.

Toma 13:6

Ba naŋ da yoɔrɔ a Salame teŋɛ a te ta Pafo, ba da nyɛ la yelbeere erɛ kaŋ naŋ da waa a Gyuumine kaŋwaa Ŋmen-yelmanna ka o yuori di Baa-yeezu.

Toma 13:8

Kyɛ a yelbeere erɛ Elima (a yuori tɛge la a lɛ a Giriki kɔkɔre poɔ) da pigi la ba sori, a da erɛ aneɛ ka a gɔbena ta sage de a Naaŋmen yelbiri.

Toma 5:36

Bonso saŋ kaŋ naŋ tɔle, Tiyodase da iree la a boɔlɔ o meŋɛ neɛ kaŋ, ka noba naŋ ta ŋa kɔɔraanaare da tu o; kyɛ ba da ko o la ka a banaŋ zaa naŋ da tuuro o da zo yaare ka a yɛlɛ da baare.

Toma 8:11

Ba da eŋ la toori a kyɛllɛ o yɛlɛ, bonso, o da toŋ la nɔmaa toma ka a maa ba nɔɛ ka a kɔɔre.

II Tesa 2:4

O maŋ zɔɔrɔ la kyɛ duoro o meŋɛ gaŋ kaŋwaa ŋmen bee bonzaa ba naŋ puoro, ka ka o na zeŋ o dakogi zu a Naaŋmen die poɔ kyɛ boɔlɔ o meŋɛ Naaŋmen.

2 Tim 3:2

Bonso, noba na nɔŋ la bamenne, a nɔŋ libie, a wullo bamenne, a erɛ pɔloo, a toorɔ noba zoma, a zagra ba dɔgrebɔ nɔɛ, a ba baŋ bareka puoruu, a waa nendɛgɛ,

2 Tim 3:5

Ba maŋ erɛ ŋa ba naŋ puoro Naaŋmen kyɛ zagra a O kpeɛ̃õ. Ta laŋna ne ba!

2 Pit 2:18

Ba maŋ yeli la yelbi-bɛrɛ naŋ ba taa tɛgɛ kyɛ de eŋgane vɔlfaare yɛlɛ bɛlle ne noba na naŋ da zo yi a banaŋ naŋ da be tuluu poɔ.

Yel-iriwulaa Gane 22:15

A nenfaare ane a banaŋ naŋ erɛ sɔyɛlɛ ane a banaŋ naŋ tonɔ peɛ̃mo toma ane a neŋkooreba ane a banaŋ naŋ puoro tebɛ ane neɛzaa naŋ nɔŋ kyɛ ŋmaara zirii na be la a yeŋ poɔ.